اخوي اولا تروح و ترجع بالسلامه .. عندك طريقتين للحصول على سكن:
1- عن طريق المستشفى راح يزودونك بالسكن اللي يه خليجيين و قريب من المستشفى
2- تحجز في فندق اول يومين مؤقت و راح تلقى عرب في المستشفى يدلونك ان شالله
و بالتوفيق ان شالله ...

ابشر أخوي الكريم...
أنا طالب دكتوراة وساكن قريب من ال UPMC إذا كان هو قصدك (غالبا انك تقصد ال UPMC لانه افضل مستشفي بالعالم بزراعة الاعضاء - العهدة على البيتسبرجيين)..
اخي الكريم السكن يعتمد على المدة والحالة الصحية لمريضكم -الله يشفيه أو يشفيها- ووسيلة النقل ومستوى الرفاهية المطلوبة وطبعا عدد الغرف- لابد ان تتناسب مع عدد الافراد، فمثلا يمنع تسكين 5 اشخاص بغرفتيين-.
المدينة من اجمل المدن التي زرت بحياتي -زرت اكثر من الابعين دولة بدون فخر فذلك ليس مدعاة للفخر- تقع على ثلاث انهر ،ويتوافر بها جميع الخدمات والاسواق ووسائل الترفية الاخرى.
يوجد بها عدة مطاعم عربية وكذلك توجد ملحمة اسلامية وقهاوي عربية ...
يعيبها البرد فهي تعتبر من مدن الشمال وكذلك لطبيعتها الجغرافية فهي عبارة عن هضاب، درجة الحرارة وصلت -30 درجة مئوية السنة الماضية... لكن التدفئة بالسكن والمستشفى والموصلات ممتازة وان شاء الله تكفيك..
ارجع لموضوع السكن (عموما السكن رخيص وامن):
غالبا المستشفي يقع بحي أوكلاند (يوجد لل UPMC اكثر من 20-30 فرع) واوكلاند حي يسكنه العديد من الطلبة ويقع مقر جامعة بيتسبرج ومركز المستشفي الجامعي UPMC. الحي مناسب اذا كان حالة مريضكم الصحية حرجة.
يوجد كذلك حي شايدي سايد وهو قريب كذلك وجيد جدا للسكن ، ويوجد ايضا حي السكويرل هيل وهو حي اليهود وذلك لتوجدهم بكثرة والحي ممتاز وامن جدا.
اما انا شخصيا اسكن بحي بروكلاين وهو يقع جنوب ال Downtwon أو مركز المدينة، اما الاحياء السابقة فتقع شمال الداون تاون. انا مستأجر -متزوج بدون اطفال- شقة غرفتين باجرة شهرية ب 625 دولار لكن عقد سنوي ، اعتقد اذا اردته عقدا شهريا تدفع 100 دولار زيادة.
وعلى العموم تواصل معي واحاول باللي اقدر عليه...
على فكرة اول مرة ادخل المنتدى من زمان طويل -سبحان الله - فالحمد الله اني دخلت ولقيت موضوعك عسى نسهم بتقديم اية مساعدة ان شاء الله.
اخوك ابو عبدالملك.....
XxXXXXXXXXXXXX
تمنع ادارة المنتدى وضع الايميلات في الردود
وتكرار ذلك يعرض عضويتكم للايقاف
مشرف البوابة

أخوى عبد الملك جزاك الله كل خير و أشكرك جزيل الشكر مع انى مو صاحبه السؤال لكن اسلوب ردك ينم على سمو أخلاقك وحسن تربيتك أدام الله عليك الصحه والعافيه انت وشريكتك وأدعو الله العزيز الكريم ان يمن عليك بالذريه الصالحه ويوفقك بالدراسه وتصل باذن الله لأعلى المراتب
وادعو ((للكرسى الاخضر)) ان الله سبحانه وتعالى ان يمن على مريضهم بالصحه والعافيه

