وعليكم السلام وكل عام وانت بخير وتقبل الله طاعتك والعيد عليك مبارك ...؟
اولا : بالي جزيره لايعلى عليها ماشاءالله اللي يروحلها راح يحسب حسابها مره ثانيه ههه
ثانيا : الفناادق متوفره حيل لاتحاتي ابدا روح وانت مغمض خذها من اخوك
ثالثا : ماوصيك بالاكلات البحريه اذا مااكلت من هالاكلات ازعل عليك
رابعا : اذا تحب تروح جزر احجز مبكر علشان الرحلات تكون ساعه 8 صباحا
خامسا : التجديف مدت التجديف في النهر ساعتين ونص يعني شيء حلو حلو حلوو وفطورك موجود اول ماتوصلون المكان ولما ترجعون تحصلون فطور بعد شغل عدل مدل
ملاحظه : الحجز من كاها سعر التذكره 40 دينار كويتي بس بالريال ماعرف لاتقعد اكثر من 5 ايام بس اذا كنتم قروب يكون احلى واحلى وانت ومزااجك واسف لان ماعندي خبره كثيره بس انا رحت لها من سنتين واو
تقبل مروري وتحياتي لك ورح لجزيره بالي وانت مكيف مافي ضيق ولا شيء بس خلك حريص على ممتلكاتك وفلوسك عدهم اول ماتسكن الفندق وحط ورقه مكتوب فيها الفلوس واول ماتطلع من الفندق احسب فلوسك هذا شيء مهم لان سرقو مني 200 والله العالم
انا قرقه وايد هي هي مع السلامه

بالعكس بيض الله وجهك يالغالي
كفيت و وفيت

1. عموما النصائح يالغالي هي للاحاطه بعد التجربه ...


2. ثانيا : انصحك تسكن في شارع كوتا تراه وناسه يعني ابد تمشيه على رجليك .

اولا مساء الخير يالغالي اخوك الان يكتب من شقق القاردن توبيك في جاكرتا وقبل تقريبا سبعه ايام كنت في بالي وبرنامج هو الرياض جاكرتا وعند الوصل دايركت من المطار الحجز على خطوط ليون والانطلاق في نفس الوقت الى بالي والسكن في فندق ادجايا وهو 4 نجوم رايق صراحه في شارع كوتا ..............

عموما النصائح يالغالي هي للاحاطه بعد التجربه ...

اولا : عند الوصول الى جاكرتا وبعد التفيز واخذ العفش الانطلاق الى الخارج والاتفاق مع سائق لكي يوصل الى مقر الجاروده في نفس المطار بس في صاله ثانيه لانها افضل خطوط لطيران احجز ذهاب وعوده عليها وانصح بثلاث ايام لانها بالعربي مدينه اروبيه بحته يعني كلها استراليين وغيرها من الجنسيات الاوربيه ...

ثانيا : انصحك تسكن في شارع كوتا تراه وناسه يعني ابد تمشيه على رجليك .

ثالثا : بعد ما توصل الفندق فيه اكشاك جمع (كشك) ينضمون لك رحل في الصباح وانصحك برحلة القوارب تراها فله ووناسه وفيه كذا رحله بس اهم شئ المكاسره ترى فيه واحد في الشارع اسمه هوكن سعره ممتاز جدا لدرجه انه راح يتمشى معنا في الوكند وخدوم جدا .
ثانيا المطاعم هناك يمكن اكثر من 85 في المئه يوجد بها لحم خنزير فبتعد كل البعد عنها خلك على كنتاكي وماكدنالدز وبس وترى بتشوف مناظر مقززه من الاجانب يعني بالعربي ملط لا تستغرب و الامان فيها على درجه عاليه جدا مرتبه ومنظمه وكل شئ فيها ممتاز , طبعا الاسعار هناك غاليه وعلى فكره وحنا نتمشى عدينا على كذا فندق على نفس الشاطى كانت رائع وسعرها تقريبا في اليوم ب 350 ريال تقريبا الى 400 ريال مع مسبح وفطور صباحا ............
ولا تنسى بعد تصرف فلوس من المطار اذا وصلت وقبل ماتسافر الى بالي وعلى فكره بالي ما تحتاج الى سواق ابد اول ما تختار البرنامج اللي تبغا تروح له في الصباح ياخذون عنوان السكن ورقم الغرفه وفي الصباح يجي الباص الى الفندق وياخذكم الى ماكن الرحله سوء كان قوارب وغوص او اي شئ يعني التوصل شامل مع وجبه غدا وعلى فكره اذا جيت تدفع للبرنامج قله انك تبغى تلغي وجبة الغداء لانها وبكل صراح الله يدوم النعمه شئ يسوم الكبد فأنصحك خذ شنطه صغيره رياضيه وحط فيها اغراض خفيفه يعني مثل كيك او بسكوت وعصير ومويه وبس ............... هذا اللي اقدر افيدك فيها يالغالي اتمنى لك رحله سعيده وبالفعل اللي يسافر الى جاكرتا ولا يروح بالي ترى والله ما شاف شي ولا انسى ترى سعر التذكره ذهاب واياب على الجاروده ب 100 دولار لشخص الواحد ولا انس شئ مهم جدا اول ما توصل الى مطار بالي مر المكتب الخاص لجاروده وقلهم يكدون العوده لانا توهقنا في رجعتنا وقالوا ان الحجز ان لغى علينا بسبب عدم التأكيد ........... دعواتك الصادقه يالغالي وتروح وترجع بالسلامه ................... واسف اذا فيه اخطاء املائيه بسبب الاضاء الخافته في اللوبي الخاص بالفندق ........

بالي جنان والله وانصحك تقعد اكثر ايامك هناك....بلاستفسار عن بالي زور هذا الموقع الرهيب ْ XXXXXXXXXX