Ruaa.R
18-06-2022 - 11:55 am
السلام عليكم ورحمة الله وبركاته
الى الاخوة في هذا المنتدى .. بإذن الله راح ازور دبي الشهر الجاي وحجزت مبدئياً في فندق ( لندن سويت )
شفت صور له في نفس موقع الفندق وعجبني وسعره حلو
لكن ابي اسأل اللي يعرفه او قد جربه ينصحني فيه ولا لا ؟
لأن الصور اللي بالموقع يمكن تكون قديمة يعني لما كان الفندق جديد
وغير كذا ابغا اعرف موقعه وين بالضبط وقريب من المولات او لا
ارجو المساعدة لو تكرمتم
انا اقدر انصحج ان شاء الله لاني سكنت هالفندق لسبب خاص لقربه من مستشفى الوصل ..
اولا الفندق يعتبر 3 نجوم .. موقعه بالضبط داخل نادي الوصل الرياضي ..
اما من ناحية الغرفه .. حلوه و نظيفه .. لكن الحمام عزج الله مستواه متوسط لكن على مستوى فندق 3 نجوم يعتبر لا بأس ..
انا ما جربت اكل فطورهم .. بس اللي ضايقني في الفندق .. انه ريحته موب حلوه ريحة الاكل و المطعم في كل انحاء الفندق و تقل بالغرف .. يمكن يضايقج هالشي ..
موقعه نفس ما قلت داخل نادي الوصل الرياضي.. و قبل مستشفى الوصل .. يعني اذا سكنتي فيه وركبتي تاكسي ما راح يعرف الفندق بس قولي لهم نادي الوصل ..
نقطه ثانيه يمكن تضايقين اذا كنتوا عائله من هالشي لانه نادي رياضي يعني يدخل فيه مسؤولين النادي من نفس المدخل و البوابة ..
قريب منه مركز وافي حوالي دقيقتين بالسياره فقط ..
هذا اللي اقدر اقولج اياه .. اذا عندج استفسار معين .. انا حاضر