سمو المعاني
صح انك آخذ رقم ومنتظر الدور لكن الجواب عندي جاهز
فليعذرني بقية الأخوة
شوف سيدي شلالات الراين (في اقصى شمال سويسرا) وبالتحديد في مدينة Schloss Laufen
أو
Neuhausen am Rheinfall

بالنسبة لشلالات الراين Rhine falls اللي موجودة بالقرب من شافهاوزين chaffhausen افضل واسهل طريقة هو الذهاب الى المحطة الموسمية (ابريل الى اكتوبر) شلوس لوفين Schloss Laufen
هناك قطار كل ساعة من محطة شافهاوزن ومن محطة وينترثر Winterthur الى لوفين
او من شافهاوزن نفسها تاخذ الباص رقم 1 او 6 الى قرية نيوهاوزن زينتروم Neuhausen Zentrum الشلالات راح تكون على بعد 5 دقائق مشي
أهم شيء لا تروح من شافهاوزن لمحطة قرية نيوهاوزن زينتروم لأن محطة القرية بعيدة عن الشلالات
اذا وصلت هناك لابد من زيارة قلعة وحصن مونوت ودير آلير هايليجين المجاور للشلالات
من جنيف القطار بيطلع الى زيورخ (ساعتين ونصف) ثم تغيير قطار الى Winterthur ثم تغيير قطار الى Schloss Laufen يعني ثلاث تغييرات فاستبعده تماما
الأفضل تختار القطار اللي ما يغير الا في Winterthur (ثلاث ساعات و ربع من جنيف ) ومن ثم يتغير القطار والى الشلالات (نصف ساعة) Schloss Laufen
عموما افضل دائما زيارتها من زيورخ او سانكت جالين
هذي زيارتي العام الماضي لها

و أتمنى ان يكون الجواب كافي و وافي يا غالي
وهلا بك أخوي

يعطيك العافية اخوي...الي فهمته انه آخذ قطار من جنيف إلى ونترثر..وانزل فيها..وابدل القطار وآخذ الي رايح حق schloss laufen..اذا كان فهمي صح...شلون اعرف انه القطار الي راح آخذه من جنيف مااغيره الا في محطه وحده بس؟
منتظرتك..
اختك سمو المعاني..

سمو المعاني
أسف أختي على الخلط وارجو العذر والسموحة
كيف تعرفين ؟؟؟
سؤال وجيه
جدول الرحلات اللي حاط رابطه في الدليل يعرض لك جميع القطارات اللي رايحه شلوس لاوفين
ويبين لكي عدد مرات التوقف ووين بالضبط
بعد ماتختارين الرحلة اللي تناسبك من ناحية وقت الإنطلاق وعدد الوقفات
الجدول بيكون واضح جدا ومحدد فيه الوقفات
تركزين على موعد الوصول في المحطة الأولى (الوقفة الأولى)
وتخلين بالك على الشاشات اللي معلقة في داخل القطار واللي يكتبون فيها وينطقون اسم الوقفة القادمة
بليز اذا مافهمتي اسألي ثانية
وياليت تحصلين على الجدول المطيوع (والله عندي كرتون منه)
تتسلين عليه وتتدربين وموجود بالمجان لدى الوكيل عندكم
House of travel
Office 80, Building 96,
Govt Avenue, Manama 316
PO Box 565
Manama tel: 973 17 225335
fax: 973 17 211329
http://www.hot.bh
وآسف مره ثانية على الخلط

جزاك الله الف خير اخوي..طيب الكتيب هذا هو الي بالمحطه يكون عارضينه بجنب قطع التذاكر؟! صح؟
طيب سؤال ثاني..لما اوصل الى شلوس لوفين الشلالات تصير جنب بالمحطه ولا.؟
وآسفيين عالازعاج..>>بس لاني هالصيف انشالله باكون القايد تبع العايله..
تحيااتي..

ممكن ارد بثلاث صور

يعطيك العافيه يابوعزيز..مشكور وماقصرت..
كفيت ووفيت..
اشكرك مره ثانيه

سمو المعاني
للعفو أختي
ان شاء الله الرحلة تكون حسب ظنكم
بالتوفيق

عندي استفسار ثاني يابوعزيز..
بعد ماناخذ جوله في الشلالات..وين نقدر نروح للغده.؟