السلام عليكم
أسعد الله صباحك
بالنسبه للحجز عن طريق موقع بوكنق تحديدا المسأله يبي لها شوي تفصيل
اولا لو الحجز غير مسترد فلازم يكون في البطاقه مبلغ الحجز كامل لأنه بيخصم خلال 24 ساعه
اما لو كان الحجز غير مرتجع والدفع في الفندق فالوضع يعتمد علي الشروط وقت الحجز وكل فندق
له شروط خاصه ولكن الغالبيه وقت الحجز مو لازم يكون فيه مبلغ وقت الحجز ولكن يشترط توفر مبلغ
حق اول ليله قبل الوصول بثلاث ليال والبعض قبل الوصول بسبع ليال لضمان حق الفندق
وفيه فنادق حتي لو الدفع في الفندق مثل فندق فيرست ورلد جنتنق وفندق موتيارا لنكاوي
حتي لو الدفع في الفندق لازم يتوفر المبلغ في البطاقه لأنهم يحجزون عليه بعد الحجز بيوم او يومين
وإذا لم يجدوا شي يرسلون إيميل لتوفير المبلغ خلال 24 ساعه او الحجز بيلتغي
فالأفضل دائما وقت الحجز بالفيزا يكون فيها مبلغ متوفر لضمان الحجز و قرائة شروط الحجز والتأكد منها
ولو كان الدفع في الفندق الأفضل متابعة الإيميل يوميا لضمان عدم إلغاء الحجز وتوفير المبلغ قبل الوصول بكم ليله
فلنفرض انه ممكن لكن بعدين حطيت مبلغ عشان شي ثاني حجز طيران داخلي مثلاً هل ممكن بوكينغ يتصرف بشي من هالمبلغ؟
طبعا مو بوكنق اللي يتصرف بالمبلغ الفندق اللي ممكن يتصرف بعض الفنادق مثل ماقلت فوق
بعض الفنادق حتي لو الدفع في الفندق ممكن يحجزون علي المبلغ اي وقت
وغالبية الفنادق لو الحجز عادي يحجزون علي المبلغ قبل الوصول بثلاث ليال يعتمد علي الشروط
واذا وصلت الفندق وبغيت ادفع كاش ادفع باي عملة؟ مع الاعتبار اختلاف سعر الصرف بين فترة وفترة
الدفع بالعمله اللي تبين عادي بس الأفضل بالرنقت لأن اسعار صرف الفنادق مره طايحه
وهل بيكون الدفع بالضبط نفس القيمة اللي طلعت لي اثناء الحجز او ممكن يطلعون علي مبالغ إضافية؟
موقع بوكنق في أغلب حجوزاته العاديه مايحسبون سعر الضرائب والخدمه وقت الحجز وبالعاده في ماليزيا
الضرائب 6% والخدمه 10% يعني 16% إلا لنكاوي مافيها ضرائب بس خدمه 10%
هذي تحسب في الفندق إضافه للمبلغ اللي حسبه موقع بوكنق اما لو الحجز غير مسترد فيخصم كامل وقت الحجز
وطبعا لو تم إستخدام المطاعم او اي شي من الثلاجه او اي طلبات ثانيه ماهي مجانيه وقت الحجز يتم إضافتها
اذا سافرت ووصلت الفندق والفيزا مازالت زيرو لأني بادفع كاش الفندق جذي مابيضمن حقه هل بهالشكل ممكن يتكنسل حجزي لان بطاقتي فاضية حتى لحظة وصولي للفندق؟
نفس الجواب فوق حسب سياسة الفندق وشروطه وقت الحجز والمفروض يكون المبلغ متوفر قبل الوصول
بثلاث ليال وبعض الفنادق وهي قله ولا يكون وقت موسم عادي مايحجزون شي إلي وقت الوصول لكنه مثل ماقلت قله جدا

طيب كيف نقدر نحسب السعر كامل بضرائب لان بوكنق مايطلع اجمالي السعر ؟

جنون انثى
عادي بس تزودين 16% علي المبلغ المحسوب إلا لنكاوي 10% بدون ضرائب
مثلا المبلغ 1000 رنقت مع ال 16% = 1160 رنقت اما لنكاوي = 1100 رنقت
مثال 1000 * 16% = 1160 او 1000 * 10% = 1100 رنقت

ههه
مافهمت مره
يعني سعر الاوتيل بي 400 ريال سعودي
احسب 400*16%= ويطلعلي
بس طلعلي مبلغ خيالي ولا فنادق باريس ههه
ياليت تفصلي

