مخرج 6 هو ( طريق ابو بكر الصديق )
على الدائري الشمالي بس الي مايعرف الرياض يقول طريق الدمام
طبعآ يسار المخرج ( جنوب ) حي المصيف والتعاون فيه شقق مفروشه بكثره على نفس الطريق
بس الله يعينك على ازعاج التحويلات لها سنه مانشوف إلا صبات ماحد يشتغل
تدري المشاريع عندنا يتسابقون من يخلص اخر واحد ) :
سوق المعيقليه وسط الرياض على طريق الملك فهد ونت متجه جنوب إذا جاي من شمال الرياض
لما تشوف لوحة قصر الحكم الصفاة اطلع فوق يمين وخذ يسار اسأل هناك تكون وصلت

اذا على الدائري فهو ملئ بالشقق المفروشه
والمعيقليه اذا بتشترون شي للمناسبه او لوازم اذكروها نسهلها لكم بدل العنوه الى هناك
لان الشمال اقرب لكم

بيل قيتس
سوق المعيقليه وسط الرياض على طريق الملك فهد ونت متجه جنوب إذا جاي من شمال الرياض
لما تشوف لوحة قصر الحكم الصفاة اطلع فوق يمين وخذ يسار اسأل هناك تكون وصلت
الله يجزاك خير ويكثر من امثالك

*؛؛شموخ ؛؛*
الله يجزاكي خير شموخ
انا بزور المعقلية واتسوق فيها

اخوي الدائري الشمالي مليان شقق
يوجد شقق بودل فرع المصيف بين مخرج 5 و 6 بالجهة الجنوبية وكذلك شقق بودل المروج قبل مخرج 5 وتلقاها بعد ميداس حق المفروشات طبعا هذا اذا تبي شقق صح وفخمة
الصراحه شقق بودل المصيف ديكوراتها استثنائية اذا هي لازالت على خبري قبل سنتين حجزت فيها للاهل وكان الديكور رائع بس كل شي بسعره مثل ما انت عارف
تحياتي

نسيت اسمي
مشكور يالغالي
بس ياليت ترسل رقمهم

متى الوصول وكم ليله راح تقضيها ؟