وجودي الله يجزاك خير على جوابك حتى انا استفدت
سؤالي هل المدينه مناسبه للطلاب لدراسة اللغه وسهل السكن لهم مع الخدمات مثل توفر المواصلات
وهل هي افضل من فيلادليفيا
و اي مدينه امريكيه من خبرتك ترشح لدراسة اللغه تكون متوسط التكاليف حلوة المناظر مع توفر مواصلات توصل للخدمات من مول ومطاعم وسوبرماركت بارك الله بك ووفقك وسهل امرك

السلام عليكم جميعا اخوه و اخوات:
ابو عبد الملك: انا عندي استفسار بسيط وانشا الله تقدر تخدمني.
انا ساكن في مورغانتاون يعني جيرانكم بويست فيرجينيا ودايم ازور بيتسبورغ
انا ادرس ماستر وكل اللي باقي لي هو السمستر الجاي وما عندي كلاسات حضور
وانا افكر انتقل لبيتسبورغ؟ انا عندي عايله من اربع افراد. عاجني الحي اللي جنوب الداون تاون اللي فيه مطعم تشيز كيك فاكتوري والمنطقه اللي في شارع اريكسون.
مادري في امكانيه احصل شقه غرفتين الى نهايه ماي الجاي او اوغست ان كثرت.
الله يخليك اذا فيك تساعدني شقه كويسه بالسعر المذكور اعلاه اكون لك من الشاكرين.
اخوك ابو محمد
Morgantown, WV

اخي بو عبدالملك (وجودي)جزاك الله خير واشكرك جزيل الشكر على المعلومات الحلوه والمطلوب شقه مفروشه فرش ممتاز وتتكون اقل شي من غرفتين وحمامين وصاله ومطبخ وتكون ارضيه والمده تقريبا 6شهور او اكثر وكم يتراوح اجارها وتكون قريبه من المستشفى upmcجدا وفي حي ممتاز وامن جدا وهل في هذي الاحياء موصلات منها الى المستشفى مجانا واذا لا كيف نحصل على المواصلات وحالة الوالد تستدعي بقاءه في الشقه اخي بخبرتك الطويله ماهو الحي ألي تنصحنا فيه والسكن الذي يلائم حالة الوالد . وكيف نتواصل معاك لان الموقع لايسمح ان نضع الارقام والإيميلات واريد طريقه اتواصل معاك فيها .وارجوا منك المساعده في اقرب وقت لان السفر قريب جدا الاسبوع القادم .وتمنياتي لك بالتوفيق والنجاح في دراستك .

رهشRAHASH
أخُيتي ربيبة الكرام رهش rahash
جزاك الله خير على ردك وعلى المشاعر الطبية ولا يُسغرب الطيب من اهله ..

الاستاذه دره http://artravelers.com/c/333626" target="_blank">
أستاذتي دره
بيتسبرج حصلت على America's Most Livable City من اكثر من هيئة تصنيف فمجلة الThe Economist بتاريخ 10 يونيو الماضية صنفتها الاولى على امريكا وال27 على مستوى العالم .
وكذلم فعلت الPlaces Rated Almanac ، والاسبوع الماضي قرأت تصنيف اخر يجعل بيتسبرج ثاني افضل مدينة -متوسطة الحجم- بامريكا..
اليك الرابط لكتاب النادي السعودي للقادمين الجدد (صرحة شامل ووافي وجزاء الله الاخوان والاخوات الف خير)
http://www.pitt.edu/~sorc/ssh/New%20...nd_edition.pdf
ولي عودة اذا استدع الوضع..

e.muzher
حي الله ابو محمد لي عودة لموضوع ولكم لعلك تقصد الكارسون وليس اريكسون..
على فكرة يبعد عن منزلي 7-10 دقائق لكن يحتاج الى سيارة ..
ولي عودة..
تقبل تحياتي