الله يوفقك ويستر عليك ماعندي اي خلفية عنها
تقبل تحياتي

هلا اخوي ... منطقة الجوف ممتازة جدا وسبق لي العمل فيها سنتين وهي مدينة كبيرة وكل شي فيها مجمعات تجارية وفنادق وشقق ... اتكلم عن سكاكا العاصمه ... لكن في اي مدينة وظيفتك ( سكاكا _ طبرجل _ دومة الجندل ) ... تدري وشلون راسلني على الخاص ...... وأسال اللي تبي ... بالتوفيق ........

نصيحة من أخوك هج إلا إذا كانت مصدر رزقك الوحيد فالله يعينك !!
لان منطقة الجوف منطقة نائية وبدائية جدا ولسوف تصاب بتبلد الاحساس والمشاعر لو سكنت هناك !!

khalid1111
اخوي خالد الله يعطيك العافية ... انا اقولك سكاكا بعيده لكن اذا كان الرجال رزقه فيها وش يسوي لازم يبسط نفسه .. انا كنت فيها قبل ثلاث سنوات موظف والحمد لله نقلت وكنت ابعد عن اهلي حوالي 1150 كيلو ...
والله يقولون الشباب الآن تطورت بالكامل من كل شي ...... الله يعين الجميع .......

أهلاً بالأخوان جميعاً
انا من سكان المنطقة ، وحياك الله أولاً ...
شوف أخوي أي مكان يعتمد عليك إنت ، وكيف تقدر تعيش فيه أو لا ، هل انت اجتماعي أو لا ...الخ
صدقني ماأذكر أحد اشتغل فيها إلا طلع وهو يدعي لأهلها ،
فيها اللي تبي ، اسواق تجاريه ( العثيم مول تم افتتاحه ببداية الشهر الفضيل ) ومطاعم ووجبات سريعة ..
اسأل عن اللي تبي وأنا حاضر
وإذا قررت بالموافقة .. عطني خبر ولا تشيل هم شي أبد ، تأكد إن لك أخ هنا ، إن ماكفاك المكان بنحطك في عيونا...

شكرا لكم جميعا ولكنى اريد معلومات هل هى منطقة ريفية، هل بها مطار

الله يسامحك
هذا ما عندك معلومات عن مدن المملكة ومطاراتها
منطقة الجوف فيها مطارين الأول بسكاكا والثاني بالقريات
ومنطقة الجوف فيها كل المقومات مدينة فيها كل الخدمات بالإضافة أنها زراعية وكذلك برية وصحراوية وريفية
وأي خدمة نحن جاهزن وبالخدمة

hyoussif
اخوي الله يهديك .. وشلون ريفية ؟؟؟؟ ماذا تقصد فيها ؟؟؟؟
ياخي مدينة زي المدن الأخرى زي ماقالوا الاخوان مدينة كل الخدمات فيها ...

معقوله ما تتابع أخبار ؟
ماعمرك قريت جرايد ابد ابد ؟
مطار فيها مطار ، يبعد عن مدينة سكاكا 35 كلم .
اسأل عن اللي تبي وراح تلقى جواب ..