arch princess
14-06-2022 - 03:01 pm
مرحبا وشكرا بجد على هالمنتدى الرائع وبدي النصيحة من المواطنين بتركيا
انا مهندسة وزوجي بدمشق حاليا و على اختلاف الاختصاص بنفكر السفر لتركيا اكيد مو سياحة .. المهم لدينا فرصة عمل خياط لزوجي الي هو خياط قبل مايكون مهندس ب 1000 دولار شهريا لدى شخص سوري ....
فارغب الاستفسار عن امكانية الحياة بهذا المبلغ لدينا طفلة فقط 9 شهور واكيد احنا عنا شغل هون ودخلنا معاحوالي 800دولار .... لكن نظرا لظروف سوريا نرغب بالسفر ....طبعا مالنا حدا هنيك واكيد العمل عن طريق زميل لي من هون بيروح وبيجي لتركيا يعني الزلمة كثر خيرو انو يوفر هالعمل مافيني اعتمد عليه ببياقي الشغلات .....احنا مابنعرف تركي يعني انكلش متوسط ....
بدي تصور عن امكانية الحياة بحد المعقول ...متوسط اجارات السكن ....بحالة احتجنا نروح دكتور .....وعن امكانية التكيف مع حاجز اللغة او حتى التعلم وعن امكانية ايجاد فرصة عمل كمهندسين او حتى مدرسة مثلا لتعليم العربية ....ألخ
وهل تستحق التجربة ولا خلاص نصبر هون لربنا يفرجها متنا او عشنا وشكرا ليكم
على العموم 1000 دولار كاف لعائلة بمستوى عدد افرادكم شرط الحرص كل الحرص في الصرف / وهذا يتم باختياركم لشقة متواضعة جدا في نفس المنطقة التي يعمل بها زوجك ليذهب الة عملة ويعود مشيا على الاقدام / حيث سيوفر الكثير // شراء مشترياتكم من احتياجات المنزل ... من البازارات ( مثلكم مثل الشعب التركي ) // الحرص في استخدام الغاز والماء والكهرباء // اما العلاج فهو اخر شيئ يمكن ان تفكرو به لانه رخيص جدا في الدوائر والمستشفيات الحكومية ..