اي خريطة؟
عادة اللي رايح يتنقل باي ترام او باص في جنيف لانه مافيها ميترو محتاج يعرف اسم المحطات ورقمها
اما عن طريق موقعهم وهو جدا صعب
او
عن طريق احد البرامج على الايفون او الجالاكسي
وافضل طريقة انك تسالين الكونسيرج في الفندق قبل مشوار
بيعطيكي رقم الباص - الترام
للذهاب والعودة

يعطيك الف عافيه ويوفقك يارب
انا شفت حرف الام توقعته مترو لأنه كثير مكتوب عندهم في الخريطه (قوقل)
يعني وش افضل واسهل مواصلات اروح للسوق منها معليش بتعبك معي الله يوفقك لأني كل سنه ناخذ سياره وسائق ويكلفنا كثير وحبيت هالمره اتعلم ع المواصلات
بانتظر استاذنا العزيز ابو عزيز مع ملايين الشكر

ذكرت لك اختي الباص والترام
وببلاش بعد
فقط اطلبي بطاقة التنقل من الفندق
انتي وين ساكنه
لانه ممكن قبل السفر تعرفين كل المعلومات المطلوبة
وغالبا اكثر شيء راح تبين تعرفينه هو رقم الباص - الترام المؤدي الى البلاكسيرت والعودة
وممكن الباص - الترام من والى المدينة القديمة
غير كذا كله رجليه

للحين ماحددت وين السكن الله لايوريك هي كل المده اسبوع وماخليت من جنيف ولا مونترو ولا لوزان ولا انسي كل يوم مغيره رايي
انا انسانه هوايتي السوق والمشتريات ابي مكان جنبه سوق وبعد ابي مكان حلو يعني سكن نظيف وجنبه بحيره وسوق
الله يسعدك ابو عزيز وش رايك لو رحت لانسي اخر يومين يمديني على المطار بجنيف والا لازم اسكن بجنيف بنفس اليوم اللي بسافر فيه ؟؟
مليون شكرا

معليش استاذي ابو عزيز بتعبك معي اذا تقدر ابي رقم شركة تأجير سيارات ومعها سائق
لازم سائق يكون موجود وسعرها حلوو ومضمونه يعني على ضمانتك عزيزي
مليون شكرا

انا عندي مشكله مايقبل اكتب موضوع الا بعد 16 مشاركه !!

الموضوع شكر وعرفان للسيد ابو عزيز

هلا بك اختي
معليش انشغلنا بلف السمبوسه
السكن امره بسيط خاصة اذا كام الموضوع يتعلق بجنيف
البريستول حلو لكن قبل مانبدا بالترشيحات مهم اعرف ميزانيتك
انا عرفت مواصفات السكن من ناحية الموقع
السيارة بسائق موجودين وبكثرة وخاصة في وقت سفرك
السعر لليوم 8 ساعات ممكن تبدأ من 750 فرنك
انا اشوف انتي توفرينها للسوق ابرك
والباصات والله من اروع واريح وائمن ما يمكن
انسي ممكن فقط لها تستاجرين تاكسي فرنسي ياخذك ويرجعك بحدود 300 فرنك

يااجعله بالعافيه عليك ياخوي ياابوعزيز ومطرح مايسري يمري
تخيل انا كاتبه موضوع طويل عريض الظهر كله شكر وعرفان فيك الله يوفقك يارب وماطفيت اللابتوب من الظهر اخاف يروح الموضوع وتخيل الحين بغير قصد مسحته قهر والله
ماعلينا بقول لك الميزانيه يعني يعني بالعربي نص نص
باخذ رايك بفندقين واحد بلوزان والثاني بىنسي
Hotel Aulac
كنت ابي موفمبيك بس هذا قريب منه المترو وكلمة المترو اخذتها من موقع البوكنق مالي دخل
الثاني
Mercure Annecy Centre
أو
Un Lieu Unique, Gites Urbains
بانتظار ردك الله يسعدك ويوفقك ويطول بعمرك وجعلك كل سنه تاكل سمبوسه وانت باتم صحة وعافيه
مليون شكرا