حياك الله ياخوي
الجو مافي فرق كثير
كله حول بعض
ايه مناسبة طبعاً بعض الاماكن
لا بالاصل ممنوع بس كل الناس تسافر وانا اولهم ههه
تطلع عن طريق ديرة ثانية (الامارات-الكويت-قطر-البحرين-عمان)
تكون رحلتك الرياض-حدى الديار الي فوق-بانكوك
والله من ناحية الديار اكثرهم زينات
بس انصحك شوف التقارير واقر عنهم شوي وناضر وش الي عجبك
بالنسبة للعباية مافي اي مشكلة كثير عوايل خليجيين اشوفهم هنا بعباياتهم
والله انكان معك شوي انجليزي بتمشي عمرك
مع اني اتوقع انه اكثر شي لغة الاشارة ههه
لا ماعليك بس توكل على الله
الامان مافي احسن منه
بس ابعد عن المناطق المشبوهه
لكني ارجع وانصحك اقر التقارير وراح تستفيد كثير
بالتوفيق اخوي
اي استفسار انا حاضر

طيب هل الجو حلو , والا حر و رطوبة , بصراحة انا رحت ماليزيا قبل سنة في شهر 11 و الجو مره ما عجبني كان رطووبة حيل , ما تطلع وترجع الا و الدنيا كلها مويا
فما ادري هل تايلند نفس الشي بعد ؟
طيب الحين هو ممنوع للسعودين يطلعون تايلند , طيب اذا رجعت السعودية بعدين , ما تصير لي مشاكل معهم سمعت انه يصير تحقيق و يسحبون الجواز كم سنة و سالفة

بالنسبة للجو ، جو تايلند استوائي ماهو بعيد عن جو ماليزيا . عدا بعض المدن مثل شنغ ماي و شنغ راي .
اما بالنسبة لموضوع السعوديين انت كاتب استفسارك بموضوع ثاني وتم الاجابه عليه .

فيه الشمال هو الي الجو يختلف شوي يعني ابرد
ولا الديار الاستوائية حول بعض
بالنسبة للجواز
انكان عندك واسطة ماراح يصير شي
مع اني اتوقع انه قريب راح يسمح السفر له
فيه ناس كثار راحوا ورجعوا ولا قالولهم شي
انت لوتعرف لو جندي بالجوازات بيسنعك
مووفق اخوي

1. و هل السعودية مانعه الذهاب لهناك و الا مسموح ؟

mubdea
انا ناوي اطلع شهر عسل في 20/1/2012 و لمدة 12 يوم
مبروك يا اخوي
فكيف الأاجواء في تايلند , هل الأاجواء هناك في هالوقت جميله او لا ؟
عال العال وتمام اخوي عمي شوف الجو في تايلاند واحد طول السنه
وهل هي مناسبة للعوائل و لشهر العسل ؟
اكيد تايلاند مافيش كلام عجيبه ومرحه وونيسه وبلد الوناسه والطلعات والفرفشه لاتحاتي يا اخوي بتروح وبتستانس وبتبقى ذكرى جميله

و هل السعودية مانعه الذهاب لهناك و الا مسموح ؟

والله يا اخوي السعوديه سنه من السنين فتحت المجال للذهاب اليها وبعدها امنعت بس السعوديين تارسين الديره ماشاءلله ماعليك انت عزم وروح اذا عندك واسطه زين بيضبطونك او غرامه مبلغ بسيط مقابل الوناسه في تايلاند
و ايش افضل المدن و افضل ترتيب للرحلة ؟
شوف 12 يوم يعني 11 ليله
خليك بين شنق ماي وبوكت وبانكوك او بوكت وبانكوك وانت وكيفك ليش ماتخليها 15 يوم عال العال
و ايش ملاحظاتكم ونصايحكم العامة , بخصوص الامان , لبس العباية او الحجاب ,و اللغة لاني ما اعرف الا عربي انجليزي وسط
شوف انا قتلك روح احجز من البدايه لاتحاتي هناك شي الحجاب النقاب اللغه الاجانب كل شي تمام وعال العال
يا كثر الخوات اللي شفناهم بالحجاب والنقاب وياكثر اللي راح والا يعرف حرف من حروف الانجليزي وراح وفرفش واستانس ورد بالسلامه الامان ياويلي تايلاند امان امان امان لاتحاتي ان شالله
و يعطيكم العافية جميعا

(1) جو تايلند استوائي مثل باقي دول شرق اسيا , الافضل تأخذ معك اللبس القطني ,,
(2) طبعا هي مناسبة للعوائل وشهر العسل , مثل ما انت شايف في التقارير
(3) افضل المدن ( بوكيت + شنغماي + بانكوك )
وبالترتيب :
شنغماي
جزيرة بوكيت ,ما تتفوت ايدا
بانكوك , اخر محطة عشان الشوبينج
طبعا التنقل ب airasia وموقعهم http://www.airasia.com
(4) البلد امنه اهم شيء تبتعد عن الاماكن المشبوهة والسكيك ولا تتدخل وتضحك على معتقداتهم وان شاء الله امورك طيبة , ويا كثرهم الي لابسين العبي والحجاب في تايلند والتايلنديين متعودين عليه , اما بالنسبة للغة لا تشيل هم لأنه التايلندين لغتهم الانجليزية ركيكة اهم شيء تحفظ الاماكن السياحية والمولات والاسواق وامورك طيبة

يعطيكم العافية جميعا على هالمعلومات