استفسار عن فندق هيلتون مكة

بوابة الغربية

12-12-2022 - 08:57 pm

السلام عليكم ورحمة الله وبركاته
بحجز في فندق هيلتون مو ابراج هيلتون
وعندي استفسارات بخصوص الدخول والخروج هل هو سهل ؟
ومن فين بوابة الفندق بالزبط ؟
انا دخلت المول اللي في الفندق بس مو معقول هو مدخل الفندق ؟
والغرفة التوأم في بوكينق متوفرة بنوعين
غرفة توأم
غرفة هيلتون توأم
وسعر غرفة هيلتون توام ارخص من غرفة توأم وحجمها اكبر منها بعد !
فايش الفرق ؟
ولو اخذت 3 غرف عندهم نظام الكونكت ولالا
والفطور مو شامل الحجز ، كم سعره تقريباً ؟
انا سكنت بدار الغفران وحابة اعرف هيلتون احسن من دار الغفران ؟ ، من ناحية الدخول وفخامة الغرف وهدوء الفندق الخ.. بعيداً عن الاطلالة

التعليقات (6)

oceanus

12-12-2022 - 11:30 pm

عند الوصول .. البوابة الرئيسية تكون من جهة الكوبري الاخضر ( اصاحب التكاسي يعرفونها )
اما اذا كان دخولكم من جهة الحرم ( بعد الصلوات ) فيكون من جهة السوق .
=====
الفرق بين الغرفتين يكون في الحجم فقط
=======
الفطور ممكن من 50 الى 70 للشخص .. ( البوفية عندهم مميز )
======
الكنكت متوفر .. واطلبوه من الاستقبال عن استلام الغرف .
=====
الهيلتون افضل كمستوى ..
ودار الغفران افضل في الدخول والخروج

احلى من العقد

13-12-2022 - 12:31 am

احنا دايما نسكن في هيلتون مكه ... غرفه نظيفه والروم سيرفس وايد تمام و اعادو فرش الفندق يعني الاثاث مب عتيج ومتهالك ... الدخول له من جهة الحرم تدخلين السوق واول سلم جدامج تركبينه او تكملين تحت سيده لين توصلين لين بوابة الفندق المواجهه للحرم وتوجد غرف كونكتد وبصراحه ماعرف سعر الفطور لان حجزنا دايا يكون شامل الفطور

KFM78

13-12-2022 - 01:32 am

احلى من العقد
مرحباً إختي ( أحلى من العقد)،
يسعد صباحك ومبارك عليك الشهر وكل عام وإنتي بخير،
بإذن الله حاجزين فيه هيلتون مكه من 3 ليه 5 رمضان ( غرفة كنغ ديلوكس بلس) بسعر 4760 ريال ،هل عندك فكره عن الواي فاي إذا متوفر مجاني؟ وشلون تقييمك للفندق لأني سمعت إنه متهالك.

احلى من العقد

13-12-2022 - 02:33 am

الفندق قديم والسوق الي فيه قديم بس الغرفة جددوها اخر مره لما رحنا كانت الغرفه جديده مب متهالكه الوايفاي مب متذكره بالضبط بس اعتقد مافي واي فاي

KFM78

13-12-2022 - 03:34 am

احلى من العقد
شكراً .................

KFM78

13-12-2022 - 04:35 am

تحية طيبه لجميع الأعضاء
بحمدالله وصلت من جده أمس بعد أداء العمرة الله يتقبل طاعتنا وطاعتكم وجميع المسلمين
السفر بتاريخ 12-7-2013 والعودة بتاريخ 14-7-2013
الناقل: خطوط الجزيرة ( كويت - جدة - كويت ) بسعر 140 دينار
الفندق: هيلتون مكه ، غرفة كنغ إكسقتيتيف سيتي شامل الفطور بدون السحور بسعر 5000 ريال سعودي في الدور 30 ، واي فاي مجاني
بالنسبة لبوفيه السحور = 180 ريال
تقييمي للفندق: جداً مميز وأنصح فيه غرفه جديدة ومميزة خصوصاً الأدوار 28 -30 وكذلك الأدوار 8-9 مع العلم أنا باقي الأدوار مميزة وتم تحديثها من فترة قريبة.

مكة المكرمة المسافرون العرب

استفسار عن فندق هيلتون مكة