صقر الغروب
06-10-2022 - 09:48 pm
السلام عليكم
اخواني اخواتي شعب مصر الكريم
ارجو منكم اعطائي اسماء فنادق شرم مع التكلفه وفئة الفندق وارجو منكم تزويدي بمواقعهم لكي اتمكن من الحجز عبر موقعهم الاكتروني .
وهل شهر مارس مناسب ام لا من حيث الاجواء وهل القدوم للسياح الاجانب يكون بكثره او يقل
مع خالص شكري لكم
شرم اي وقت حلوه
لاتشد حيلك وتحسبه برد رحت حتى فروه اخذت معاي مت من الحر لان كل اوقاتك بالشارع او على البحر يعني الشمس على راسك
احجز من مكتب ماراح تحصل لو رحت بدون حجز
ارشح لك النوفوتيل الاسعار متوسطه من 300 الى 400 فيه قسمين قسم على البحر وقسم بينك وبين البحر شارع يعني الشارع بين قسمين الفندق اسكن على اللي مو على البحر ارخص واهدا و اجدد
او الماريوت نفس النظام
فوائد الفندق
1- له شاطئ خاص على البحر لان فيه غيرك يدفع عشان يروح للبحر
2- افطار مجاني ولازم تصحى بدري عشان تفطر واقولك بعد شوي وش تسوي
3 - ياخذونك من المطار ويرجعونك لو انك لحالك
4- قريب جدا من اللي راح اقولك عليه شوي
وين اروح لو رحت لشرم ؟
لازم يكون عندك شنطه صغيرة ياتربط على الخصر يا على الكتف لانك تحتاجها جدا تحط فيها اغراضكاول ماتصحى الصبح رح افطر توجه للشاطي موجود كشكات هناك شوف وش فيه عندهم برامج اغلب البرامج حوالي ميه ريال شامله الغدا او العشا ( العشا والغدا ) عادي جدا كثر معاك السنيكرس والشيبس ابو شوارب وكريم حماية من الشمس
لاتحس شرم كبيرة صغيرة جدا جدا جدا
انصح بالغوص لو ماتعرف لاتفوتها صراحه بحر روعه لاتنسى الكاميرا
رحلة بسفينه يقولون لك تروح لجزيرة كذا او كذا ماراح تنزل من المركب اصلا بس فله سباحه وغدا وتعرف على اللي معك بالمركب لان العدد من 20 الى 30 اذا لقيت احد يتكلم عربي او انجليزي منهم لانك تطلع من عشره الصباح الى المغرب تقريبافيه رحله للبر تركب بقيات وعشا تطلع الظهر وترجع بالليل
روح للمشاية قريبه من الفنادق اللي قلت لك يعني مشي 5 دقايق ببلاش 1 بالتاكسي بعشره جنيه
دقيقه ونص بالميكرو باص واكثره اجانب بجنيه هذا اذا انت عجزت تمشي اول ماتركب قله المشايه
ماهي المشايه
مطاعم اسواق كوفي شوبات وسهرات وجلسات عربية
اسعار التسوق في شرم غالي جدا مقارنة بالسعودية
يعني لاتنسى شي قبل ماتسافر
اذا تبي تشتري هدايا روح للسوق القديم اسعارهم منطقيه شوي مع انها غاليه بس ارخص من اللي بالمشاية
هذي هي شرم فقط لاغير يعني هذي الاماكن الموجوده هناك
ادري انك ماسئلت الا عن الفنادق بس لقافه مني شرحت لك شرم الشيخ
http://www.asiarooms.com/egypt/sharm_el_sheikh.html