اها كاني فهمت
يعني
0+16%=464
صح كذا

على حسب نوع حجزك ي الغلا
مثلا لو مسترد والدفع بلفندق ماياخذون منك شيء لاجيتي تدفعين بس بافصل لك نقطه مهمه
( لاجيتي تدفعين عند وصولك للفندق بيطلب منك تأمين ان كنت محتاجه المبلغ الي بلبطاقه قولي له التأمين كاش .
اوشيل المني بار مابي ادفع تأمين بس غالباَ يطلبوا تأمين فخليه كاش من مبلغ الرحله ) والدفع خليه مثل ماتبين
يعني ي يسحبه من الفيزا او كاش لو معك كاش .
ليش انا طلبت ان التامين مايحجزونه من الفيزا لان قد تكوني محتاجه هالمبلغ بالرحله ويمكن مايفكون الحجز الا بعد فتره طويله مثل اسبوعين او اقل . فممكن انتي بهالمبلغ
محتاجته ولكن ماتقدرين تتصرفين .
فخلي الفيزا ضمان حجز ليس أكثر والا دفع سحب بدون تأمين بإختصار ( التأمين كاش ) الدفع بكيفك ..
التأمين تاخذينه لاطلعتي من الفندق . يعني انتي امنتي حلالك عندهم وبنفس الوقت ماعلقوا المبلغ عليك بلفيزا
بوكينغ*//
مافي ضريبه على حسب الفندق بالشروط يقول لك 10% 1و اكثر . انتي على هالشيء
اخذي سعر الغرفه مثلا كانت ب300 والضريبه مكتوب 10 .
اخذي الحسبه الصحيحه
ال 300÷100= 3
الناتج 3×10الضريبه =30
الناتج30+ سعر الغرفه الموضوعه هي 300= 330. ريال
ان شاءاالله فهمتي .
موفقه

الاخ زازاز والاخت شغب قلم مشكورين ماقصرتو بيض الله ويوهكم
بس ابي أوضح لكم أني باحجز بس فندق ملينيوم ريسورت بوكيت عن طريق بوكينغ
وانا ماعمري حجزت بالبوكينغ لذا اخاف ارتكب غلطة غبية واوهق روحي
شي ثاني انا حاولت اسوي حجز وهمي ويطلع لي ان هذي كامل السعر النهائي
شلون الحين تقولون أني لازم أضيف الضريبة والخدمة؟
واخيراً أنا ابي اعرف شروط هالفندق في الدفع ومتى بالضبط أحط لهم مبلغ لضمان عدم الغاء حجزي شلون اعرف؟
وشلون اعرف جم بيحجزون بالضبط عشان أحط المبلغ في البطاقة في الوقت المناسب؟
لاتنسون أني اسأل بس عن هالفندق ملينيوم ريسورت باتونغ بوكيت
شاكرة لكم افادتكم وتعاونكم الدائم

جيكت في بوكينغ الحين ولقيت مكتوب مشمول في ثمن الغرفة ضريبة القيمة المضافة وضريبة المدينة ورسوم الغرفة
اذاً شلون تقولون ان السعر لايشمل الخدمة والضرائب؟

كرستالة
من اول كان قلتي انك تسألين عن فندق بتايلند لأن الوضع يختلف وكل شي يختلف
خليتنا نكتب رد كأنه صك شرعي طلع فالصو
والمفروض السؤال ببوابة تايلند
ولكن انا بأجيبك هنا ولو حبيتي بعد تسألي ببوابة تايلند براحتك
موقع بوكنق نظامه في فنادق تايلند يحسب كل شي المبلغ + الخدمه + ضريبة القيمه المضافه + ضريبة المدينه
كلها الخدمات والضرائب = 18% غير عن ماليزيا وموقع بوكنق يحسبها كامله مع السعر
وقت الحجز يعني مايحتاج تزودين شي وقت الدفع في الفندق
اما الشروط فيعطيك الموقع وقت الدفع لما تصلين لمرحلة الدفع شوفي شروط الدفع وشروط الإلغاء
كل فندق في العالم له سياسه تختلف و إن كان اغلبها تتشابه نوعا ما
انا سويت حجز وهمي علي نفس الفندق اللي تسألين عنه وطلع نفس كلامي فوق
لازم يتوفر المبلغ قبل ثلاث ايام من الوصول او يلتغي الحجز
عموما انتي عطيني مواعيد التشيك إن والتشيك اوت واعطيك الشروط حقهم افضل من التخمين