حيّاك يا غالي ...
الحديقة موجودة في سلانقور ...
ويمكنك قراءة https://artravelers.com"https://s.yimg.com/qn/cdn/m002/travel/images/smilies/link2/14b2a.gif" >

وتقع هنا ... على علامة ال + تقريبا ...
في منطقة تبعد عن شارع العرب قرابة ال 9 كيلو ...
http://wikimapia.org/
وهي تبعد عن منتجع صن واي لاقون ... قرابة ال 22 كيلو حسب الموقع أعلاه ...
بالتوفيق

الحديقه تتبع لسيلانجور .. رغم ان اسمها حديقه كوالالمبور ..
اقولك حاجه : ترى سيلانجور ولايه كبيره .. ومدينه كوالالمبور تقع في حدود هالولايه .. في النص يعني .. لكن ما تتبعها ..
الحديقه تقع في شمال كوالالمبور ... لكن ما تقع ضمن حدودها ..
..
وبالرغم من انها ما تتبع لكوالالمبور فهي اقرب ل لوسط كوالالمبور من صن واي لاقون ..
يعني لا تهتم ان كانت تتبع لسيلانجور او لكوالالمبور ..

كلام عمّنا أبو نايف صحيح ...
فقط لتوضيح المعلومة .. وطبعا من الموقع أعلاه ويكيمابيا ...
منتجع الصن واي لاقون ... يقع في منطقة Petaling Jaya في مدينة سيلانقور وتبعد عن حديقة الحيوان قرابة ال 22 كيلو ...
أما الحديقة في تقع في منطقة Ampang_Jaya في مدينة سيلانقور وهي أقرب بالطبع لشارع العرب وللخدمات منها إلى فندق صن واي لاقون أو فندق الهرم ...
ولهذا فقد قمت يتعديل ردّي أعلاه ...
طبقا للرد والتعقيب من حبيبنا أبو نايف مشكورا ...
وحياك يا غالي ...

بإختصار تقدر تزورها من كوالالمبور وسيلانقور والمسافه لاتؤثر على جدولك ..

للمعلوميه للأخ السائل فالحديقة جيده ولكن في حالة انك ساكن بسلنقور فأنصحك ماتزورها لأنها بعيده عنك.. وطبعاً اتفق واختلف مع الأخوه كيف؟
اتضحلي بأن سلانقور مقسمة لأجزاء وليس جزء واحد متصل مع بعضه لبعض.. والدليل بأني ساكن بمنطقة تمان ملاتي وهي شمال الحديقه وتقدر تطلع عليها من نفس الرابط الي وضعه لك الأخ ماجد الفهد من دون تكبير او تصغير فقط ضع المؤشر على أحد المربعات الي فوق وبتلقى موقع سكني.. المهم عنواني البريدي يقول بأني بكوالالمبور وبما اني مرافق مع زوجتي طالبة الماجستير في الجامعه الاسلاميه والي تقع ايضاً بكوالالمبور ,وللعلم فالجامعه شمال منطقة سكني يعني كوالالمبور وليس سلانقور وتبعد عني بالسياره تقريباً 7 دقائق.. اتفق معهم بعد ماقرأت الكثير بأن منطقتنا بسلانجور واحتلف معهم لأن كل الأدلة الحسيه والبريديه تقول بأننا بكوالالمبور وكل جيراننا من عرب وعجم لايذكرون سلانجور إلا بالجزء الأخر وأقصد الجزء الي يضم صن واي لاقون وسوق بيراميد التابع له.. هذا فقط للتوضيح وإلا انا توني جديد على هالمدينه ومالي إلى بضعة اشهر ومعلوماتي الجغرافيه لكم عليها, بس حبيت اضيف معلومه قد اصيب وقد اخطئ بها ولكن الثابت بأن عنوان شقتي البريدي يقول كوالالمبور.. وشكراً لكم

حبيبي ابو نايف وبس
يعني سيلانجور بس هي اللي فيها صن واي لاقون وما جاورها ... لا يا رجال .. غلطان ..
طيب الفراشات المضيئه وين بكوالالمبور ولا بسيلانجور .. علما بانها تقع شمال كوالالمبور
سؤال ثاني .. مطار كوالالمبور الدولي وين يقع ..
حديقه الحيوانات .. انا مدري بصراحه تحديدا وين تقع .. لانها جايه تقريبا على الحدود ..
لكن تقولي ان سلانجور بس المنطقه اللي فيها صن واي فهدا غلط ..
كوالالمبور جايه بنص ولايه سيلانجور ..
طيب سؤال : وش يحد كوالالمبور من الغرب .. سيلانجور ولا بحر
طيب سؤال : مدينه كوالاسيلانجور وين محلها من الخريطه ..
حبيبي ابو نايف
النقاشات اللي مثل هدي بتفيدنا كلنا وانا اولكم .. ممكن اعرف امور كنت اجهلها .. وممكن اصحح معلومات كنت احسبها صحيحه ..
ومدام انك ساكن هناك ... فاكيد اني باحتاجك وبستفيد منك كثير لاني فعلا احتاج الى شخص يكون ساكن هناك
تحياتي

حبيبي النهر الجاري.. انا اؤيدك تماماً بكل ماقلته.. اولاً انا كنت اتكلم عن منطقتين وهي تمان ملاتي وصن واي لاقون وبس..
على كلاً سبحان الله بنفس اليوم الي كتبت فيه ردي اكتشفت اشياء كانت غائبه عني.. طبعاً مهيب كثيره ولكن كانت غائبه عني.. لو تطالعون بالخريطه مره ثانيه فالمنطقه الي فيها حديقة الحيوان تعتبر من سلانجور بينما المنطقه الي تقابلها والفاصل بينهما الشارع العام تعتبر كوالالمبور.. والجامعه الأسلاميه تعتبر في سلانقور(بصراحه مستغرب ومندهش من هالشي)..
عرفت كل هذا بنفس اليوم الي رديت فيه, اخذت تكسي من منطقتي إلى Ampang Point وهذا سوق جيد جداً ويقع بمنطقة Ampang والمنطقة هذه فيها المستشفى المتعاونه معه السفاره السعوديه بشكل دائم (وللعلم ولاعلم عندي عن البقيه ولكن فهمت من احد الأخوه اثناء احتفال نادي الطلبه السعودي بيوم الجمعه الماضي بأني اقدر اتعالج بأي مستشفى واجيب الفواتير للسفاره ويعطوني حقها).. المهم موضوعنا الرئيسي يقول بأن سواق التاكسي يقول بأن حديقة الحيوان والجامعه بسلانجور بينما تمان ملاتي بكوالالمبور والفاصل بينهم شارعHigh Way ..واضيف على لسان سواق التاكسي بأن Batu Cave تقع بسلانجور ايضاً..
على كلاً اخي الكريم انا لحد الأن جديد على هذه المنطقه وعلى وشك شراء سياره واكتشف اكثر ولكن ابشرك زرت كل الأماكن السياحيه الي بكوالا وماخليت شي واتمنى بان تتحسن قدراتي الكمبيوتريه لأضيف لكم اشياء متأكد جداً بأنك راح تضيفها بالمواضيع الثابته ولكن ربك كريم وإن شاء الله اتوفق بتقرير تسر الخاطر..احس ان عندي كلام كثير بس كل موضوع يختلف عن الأخر وصعبه اكب كل كلامي هنا..
واعتذر إذا كان فيه اي لبس بالفهم من مضمون كلامي .

الله يسعدك يا بو نايف