هلا بك اخوي وهم ومنور المنتدى بين اخوانك
بالنسبة لأختيارك جداً ممتاز .. كوني انا احد الزوار لهذه الجزيرة في هذا الشهر اللي هو مايو 2009
بالنسبة للبكج على حسب ميزانيتك لان هذا غير شامل البرامج الترفيهية اللي راح تعملها هناك
السعودي مايحتاج انه ياخذ تأشيرة دخول على ما أعتقد واكيد
العمله دولار - لان العمله اللي مستخدمة الربيه
الدولار الواحد = 30 ربية على حسب احيان تطلع واحيان تنزل
بس نصيحه اذا خذيت معك دولار حاول انك تصرفها ربية افضلك
الأماكن اللي نوصيك انك تروح لها كثيرة وانا راح ادلك على اخوان هناك ممتازين في تعاملهم ومتعاونين وفوق هذا كله هم مصلمين وما راح يقصرون معك بشي - وانا بساعدك فيها ان شاء الله
بصراحة انا لما كنت اتمشى هناك كان يقولي السائق هذي مستشفيات حكومية وهذي بفلوس بس ما فكرت بالمتشفيات
توكل على الله ولا تشيل هم المتشفيات - اهم شي تاخذ معك علاجات من هنا للأحتياط لا سمح الله
الأمان - بكل امانه هي آمنة وغير كذا ( طبية شعبها والله ناس طيبه ومساعدة للجميع وخاصة الزوار من الخارج وناس على قد حالهم ) ..
اتمنى اني اكون قد وفقت في مساعدتك في الامور اللي انت تحتاجها
وياليت اخوي تتابع التقرير اللي جالس اسويه ( وهو رحلتي الخيالية لموريشيوس ,,, ) موجودة في المواضيع
انا كاتب في التقرير كل الحكاية من البداية حتى النهاية وجالس اعمل فيها ولسى ماخلصت
انت تابع راح تستفيد كثير وانا ماسويت هالتقرير الا لاني ابي اساعد زملائي في المنتدى
تقبل مني كل الاحترام
اخوك
عبود 10

يسعدك ربي اخوي عبود
شاكر ومقدر لك يالغالي
وانا بتابع تقريرك والله لا يحرمنا من امثالك

عزيزي وهم..
ملاحظة مهمة جداً: هل يتوفر في المنتعجات اسعافات اولية وخدمة طلب دكتور؟!

السلام عليكم أخوي وهم ....... الباكج هذا من وين حصلته ......لأني سبحان الله اليوم رحت للإمارات للعطلات وطلب نفس المدة ونفس الفنادق وقال لي الباكج ب 31000 ف ياليت تفزع لي وتقول لي من وين حصلت الباكج حقك

هلا والله
اول شي الف مبروك الزواج مقدما .. وان شالله سفرة موفقة بإذن الله
وهم
بالنسبة للأمان البلد سياحي درجة أولى ومعتمدين على السياحة بشكل كبير .. فهم طيبين وودودين لدرجة ما تتخيلها .. وتعاملهم ماراح تحصل مثله ابد .. هذي نقطة
النقطة الثانية .. معظم طلعاتك راح تكون tours ومرتبة ومع مجموعات وبتنسيق من شركات السياحة .. يعني ماراح تكون لوحدك وفي اماكن مافيها احد حولك .. يعني الوضع مرة مريح بإذن الله
وبصراحة ودي اوضح نقطة انه المتعة في موريشوس ليست في النشاطات والطلعات .. الطلعات فقط لتغيير الجو .. أما المتعة الحقيقية فهي الاسترخاء على الشاطيء والتمتع بغروب الشمس (عشان كذا بعض الناس يفضلون السكن في غرب الجزيرة)
عاد لا تبخل علينا بتقاريرك بعد ما ترجع بإذن الله
ورحلة موفقة