انا حاجزة في الفندق من تاريخ 11/8 والفندق حجزته بعد ما لقيت مكتوب عنه بالمنتدى وموقعه ممتاز وتقدر تدخل على السايت
http://www.suite-hotel.com/suitehotel/gb/decouvrez/decouvrez.shtml
وإذا بغيت معلومات عن هامبورج إضافية ....حاضرين ..أنا جمعت كم هائل من المعلومات عنها
وهذي من بعض مشاركات الأخ هشام اللي فادتني كثير ويعطيه العافية على المجهود اللي يبذله في خدمة أعضاء المنتدى
https://artravelers.com/p/re/17558

توتة الحلوة
شكرا.. بس لو سمحتي بكم حجزتي الليله و من اي مكتب او موقع

تقريبا حسبها لنا 40 دينار كويتي الليلة واحنا معانا طفلين بنفس الغرفة بس اسم المكتب ما يحضرني الحين ....أسأل وأرد الجواب......

ما قصرتي اختي..
على فكره.. احنا بنسافر الى هامبرورج من ميونخ .. بس للحين ما قررنا نروح بالقطار او الطياره ... شرايك ?

والله أنا الطيارة ما أركبها إلا من وإلى الكويت ... يعني بالروحه والرده فقط وكل تنقلاتنا بالقطار لأن الطيارة صعدتها ونزلتها متعبة أما القطار فمشاهدة المناظر الجميلة والإستمتاع بالجو الغائم والممطر والبراد بحد ذاتها متعة ... وأهم شي تروح تحجز قبل يومين من طلعتكم من ميونيج وتروح المحطة الرئيسية (البانهوف) وإذا تبي تشوف الوقت المناسب لكم هذا الموقع الرسمي للقطارات في ألمانيا ...بس تكتب الوجهة من وإلى أي منطقة وتختار الوقت المناسب التقريبي لطلعتكم بالساعة ....يعني تكمل البيانات وتطلع لك كل الرحلات بالوقت والتكلفة
http://reiseauskunft.bahn.de/bin/query.exe/en

احنا 3 اشخاص + طفلين .. شلون اقدر اعرف سعر القطار (كبينه) من الأنترنت من ميونخ الى هامبورج?

الكبينة سعرها أفضل لمجموعة بس إذا كان متوفر بالوقت اللي تختاره وبالنسبة لأسعار التذاكر للمجموعة الكاملة لرحلتكم فهي
357,00 Eur
ومدة الرحلة 5 ساعات ونص تقريبا لأن المسافة من ميونيخ لي هامبورج طويلة (من الجنوب إلى أقصى الشمال)
والمدة تختلف على حسب مواعيد القطار (departure)

شكرا اختي و ما قصرتي