السلام عليكم
انا ان شاء الله مسافرة اسطنبول بعد بكرة الفجر .. و محددة الاماكن اللي عايزة اروحها بس المشكلة في تنسيقهم و توزعيهم علي ايام الرحلة ، مع وجود بعض الاماكن لا اعرف كيفية الوصول اليها
الرحلة مدتها 8 ايام 7 ليالي و الفندق قريب من تقسيم
انا هوصل اسطنبول ان شاء الله تقريبا في الصباح الباكر .. يعني معايا اليوم من اوله
الاماكن هي :
1- جامع السلطان احمد - آيا صوفيا - توب كابي ( دول مفيهومش مشكلة في طريقة الوصول )
2- امينونو - السوق المسقوف - سوق محمود باشا - برج غلاطة ( دول مفيهومش مشكلة برضو في طريقة الوصول )
3- قصر دولما باشا ( لا اعرف طريقة الوصول )
4- يوم للبورصة ( اذا اتفقت مع شركة سياحية كم سيكون تمن الفرد و هل الاحسن اروح من غير اتفاق مع شركة ، بس الطريق حاسه انه صعب و ممكن معرفش اوصل !!! )
5- تلة العرائس - البالون ( الموجود بكاديكوي ) - الاكواريوم ---->> ( هل فعلا ال 3 اماكن دول في القسم الاسيوي ) و اذا كانو كده فعلا عايزة اجمعهم في يوم واحد و اعرف طريقة مواصلاتهم لبعض
6- بالنسبة للتسوق ( جواهر مول - عثمان بيه ) ---->>> و دول عارفة طريقة الوصول لهم
( ارموني بارك - اوليفيوم مول ) ------>>>> معرفش طريقة الوصول
7- جزر الاميرات ( عايزة اعرف عدد الجزر اللي بتقف فيها العبارة عشان حاسة اني متلخبطة ( و هي فعلا الجزر دي حلوة .. تستاهل تتراح .. اصلي قريت انك بتنزل الجزيرة تتمشي و خلاص ) هل يوجد فيها شيء مميز ؟؟؟؟
8 - كورنيش اسطنبول بيقولو عليه تحفة و خصوصا منطقة ( سرير ) هل فعلا حلوة و عايزة اعرف طريقة الوصول اليها ؟
9- ميني تركي ( و اعرف طريقة الوصول )
10- و اخيرا ( بازار الجمعة ) ---- >>>> ده بقي سمعت ان اسعاره حلوة قوي و في حاجات حلوة كتير .. و عايزة اعرف برضو طريقة الوصول
مع العلم ( ان يوجد رحلة لمضيق البسفور مجانية تبع الشركة اللي حاجزبن معاها )
مش عارفة بقي اللي انا عايزة اروحه ده كله هيكفي ال 8 ايام و عايزة انسق الاماكن القريبة من بعض مع بعضها
و ايه اوفر و اسهل الطرق للوصول اليها ؟؟؟
انا طولت قوي .. بس بجد محتاجة رد و مستعجل عشان انا مسافرة بعد بكرة الفجر و مزنوقة في الوقت قوي
و شكرا للمنتدي الرائع ده و لولاه ما كنت عرفت حاجة و كنت هروح زي التايهين بالظبط ههه