وعليكم السلام ورحمة الله وبركاته
هلا وغلا غلا الإمارات
السعر هذا بالصيف وعلى ويست اند كيو اوكي
لأنه الي اعرفه بالصيف اياجرون الأسبوع ب 2500 و 2800 باوند ..
بشكل عام ويست اند كيو غاليه لأن كل شي فيها جديد والامن فيها جديد ..
واي خدمه احنا في الخدمه

القطري
مشكور اخويه القطري على المساعدة و الله يعطيك العافية
هذا العشم فيكم يا أهل قطر ما تقصرون راعين فزعة
انزين ما قلتلي شو رايك في شقق رويال كورت من ناحية الموقع و النظافة و كل شي ؟
اعتقد مافي مقارنة بين الاثنين لكن ابغي آخذ فكره عنها للاحتياط

هذا حقكم علينا ومالنا جميله
رويال كورت ماسكنتها ولكن مكانها قريب من ادجول رود واكسفورد
واذا تستخدمون الأندرقراوند والباصات فكل شي قريب
واي خدمه احنا في الخدمه

القطري
يزااك الله خير اخويه القطري .. في ميزان حسناتك ان شاء الله
اسمحلي عاد بتعبك بالاسئلة لني اول مره اسافر لندن و ما عندي خلفية ابد
بغيت اسئلك عن الطيران الاقتصادي من ميونخ لين لندن شو افصل طيران ؟ و شو رايك في الايزي جيت ؟
و بخصوص تذاكر الاماكن السياحية مثل لندن آي و متحف الشمع قالتلي وحده من الخوات لو تاخذينها من سفارة بريطانيا اللي فالامارات بتكون ارخص و v.i.p يعني ما بتوقفون في الطوابير و الزحمة .. صحيح هالكلام ؟

تحت امركم فلاأتحاتون ابجا
الأيزي جيت حلوه في التوفير ونسبه كبيره يستخدمونها ..عيبها الوحيد في الوزن بس ..كل واحجد له 20 كيلو بس
اما الواحد يشتري التذاكر من السفاره فهذا صحيح وتقدرين تاخذينها عن طريق موقع الخطوط الجويه البريطانيه والفاست باس هذا في اغلب الأماكن السياحيه
واي خدمه احنا في الخدمه

غلا الإمارات
شخباركم اخواني و خواتي ؟
اليوم عند استفسار إلى خبراء لندن و خصوصاً اخويه المزعج و القطري طلبتكم لا تردوني
ما شاء الله وايد تمدحون شقق ويست اند كيو و انا حجزتها بالصيف عن طريق سمسار عربي اسمه خليل تعرفونه ؟ و هل تعاملتوا وياه قبل ؟
بغيت آخذ رايكم بالسعر احس انه غالي لكن ما باليد حيلة لانه وافق يأجرها لمدة 10 ايام و السماسره الباقين حسب علمي ما يأجرون في الويست آند كيو اقل عن اسبوعين
عطاني شقة بغرفتين نوم و حمامين و صالة و مطبخ (من الشقق الكبار لان عندهم نوعين فالويست صغار وكبار) حجزتها على 3000 باوند من آخر شهر 7 إلى بداية 8
شو رايكم في السعر تحسون مناسب ؟ و هل الشقق تسوى هالسعر ؟ و ممكن احصلها عند سمسار آخر بسعر ارخص؟
و بالمره شو رايكم في شقق royal court apartments ?
كانت تمدحها العضوه هلالية جزاها الله خير ..
انتظر مساعدتكم و دخييلكم لا تردوني لأني اول مره اسافر لندن و ما عندي خبرة فيها
هلا بأختى الفاضله أنا ساكن فيها سنه وعارف الاسعار بصراحه السعر خيالي جدا والشخص هذا
لاتعليق بالنسبه الاسعار الحين
محد يقدر يعطيج السعر حق الصيف ولا أحد يضمن لج شقه المكاتب مجرد كلام بالهواء وقت
الفعل يقولج ماعندي أتصلي على وحده من بين الأرقام أسمها أم حسين وقولى أبى شقه بالصيف
الأفضل تخذون فندق يومين
وأي خدمه أحنا حاضرين

القطري
مشكور اخويه القطري و ما قصرت
الله يعطيك العافية ^_^

المزعج
مشكور اخويه المزعج على المساعدة و الله يعطيك العافية
بس ما فهمت عليك كيف يعني خيالي ؟ يعني وايد غالي ؟ يعني ما تنصحني اعتمد عليه ؟
المشكلة طلب مني مبلغ 2500 باوند مقدم و التوتل اصلاً 3000 باوند و خايفه يسويها فينا !
انا اتصلت فيه لأن وحده من معارفي تمدحه تقول صديقتها ماخذه عنده الصيف الماضي و هي بعد حاجزه عنده هالصيف .. مادري والله محتاره و انا اصلاً ماحب اتعامل مع العرب في اوروبا عارفه حركاتهم لكن مشكلة الويست اند كيو انها ما تتأجر الا عن طريق المكاتب العقارية
و انا طلبت أرقام المكاتب العقارية في لندن عن طريق الادارة و عطوني الارقام مشكورين لكن ما لقيت رقم أم حسين في اللستة ؟ شفت رقم عزام و مريم العراقية و ابو عمر .. منو احسن شخص يقدر يوفرلي شقة مضمونة في الويست اند كيو و بسعر معقول ؟ من تجربتك يعني
طيب ما قلتلي شو رايك في شقق Royal Court Apartments ؟ اختنا هلاليه كانت تمدحها على هالرابط : https://artravelers.com/p/re/337968
ادري انها متواضعة نوعاً ما يعني بعيده عن الفخامة ومافي مقارنة بينها و بين الويست كيو لكن اتصلت فيهم و عطوني شقة ب 3 غرف نوم على 1550 باوند تقريباً في الاسبوع
شو نصيحتك ؟!

للرفع .. اخويه القطري و المزعج فيدوني يزاكم الله خير