S...7
23-08-2022 - 02:23 pm
السلام عليكم ....
ياجماعة انا عضو جديد ، وانوي السفر الى سويسرا اول نوفمبر لمدة 8 أيام تقريباً وأبغي أوزعها على انترلاكن وجنيف ، شورايكم في الشهر ، وياريت حد يقولي وين أروح لاني أول مرة اروحها .
والسكن بيكون في فندف انترلاكن وفي جنيف نوفوتيل .... شورايكم ، بالاضافة الى اني سأقوم باستئجار سيارة من اي شركة استأجر افضل وحد يرتبلي واهم شيئ الاماكن .. مانبغي نزعل المدام عشان هذي السفرة هديتها بمناسبة المولودة (فطومه .... ) ويعطيكم العافية
هلا وغلا الغالي
وحياك الله بين اخوانك وخواتك وان شاءالله اتفيد وتستفيد
والله يبارك لكم في فطومه وتفرحون فيها ان شاءالله وحمدالله على سلامة ام فطوم
سنة 2007 وسنة 2008 رحنا سويسرا في نص شهر 10 وكان الجو لايعلى عليه
الجو بارد والبروده الي تشرح الخاطر ..الحراره اقل حوالي 5
كنا نتغطى ونطلع نتمشى طول يومنا ..
واحلى شي لما نزل علينا السنو
كان شي ولا في الخيال
يارجال يوم نزل السنو قمنا انتشهد محنا امصدقين :8888:
بالنسبه للاماكن فيه ملف امسويه اخونا رجل شرقي عن الأماكن السياحيه اتمنى اتنزله عندك وتحتفظ فيه لأنه مفي
واجد وفيه اغلب الأماكن السياحيه
بالنسبه للسياره سنة 2007 اجرنا من يوروب كار اما سنة 2008 و2009 اجرنا من سيكست وعجبني تعاملهم وتعاونهم وخصوصا هالسنه اتعطلت علينا السياره وماقصروا معانا
مع ان العطل كنت انا السبب فيه لأني عبيت بنزين بدل ديزل
واي خدمه احنا تحت امرك الغالي