يا هلا فيج اختي تنورون قطر
هاذا الموقع اسعاره رخيصه ومعتمد للحجز انصج فيه احجزي
ضغط هنا http://www.fendeq.com/index.php
وانصحج تحجزين في هاذا الفندق جديد وراقي
تقرير عن فندق

وماتسوى الجيه بدون حجز وتدرون فندق ويضيع ليكم اليوم اضمنو الفندق قبل السفر
ورحله سعيده أن شاء الله
واي خدمه احنا تحت امرج

تقدرين تحجزين عن طريق النت
او خلي اي حد من الي عندج يتصل ويحجز لان الحجز مايبيله لغة قويه
واكيد اكيد اضمنيالسكن قبل
وشوفي الموقع الي عطاج ايها اخو قطر بفيدج وايد
تحياتي

ماقصروا حبايبي
وأي خدمه بالحجز أو توضيح لاتترددين
حاضرين
فالكم طيب

يامال العافية اخواني وماقصرتو
وحجزنا عن طريق الموقع والصراحة روعة جداً
والحين حنا بالدوحة والصراحة ماتوقعته كذا روعة جداً
لكن اذا ماكان عليكم كلافه تعطوني اسماء مطاعم او اماكن ينراح لها
ومشكورين ياهلنا بقطر...

بنسبة للمولات فيه سيتي سنتر وهو مكون من 5 طوابق وفيه حلبة تزلج وفيه سينما وهي مكونه من 14 شاشه وعندهم مدينة ملاهي وفيه مطاعم وايد ومتنوعه ومحلاته وايد وفيه كارفور وان شاءالله يعجبكم
وعندج الاند مارك وهو مكون من طابق واحد ولاكنه كبير وفيه مدينة العاب وسينما فيها3 شاشات وتستحق الزيارة وفيه كوفياتمتنوعه وحلوة وتستحق الزيارة ومن غير كورنر المطاعم
وعندج مجمع المول وهو يعتبر اصغر من الاثنين الي قبل بس هو مجمع رايق وفيه سينما وحلو
وعندج مجمع فيلاجيو وهو طابق واحد ولاكنه مصمم على الطريقة الايطاليه وهو حلو ويستحق اكيد الزيارة وفيه كوفي شوبات ومطاعم حلوة وفيه ركن الماركات العالمية من غير المحلات الثانية الحلوة بس ماعرف اذا السينما الي فيه افتحت ولا لا اتمنى هشغل الاعضاء يفيدونا فيها لاني برا قطر ومادري
وعندج مجمع الحياة بلازا وهو على بعد خطوات من فيلاجيو وتقدرون اتزورونهم مع بعظ طبعا فيلاجيو احلى بس بعد هو مجمع رايق وحلوو وفي مدينة العاب اسمها جنغل زون ومادري بعد اذا السينما الي فيه افتحوها ولا لا اتمنى حد يفيدنا بهشغله
وعندج مجمع الرويال بلازا وهو يعتبر من اصغر المجمعات وفيه ركن للمطاعم وفيه سينما وتعتبر السينما اليفيه هي ارقى سينما بحكم انها اجدد شي ومرتبه وايد ولاكن عيبها بس 3 شاشات وانا اشوفها هي مع سينما غراند الي بسيتي سنتر هم افضل شي بنسبة لي
وعندج متحف الفن الاسلامي وهو يقع في نهاية الكورنيش ويستاهل الزيارة وهو توه فاتح جديد ويعتبر من ارقى المتاحف في العالم
وعندج الؤلؤة قطر وهي الجزيرة الاصطناعية ممكن اتروحون وتاخذون لكم لفه فيها
وعندج حبيب الشعب القطري وهو سوق واقف وهو يعتبر اقدم سوق بدوحه ولاكن هو سوق قديم على الطراز الحديث يعني كل شي حديث فيهبس بستايل قديم اتمنى فهمتي الفكره ويمتاز بكوفي شباته ومطاعمه ومن غير السوق الي فيه واكيدراح تستمتعون فيه
وعندكم حديقة سباير وهي ورا فيلاجيو تقدرون اتزورونها مع فيلاجيو والحياة بلازا وهي تعتبر ممشى بس حلوو
عندج القرية التراثية وهي بلكورنيش وهي قرية حلوة واتمنى الاعضاء يفيدونا اذا لحين مفتوحه ولا لا
وتقدرين تنزلون واتمشون في كورنيش الدوحه وتاخذون لكم لفة على القارب بس انتبهو ان يدبلون عليكم السعر
وبنسبة للمطاعم نسخت لج اختي رد من ردودي لشخص كان يستفسر عن المطاعم واتمنى تستفيدين منه

