وعليكم السلام ورحمة الله وبركاته
حياج الله أختي في المنتدى وان شاءالله اتفيدين وتستفيدين ..
بالنسبه للقطار تقدرين اتسافرين عليه على البلدان الي اتفضلتي فيها بس لازم اتغيرين القطار ..
بالنسبه للسفره ..هل بتكون 10أيام بريطانيا ولا 10 ايام بتزورين كل هالمناطق !!
لأني محتار كيف بتكون رحلتكم !!

وعليكم السلام والرحمه
هلا فيك اخوي القطري
بالنسبه لأستفساراك ...عن مده الرحله راح تكون 10 ايام عموما" بحيث خططنا اننا نقضي يومين في كل منطقه
بستثناء يوم الوصول الى لندن ويوم المغادره يعني تقريبا" الرحله راح تكون 14 يوم
واحب استفسر عن اسعار تذاكر القطار من منطقه الى اخرى .. وسعرها التقريبي بالريال السعودي
وجزاك الله خير

نسيت سؤال
كم مده الرحله بالقطار من كل منطقه الى اخرى
ويعطيك العافيه اخوي

مده الرحله 10 ايام او تقريبا" 14 يوم
خططنا نزور فيها كل المناطق وكل منطقه بتكون على يومين
واحب استفسر عن اسعار التذاكر في القطارات
وكم تستغرق الرحله بالقطار من منطقه الى اخرى
والجو عندهم كيف بيكون بالنسبه للحر او البرد
حتى اعمل احتياطي في اللبس
وشكرا"

هلا فيك اخوي القطري
والله احنا وقتنا ضيق جدا" لذالك حبينا نستغل الفرصه با انه يمكن
زياره كذا دوله عن طريق القطار وسمعت انها اوفر وممتعه اكثر
لاني ما احب الطياره ...... خ
احنا حددنا لكل دوله 2 يومين اثنين فقط ويمكن تزيد الاجازه ونجلس في كل دوله 3 ايام
كذا هم ممكن ...
واذا على الاماكن الي نبي نزورها .. نبي ريف وطبيعه .. وببريطانيا خصوصا" ابي ( ازور قصورهم القديمه)
وفرنسا طبعا" البرج .. ودزني لاند
اما ايطاليا مدري اي مدينه عادي وش احلى مدينه برايك
وجنيف تهبل مايحتاج لو اتمشى بالشوارع
اهم شيء تغير جو ..

السلام عليكم
صباح الخير ..
إذا أتحبون الطبيعه ياليت تدخلين على موضوع ( سويسرا بعيون القطري ) الي في توقيعي وتاخذين فكره عن مدينة انترلاكن في سويسرا لأنها أفضل 100 مره من جنيف ..
وايطاليا الأقرب والأنسب هي ميلانو لأن فيها ساحة الدومو ..
ولي عوده ان شاءالله اليوم العصر ..
في حفظ الله ..

اقترح ان تكون في لندن 4 ايام والذهاب الى منطقة البحيرات في الشمال
لان الوقت ضيق جدا

اقترح انكم ما تزورون ديزني لاند لانها لا تستحق الا اذا معكم اطفال
مثل ما قال القطري يومين على كل دولة قليل جدا لندن فيها كثير من الاماكن يبي لها اربع إلى خمس ايام واذا تبون طبيعه يعني لازم تسافرون بالقطار وهنا نتكلم مسافة ساعة عن لندن يعني بتروح هاليومين سفرات بالمناطق الي حول لندن ومراح يمديكم على لندن نفسها
فرنسا اعتقد مدري ما جلست فيها الا ثلاث ايام وكانت كثيره يعني ما اشوف فيها شي غير قوس النصر برج ايفيل مافي شي مميز او انا ما ارتحت لها
باقي الدول ما جيتها قبل كذا