ياعالم حد يرد ابي اضبط حجوزاتي
ابي انزل وين زيورخ وإلا جنيف
وين استلم السياره

ياعالم حد يرد ابي اضبط حجوزاتي
ابي انزل وين زيورخ وإلا جنيف
وأبي اجر سياره من وين اخذها زيورخ وإلا جنيف التسليم يبكون في ميونخ
ابي خط سير للرحله

عليكم السلام اسال الله العلي العظيم ان يسهل لكم الموعد ويقضي حاجتكم فيه .. من وجهة نظري تروح من برشلونه لميلان وتستاجر سيارتك من ميلان وتنطلق الى لوقانو ومن لوقانو عندك خيارات اما توقف في شاموني وتقضي فيها ليلتين ومنها تتجه الى ديفون وبالطريق الى ديفون بتمر على انسي وممكن تزور انسي وجنيف من مكان اقامتك بديفون ومن ديفون الى انترلاكن ومن انترلاكن الى زيلامسي ولكن المسافة بعيدة تقريبا 520 كيلو ف الخيار لك اما تقطع هالمسافة الطويلة او انك تريح بعد 200 كيلو في مينفيلد ومنها الى زيلامسي 350 كيلو او بقرية ليختنشتاين بعد 210 كيلو من انترلاكن ومنها الى زيلامسي 310 كيلو

الله يعطيك العافية اخوي ابو نوره والله يجزاك خير
انا بغير خط السير ماراح اروح لزلامسي وميونخ
بروح بدالها باريس ودزني لاند
بس مو عارف اسوي خط السير من وين استلم السياره وابي اسلمها في باريس او دزني لاند
والافضل من وين اطلع لباريس شنو المدينه الاقرب لباريس

باريس تقدر تطلع لها بالقطار اذا اردت
والقطارات المباشرة من سويسرا لباريس بتكون من زيورخ ومن جنيف ومن بازل ومن لوزان
وممكن تنزل في ميلان وتروح لوجانو بالباص لان فيه باصات تاخذكم مباشرة من مطار ميلان الى لوجانو
ومنها تستأجر سيارة وتسلمها في جنيف او زيورخ على حسب محطتكم الاخيرة وين بتكون
ويكون خط سيركم كالتالي,, لوجانو - انترلاكن - جنيف
ومن جنيف تزورون شاموني وانسي
وممكن تنزلون جنيف عند القدوم من برشلونه
ويكون جدولكم كالتالي
جنيف - لوجانو - انترلاكن وتسليم السيارة في زيورخ او جنيف بعد انترلاكن
وتطلعون بالقطار الى باريس
وبالتوفيق

الله يعطيكم العافيه
المخطط ان شاءالله بيكون من برشلونه الى ميلانو طياره
واستلام السياره من ميلانو وبعدهاا لوقانو وبعدها انترلاكن وبعدها انسي ومن انسي الى باريس ( يومين دزني لاند وثلاث ايام باريس)
السؤال الاول : شنو الافضل النزول في ميلانو او جنيف او زيورخ
السؤال الثاني : بالنسبه لتأجير السياره شنو افضل ديره استلم منها وانا افضل الاستلام من المطار وبالنسبه لتسليم السياره ابي اسلمها في باريس شنو المكان المناسبه
والله شكر لكم

اذا تريد تسلم السيارة في باريس
فالافضل والارخص لكم استلامها من مطار جنيف القسم الفرنسي
وبهذي الطريقة لازم تنزلون في مطار جنيف

الله يعطيك العافيه اخوي مقدام
شلون يصير خط السير راح يكون جنيف انترلاكن لوجانو انسي باريس
هذا افضل او في خط سير اخر
وسلامتك

ابو ريما ,, الله يعافيك ان شاء الله
خط السير هذا مناسب
وممكن تكون البداية من لوزان بدل جنيف اذا اردتوا
وفي الطريق من لوجانو الى انسي ممكن تمرون على شاموني
وبالتوفيق