• ________________________

وبنسبة للمطاعم عندك في مطاعم غالية وفي مطاعم نص نص وفي الرخيصه
مادري انت شنو طلبك فيهم
بس بنسبة للمطاعم الراقيه عندك مطعم المرجان بلكورنيش وهو على البحر وقعدته حلوة وايد وهو مطعم لبناني وفيه شيشة
وبذكرلك اسم اكثر من مطعم لبناني كلهم حلوين ويقدمون الشيشة اذا انت مدخن وهم
ليالي & الساحه & اوتار & الصياد وهو بنادي الدبلوماسي & البندر في سوق واقف
وكل الي ذكرتهم يقدمون الشيشة اذا كان هاي طليك بلمطاعم
وعندك مطاعم هندية مثل ( بخارة & رويال تندوري & اشاز في فيلاجيو وكلهم مطاعم حلوة وراقيه
وبنسبه للمطاعم الامريكيا فيه حلوة واسعارها مناسبه مثل ( ابل بيز & شيليز & فرايديز & بينج & فيدركير & امريكان غيرل)
ومثل ماذكرت لك ان اسعارهم مناسبه مثل الي عندكم اكيد
واذا انت اتحب البوفيهات فعندك بوفية فندق فريج شرق وبوفيه فندق الفورسيزنت وعندك مطعم حباري في فندق الشيراتون
واكيد في مطاعم فاست فود مثل (ماكدونالد & برجر كنغ & طازج & كودو & هارديز & كنتاكي & ماري براون & شرمبي & تيك اوي )
وعندج هلموضوع تقدرين اتشوفينه عليه
https://artravelers.com/p/re/235965

• ____________________________

وبحطلج موقع السينمات الي بدوحه
غراند سينما الستي سنتر
http://www.bccmovies.com/index.asp
سينما الاند & المول & الرويال بلازا
http://www.qatarcinemas.com/index_ar.asp
وانا انصح بسينما الستي سنتر وسينما الرويال بلازا
وهاي خريطة قطر يمكن تستفيدين منها
http://www.qsa.gov.qa/Ar/QatarMap.htm
وعندج هتقرير تقدرين اتشوفين منخلاله بعظ الاماكن بدوحه
https://artravelers.com/p/re/229606

• _______________________

هاي كان ردي لاحد الاعضاء نسخته ويبته لج
واي استفسار احنا بلخدمة
تحياتي

واله ماتدرون وش كثر نفعتون بهاذي المعلومات وخليتونا نستانس اكثر بالدوحة
صدق انتم ياهل قطر شعب مضياف وخدوم لابعد الحدود واتمنى اني اقدر اردلكم الجميل...
صدق اني ثقلت عليكم لكن عندي استفسار بخصوص السنما هل له وقت معين ينراح لها والى متى هي فاتحه
ومشكورين يأهلنا بقطر....

منورة الوردية
يا هلا وغلا فيكم في دولة قطر بلادكم الثانية
كلج ذوق أختي الغالية ومنورين الدنيا
حبيبتي بالنسبة لإستفسارج عن مواعيد السينما.....
السيتي سنتر تفتح من الساعه 11 الظهر إلى منتصف الليل تقريبا
وسينما الرويال بلازا تفتح على الساع 2 الظهر
وسينما المول تفتح الساعه 3 العصر
بس أنتو بعد كل ما تروحون مجمع أخذو البروشور مال السينما علشان تشوفون الأوقات والأفلام إللي تحبون تشوفونها.........
والسموحة على القصور....
وأي سؤال أنا حاضرة........