@نايف@
12-08-2022 - 02:56 am
السلام عليكم ورحمه الله وبركاته
مساكم الله بالخير جميعا
اخواني استفسار وارجو منكم افادتي
انا ناوي ان شاء الله انا والاهل السفر ان شاء الله السفر الى الامارات وبالتحديد الى دبي بالسيارة (برا) طبعا انا من سكان الرياض.
وانا الصراحه ماقد سافرت برا فاول مره ان شاء الله راح تكون لدبي وبالسيارة
انا سمعت من اكثر من واحد ان انه في طريقين الطريق الاول عن طريق حرض والطريق على حسب ماسمعت انه مره تعبان وفيه مقطعه وسيد واحد, وفيه طريق ثاني افضل بكثير من طريق حرض وهو طريق الاحساء فياليت احد يبيني لي هالطريق وهل الطريق امن وكم سيد وهل فيه مقطعه وهي في الطريق خدمات ومحطات وبالضبط كم كيلو من الرياض الى دبي وانا انشاء بروح انا واهلي فهل فيه خطورة او لا وياليت توضح بالتفصيل عن هالطريق ويوصفه لي يعني كيف اروحله وتقيمك بشكل عام للطريق ولكم مني جزيل الشكر والتقدير...
ودمتم................
اخوي @نايف@
فية طريقين للامارات عن طريق البر وانا جربت الاثنين
الاول طريق حرض والثاني طريق الحسا
طريق حرض وهو
تطلع من الرياض للخرج ومن الخرج تفرق على طريق حرض وطريق حرض يتميز بانة قريب ويفرق عن طريق الحسا 100 كيلو وانا حاسبها ويتميز انه صالب ومستوي ولا فية ملفات وبتحصل الكثير من السيارات الاخوةالاماراتية والعمانين
وعيوبة وجود مطبين واحد اذا جيت عند التفتيش الاول والثاني عند لوحة الخرخير وهو طريق واحد ولاهو مزدوج وفية بعض الرمال الزاحفة
الثاني
طريق الحسا وهو تفرق من طريق الدمام على مخرج الهفوف بعدين تطلع على سلوى ثم البطحاء ويتميز بانه مزدوج
عيبة انه بعيد ويفرق بزيادة عن حرض ب 100 كيلو
اما اللي يقولك رمل فكل الطريقين رمل
واللي يقولك بعارين كل الطريقين بعارين بل ارى ان حق الحسا اكثر
واللي يقولك الطريق فية تريلات كل الاثنين فيها تريلات
واللي يقولك طريق حرض ماهو امن قلة يكفي ان علية اكبر مصفاة غاز وفية تفتيشين وفية امن الطرق
وانا ابصراحة افضل طريق حرض اكثر من الحسا رحت مع حرض اكثر من تقريبا 6 مرات اما الحسا فمرتين على شان كان لي غرض بالحسا ولا مافية غير حرض لان 100 كيلو ماهي قليلة
واي خدمة انا حاضر واذا تبي خريطة لطريق حرض بالمحطات ارسلي ايميلك وارسلها لك
اخوك البدراني