العشاء الخاص لا يعتبر من ضمن البورد....ولا الوجبة بالجزيرة الخاصة..... الوجبات في الهالف بورد او الفل بورد تكون العادة في المطعم الرئيسي للفندق وتكون نظام بوفية...
اغلب الفنادق يكون لديها 3 او 4 مطاعم بالكثير....فخياراتك محدودة جداً..اذا حبيت وجبة خاصة سواء علي البحر او بجزيرة خاصة تكلفتها غير وتكون غالية..
انا رحت المالديف مرتين..ونصيحة اخذ مع فطور فقط وممكن تاخذلك ساندويش او بيتزا علي حمام السباحة وقت الظهر بحدود 20 دولار للشخص وبالليل تتعشي بأحد المطاعم
الوجبات بالمطاعم الفخمة بحدود 80 دولار للشخص.

اعتقد ان اخوي aziz20012001 افادك في الموضوع
وانا رايي مع رايه انك تاخذ الفطور فقط وفي حالة حسيت بالجوع وقت الغداء تقدر تاخذ اي شيء بسيط
والعشاء ممكن تختار بين اي مطعم سواء بوفيه او من القائمة الموجودة او تطلب خدمة الغرف بالقدر اللي يكفيك
وممكن في ليالي ما يكون لك خاطر في شيء ..
والقرار راجع لك فالنهاية
تحياتي

مشكورين اخواني ما قصرتوا
انا حجزت ولازم ادفع للمكتب هاليومين ومحتار بهالموضوع
لان تكلفة الفل بورد تزيد تقريباً 10 - 12 الف ريال سعودي
بمعدل 500 ريال للوجبه تقريباً
فهل هذا معقول كسعر وجبة هناك
او الوضع هناك مختلف والاسعار اقل

اسعار الفنادق والاكل بالمالديف غالية ...... اذكر ان البوفية بالعشاء كان بحدود 400 الي 500 ريال للشخص.. ......ممكن بمطاعم اخري للعشاء للشخص من 300 الي 500 ريال للشخص ،يعتمد شنو بتطلب .....اذكر ان اغلب السواح كانوا ياكلون وجبتين( الفطور مثلا الساعة 10 الصبح ، والعشاء الساعة 7 المغرب ) ... لان النوم بالمالديف بدري من تعب السباحة والغواصة وعموما بالليل ماكو اي نشاطات

الله يجزاكم خير اخواني ,,, ما قصرتوا

الغالي تختلف الأسعار من فندق لآخر و لكنها بالعموم غاليه
البوفيه في ال w كان 75$ للشخص و وجبة غداء لشخصين بيتزا باستا او سندويشه 25$ للشخص
يعني بتصرف 200-300$ غداء و عشاء و انت بكيفك إذا تحب تدلع نفسك في الأكل و إلا لا

a7mad abdallah
لا انا ماعندي مشكله بالقيمه .. ولاكني اقارنها بالحجز المسبق عن طريق المكتب سواء كان فل بورد او هاف بورد
واذا كان الأكل على نفس الاسعار الي انت حطيتها ,, فهي مناسبه جداً ومقاربه لأسعار المطاعم الي هنا بالسعودية

ياليت حد يرسلي على الخاص اسعار الفنادق المميزة واماكنها وموفق اخوي