النخيل اتصلت عليه واعطوني سعر 1500 درهم للشقه غرفتين , والشغاله معها بس لها وقت محدد ه ما اظن . واذا بغيتها تقعد الله لايهينك زودها حقها وهذا شي بسيط .
الحجز دق تلفون الحين عليهم واحجز وخذ اسم اللي رد عليك وعطه المعلومات اللي يبي منك اسمك ورقم تلفونك ومتى بتوصل , وقبل ماتسافر بيومين اتصل أكد وكذلك قبل الاقلاع أكد الشي هذا .
موضوع السيارة براحتك تاخذه من كازا او تمشي بتكسي أيجار لمراكش وانا اشوف القطار اصرف او أجر سيارتك من هناك .
رخصتك العادية تمشي وبيحجزون مبلغ من بطاقة الأئتمان عشان الايجار .
البقية بخصوص المسافات وافضل مكتب غيري ان شاء الله يفيدك اكثر مني
وياليت تمر ع تقارير الاخوة بوعلام وامير الاحساس وبقية الاخوة وماعليك الا تكتب مراكش في البحث وتطلع لك التقارير عن مراكش والاجابه فيها حتى ع اسئلتك موجوده بعد .

يعطيك العافيه اخوي ومشكور ماقصرت وان شاء الله باقي الاعضاء يفيدوني اكثر

مرحباً أخي..
بالنسبة للنخيل الصراحة هم على واسطات وعلى معارفك...
أنا أعرف أحد أصحابي دايماً ما يسكن إلا ب1000 فقط
ولا عمره زاد درهم واحد
حتى ازودك من الشعر بيت مثل ما يقولو .. أحياناً يسافر ويسددهم إذا رجع للسعودية..
لكن اللي أنا أتكلم عنه عميل ما يكمل شهرين إلا هو بالنخيل...
وأنصحك أذا تعرف أحد يعرف الدرقاوي يضبط وضعك معاه
وراح تستفيد كثير..
وهذا الرابط تستفيد منه :
https://artravelers.com/p/re/87623

يسلمو حبيبي البزناس على المعلومات القيمه والواضحه لطريقة تعاملهم
عموما انا واسطتي الله ثم دراهمي اتوقع هذا اللي يبونه من اي واحد والتعامل مع الدرقاوي شغله
لكن ربك يسرها

بصراحه اتصلت على الرقم 0021224310847 اللي مسمي نفسه بالدرقاوي
وسألته عن اسعار الشقق
وقال لي شقه مكونه من من غرفتين نوم وحمامين وانتم بالكرامه مع صالون وبلكونه بسعر 1300 درهم
واخذ اسمي وتاريخ الحجز
شرايكم بالسعر ؟؟؟وهل كلامه ثقه عند الاتصال عليه اكثر من مره للتأكيد او هناك رقم اخر يمكن الوثوق به في عمليه الحجز؟؟؟
الشقق بمجمع النخيل هل هي مكيفه او تختلف من شقه لاخرى؟؟؟
المهم عطوني رأيكم ؟؟
في نقطه اخيره متردد بها ((استأجر سياره من المطار واسافر عليها لمراكش ؟؟ومدة اقامتي بمراكش 5 ليالي؟؟ او اخذ طاكسي من المطار؟؟ اخاف اتعقد في الطريق من كازا لمراكش من الدرك او من ردائة الخط))

هلا بالغالي / al.saher
اليك الموقع التالي وراح تستفيد منه - ان شاء الله -
http://www.bendarqaoui-immobilier.com/indexear.php3
.. ومجمع النخيل من أنسب الخيارات بمراكش ...
وارى انك تستأجر سيارة من مطار كازا ...
نحن في الخدمة بما نعرفه ... والله يوفقك ...

1. اخوي الساهر اسف للتأخير


2. طريقة الدفع فيزا ويأخذ مبلغ تحت الحساب إذا ماعندك فيزا خذ بالك

اخوي الساهر اسف للتأخير

بالنسبة للسيارة يأخي انت ماتسوق في السعودية؟ اكيد بتقول إية . شوف مشاكل السواقة عندناقد إية ..في المغرب ولاواحد في المئة من مشاكلنا ماشاء الله عليهم
لذلك انصحك بكراء سيارة من المطار وحتى لو ماتدل الدرب اسأل اي واحد بيدلك خاصة الطريق من مراكش إلى اغادير مايحتاج دليلة خط ولوحات إرشادية وخير ياطير لو ضيعت وبدل ماتروح مراكش رحت اسفي ابركه من ساعة تجلس كم يوم هناك وفرصة تشوف مدينة جديدة وش وراك خليك مثل اهل الشمال رايقين . اخوي اهم شيئ تعرف تمسك الطارة وانا اعتبر الي يسوق في السعودية وخاصة في المدن الرئيسية سواق كذا

طريقة الدفع فيزا ويأخذ مبلغ تحت الحساب إذا ماعندك فيزا خذ بالك

المسافة من كازا إلى مراكش 240 كلم تمر على كذا مدينة من بينها بينرشيد سطات وبين جرير (فيها قاعد عسكرية) قلعة السراغنة و مراكش . الطريق إلى مراكش ممتع يوجد باعة متجولين مافية شئ ينباع إلا تحصلة معهم حتى السمك
يوجد استراحات على الطريق مجهزة من مجميعة مع محطة بنزين اكلهم لايفوتك من بينهم استراحة واسمها مركب إشكيد في اقليم الشاوية اكلهم نظيف
منتجع النخيل
السعر مزيان بالنسبة للفترة الصيف حاول إذا وصلتهم تنزل في السعر انا اكثر من مرة اسكن عندهم تقريباً ب 1100د رهم حسب المدة
الشغالة مع السعر وإذا كنت بتجلسها إلى الصباح تزيد السعر انصحك خليها إلى المغرب واكيد تحصل الي يساعدك من اصحابك
المسافة من مجمع النخيل إلى وسط المدينة تقريباً 15 في البداية مرجان إلى 20 كيلوا داخل المدينة

بصراحة الإخوان ماقصروا وإن شاء الله تكون رحلتك سعيدة ولاتنسانا من التقرير يالغالي

Mr.SuLtAn
يعطيك العافية أخوي Sultan
انا من زمان ابحث عن هذا الموقع تسلم الايادي ... لكن ما الافضل من ناحية الحجز عن طريق الموقع او الاتصال شخصيا وهل عن طريق الموقع موثوق ومؤكد ....
تبارك الله عليك ...