ياهلا والله اختي بنت الجزيرة ويامرحبابك
وش كانت خياراتك للفنادق يوم رحتي المكتب طيب ...
بارك رويال فندق ممتاز ... وخاصة انه الان مجدد وعفشه نظيف
وريحة المصنع باقية في الفرش
موقعه زمان كان مشي حالك لكن في السنين الاخيرة موقعها صار
ممتاز جداً يعني في قلب الحركة ... قدامك تايم سكوير ووراك شارع العرب
وشغل على كيفكِ
وسعره معقول ... مش غالي اوي ولا انه رخيص اوي
صراحة فندق ممتاز ... وان ما كان عندك خيارات اخرى في بالك فتوكلي
على الله وربي يهنيكم ويسعدكم ....
رحلة سعيدة بأذن الله ... وتروحوا وترجعوا بالسلامة والسلام عليكم

مشكور خويه الشعيبي و ما قصرت ... بس شو مستوى الافطار عندهم ؟ و كيف معاملتهم للسياح ؟

فطورهم ... على ايام اول كان فطورهم عادي مثل اي فندق
مرتديلا واجبان وبيض غير الاكل الملايو رز ومكرونة على الصبح
ما كان فيه شيء مميز اوشيء ينقص ... هذا اللي افتكره ..
الخدمة كانت ممتازة ... حتى الغسيل كان يعجبوني فيه
فندق 3 نجوم بماليزيا يعرف كيف يتعامل مع السائح فمابالك
بفندق 5 نجوم ....
شكلك مترددة ... وتراني اخذت ليلة فيها الاسبوع الجاي لاجل
اشم ريحة العفش الجديد اللي من المصنع ههه
وموقعه بعد المشاريع الجديدة جداً ممتاز ... واخ علينا غالي
اخذ بنفس الفندق في شهر عسله ... يعني لا تتردي
بارك رويال ... كم ليلة تبغي لاجل نحجزلكم ههه
موفقة ياستي ..... وربي يسعدكم ..

تسلم خويه الشعيبي عالافادة ... خلاص قررت ان شاء الله احجز فبارك ويال ... بس لو ما عليك كلافه بغيت آخذ رايك ففندق بارك رويال الي فبينانج و فندق جنتنج الي فجنتنج الصراحه انا محتاره بين فندق جنتنج و فندق فيرست ورلد فشو رايك ؟

سلمك ربي اختي
بارك رويال بينانغ ... ممتاز ... سواء خدمة او موقع ...
لكن سعره مش ممتاز انتم شهر عسل ولا تمشية عادية ؟
ان كانت السالفة تمشية عادية فليه ما تاخذون بي فيو ريسورت ..
هي اقل فخامة من بارك رويال وموقعه اقل شوية من بارك رويال
ولكن سعره فيه وفندق مش خسارة فيه ... وتراه افضل من حيث السعر ...
ماودنا النظام القحروطي ولكن فندق يستاهل نقول عليه يستاهل
اما ان بغيتم بارك رويال بينانغ وماهمكم السعر فيه ولا مافيه فتراه
ممتاز وريحة العفش الجديدة باقية فيه تراه مجدد ... وموقعه
جداً جميل في وسط الاكشاك والسوق الليلي والحركة
وحتي بي فيو قريبة يعني 4دقائق كعابي ولكن مش مثل بارك رويال
في قلب الحركة والمعمعة
اما جنتنغ ... جنتنغ مافيهاش فندق فخم
جنتنغ مصنفة 5 نجوم وفيرست وورلد 3 نجوم ...
انا اقولك... فخامة لا تدوري هي غرفة تحطي راسك وتنامي والسلام ...
افضل لك ... تأخذي في فيرست وورلد كلوب روم .... نظيفة شوية ...
وافضل من الغرفة العادية في جنتنغ ... ولكن ان بغيتم غرفة عادية
في فيرست وورلد ...فأحد الاشخاص شبه غرف فيرست وورلد بعلب
الكبريت وهو صادق ضيقة ... مسوينها شغل تجاري ناس جاية تلعب
وتستانس وبعد التعب ودها تنخمد في اي مكان والله ليم هونغ فونغ
ماهو بهين وصار اثرى رجل بماليزيا من علب الكبريت وما جاورها
تحياتي لك واي استفسار حنا في الخدمة والسلام عليكم

جزاك الله خير خويه الشعيبي صراحه كنت محتاره وايد بس الحينه خلاص استقريت عالفنادق ... نحن سايرين عائلتين و معانا اطفال هب شهر عسل بس السعر مش مهم عندنا المهم نكون مرتاحين و يكون الفندق نظيف و مرتب و انا اخترت الفنادق التالية :
1- بينانج فندق ( بارك رويال )
2- جنتنج فندق ( جنتنج )
3- كوالالمبور فندق ( جراند بلازا بارك رويال )
ام بس عندي استفسار : 70000 درهم تكفي ميزانية لعائلة مكونة من 9 افراد ( 5 كبار و 4 اطفال ) لمدة 20 يوم ؟ ( طبعا الميزانية هاي تشمل التذاكر و الفنادق و المصاريف )

الله ام زيد وبارك )
شرايج تسفرونى انا وعيالى معاكم ترى كلنا 2 كبار و3 صغار
انشالله انها تكون كافيه بس مو تطيحون فى الاسواق من اول يوم مشتريات ويوم يطوف عليكم 5 ايام والا انتم مفلسين
يعنى اول ونسو عمركم وعقب قررو حق الاسواق

ههه افا عليك خويه القرين غالي و الطلب رخيص .... بس المشكله نحن عوقنا الاسواق ما نروم نقاوم من اول يوم مشتريات و بويه ما يطيق الاسواق اكره شي عنده ... و عيالك اذا ما تشلهم الطياره عيونا تشلهم