استفسار عن سيشل

Khaled_ismail91

15-12-2022 - 07:11 am

السلام عليكم ورحمة الله وبركاته
اولا: انا من متابعين المنتدى بإستمرار ومن اشد المعجبين فيه وهذا اول موضوع ليا
ثانيا: انا يا اخوان رايح شهر عسل ووقع الاختيار على سيشل والميزانيه تقريبا 30000 ريال
والفنادق:
ماهي 4 ايام 10140Hilton Seychelles Northolme Resort & Spa
براسلين 4 ايام 4400New Emerald Cove Hotel
اتمنى اعرف منكم الفنادق كيف والميزانية كافيه للفنادق والتذاكر والمصاريف هناك وابا معلومات عن الجزر الاخرى هناك

التعليقات (4)

I Love 90s

15-12-2022 - 09:36 am

ماقدر افيدك هل هي راح تكفي او لا الا اذا حجزت وحسبتها بنفسك
لان سيشل غاليه عموما خاصة السكن فيها !
مانصحك تسكن ببراسلين تعب وتنقلات
اسكنوا 8 ايام في ماهي وقسموا مابين منتجعين
الاول هيلتون
والثاني كونستانس ايفيليا (مناسب سعره)
وبراسلين ولاديغ زوروها في رحلة يوم كامل عبر القارب السريع والفندق يرتب لكم الرحلة

Badr-Be

15-12-2022 - 10:37 am

مشكور ويديك الف عافيه

khalidf2000

15-12-2022 - 11:38 am

السلام عليكم ورحمة الله وبركاته انا توني قبل اسبوعين رجعت من سيشيل
اول مره اسافر للجزر فما اقدر اقارنها باي جزيره اخرى بس عموما عجبتني رحلات الجزر وان شاء الله بكررها مره ثانيه اذا ربي كتب لنا
انا عن نفسي كنت طالب فيلا بمسبح خاص فكانت الخيارات قليله واضطريت اني ابعد عن فكتوريا الي هي عاصمه ماهي (اكبر جزيره والجزيره الرئيسيه)
انا سكنت 4 ليالي ( وهي مدة رحلتي كامله) في منتجع بنيان تري فيلا بمسبح خاص على الشاطي - هي غاليه شوي بس تستاهل .
((يعيب على الجزيره عموما كثرة الحشرات اعزكم الله وبالأخص البرص (البريعص) موجود في كل مكان الا داخل الغرف ولكن في المطاعم والمقاهي وطبعا تكثر الحشرات في المساء .
يعني اذا اهلك مايتقبلون وجود حشرات بسقف المكان او المطعم - جهزهم من الان افضل ))
بالنسبه لبراسلين فيها فندق رافلز .. جميل جدا زرته وتعشيت فيه ودخلت غرفه بصراحه جميله ورايقه .
الله يوفقك يارب وتروح وترجع بالسلامه

Khaled_ismail91

15-12-2022 - 01:40 pm

رحلة سعيدة و موفقة و ربنا يبارك فيكم

الجزر السياحية المسافرون العرب

استفسار عن سيشل