سمو المعاني
قصدك انا
انا في الرياض ههه
حاضر
شوفي اختي
http://www.hotelcentral.ch/
2, rue de la Rôtisserie
CH-1204 Genève
Tél. ++(4122) 818 81 00
Fax ++ (4122) 818 81 01

الفندق معروف جدا لدينا
يقع في الضفه الثانية من جنيف
وبالتحديد خلف شارع الرون و المارشيه

اسرع للفهم شارع الأسواق
مناسب للي يبي السوق
اذا بتروحين للضفة الثانية ناحية المونبلا محتاجة تعبرين البحيرة
بحدود 600 متر
ثم ستار بكس
ثم الفور سيزون
ثم شارع المونبلا والبريستول .....
فندق صغير جدا وفي نفس الوقت كئيب
في عمارة صغيرة وحوله مكاتب

الغرف مره صغيره
صحيح نظيفه لكن عادية جدا واساسيه

طبعا نظرا لضيق المكان كل واحد يجيبون له فطوره في غرفته

اذا بتسأليني عن ذوقي
اقول لا
مستحيل انزل فيه
مع تحياتي من مطار الرياض
Aboaziz

يعطيك الف عافيه اخوي..بس انه دخلت موقعهم وعندهم شقق واايد حلوه عجبتني..والغرفه الكبيره بعد عجبتني..
طيب..ادخل على موقعهم..وشوف الشقق مع الغرفه الكبيره والسويت..وقولي رايك..وهذا الموقع..http://www.centralhotel.ch
منتظرتك..
تحيااتي

سمو المعاني
أكيد والله ادري انه فيه شقق
الغرف والشقق موزعين بين الدور الرابع والسابع
ومكتب الأستقبال في الدور السادس
حتى الفندق ما يملك الا غرفتين في الدور الرابع اللي جنبهم مكاتب
الشقق حقته ادري عنها (الليلة 180 فرنك)
لكن اختي انتي سألتيني عن رايي (الصعب جدا)
وانا قلت لك وبكل صراحة نظيفة وموقعها بالنسبة للسوق والمدينة القديمة فقط مناسب تماما
لكن ما تناسبني بشكل عام

اذا ماهمك الفخامة والشغلات الأخرى المفروضه علينا غصب
توكلي على الله
حتى اطمنكي بمجرد ماتقطعين الشارع فيه سوبرماركت كوب جدا رائع وحتى ميقروس قريبه ايضا
تقدرين تقضين منه شغلات بسيطة حق الكبسه مثلا
سبب تحفظي في الرد الأول هو إنني دوما اكون محترس جدا مع اللي يسألني عن اماكن مثل هذه (Low budget Hotels)
وخاصة اني اعرف ذوق اهل الخليج المبالغ فيه في معظم الأحيان
المهم بعيد عن فلسفتي
انتبهي انكم رايحين في الصيف
والفندق مافيه مكيف
يعني بتفتحون الشبابيك وتوقعوا بعض الأزعاج من البياتزا (التقاطع) الحيوي اللي تحتكم
والمطاعم والسينما القريبة (خاصة ليلة الأحد)
ايضا فيه كانت عندهم مشكله كبيره بالنسبة للموية الحاره (ممكن تنقطع في اي لحظه)
بالتوفيق إن شاء الله

يعطيك العافيه اخوي..ومااقصرت..شكلي راح اصرف النظر عنه..طيب hotel sagitta اشرايك فيه.>من ناحية كل شي..>لاني راح امشي على رايك..
دمت برعايه الله وحفظه..
تحياتي

سمو المعاني
Sagitta
يقع في نفس المنطقة تقريبا لكن ابعد شوي
صاير على الداخل في عمق المدينة القديمة
اهم شيء انه مكيف واد الكواليتي هوتيلز (وحده كيو)
اهم شيء تعملين حساب ان البحيره (الجسر اللي بين ذي الضفه والضفه اللي فيها شارع المون بلا تبعد ربع ساعه مشي (كيلو واحد)
جدا مهم تعرفين مكانه البعيد شوي

غير كذا
لا يوجد اي شيء
بالتوفيق

تسلم يابو عزيز ومااقصرت...
الله يعطيك العافيه..