بدر العلي
06-05-2022 - 02:31 am
السلام عليكم ورحمة الله وبركاته ...
بدايتاً أحب أحيي وأرحب بكل الأعضاء والزوار الكرام بأول مشاركة لي بهذه المنتديات الجميلة والمفيدة ,,
أنا متابع من فترة طويلة للمنتديات خصوصاً بوابة السفر لنيوزلاندا واستراليا ولا يهونون الباقين
لكني على مايقولون ( مطفي النور ) يعني متابع بدون مشاركات والحين جاء وقت المشاركة وأنا كنت مخليكم ذخر والعشم فيكم كبير ,,
أنا الأيام هذي ان شاء الله ناوي الهند ,, وتحديداً ( حيد اباد ) لأن عندي مشروع صراحة وناوي مشروع محل اكسسوارات أو بالأحرى معمل اكسسوارات متواضع على قدي يعني ناوي اجيبلي عامل فني اكسسوارات أو ( صائغ اكسسوارات ) ..
طرحت الفكرة على رجال شروى من يقرا شجعني وقال أنصحك انك تروح أنت بنفسك للهند وتجيب الفني بنفسك -تنقيه على عينك- ماأخفيكم جازتلي الفكرة يعني ام ضرابين منها سياحة وتمشية ومنها أضمن العامل أفضل من مكاتب الاستقدام وحركات هالمكاتب اللي مع احترامي ماتخفى على أحد بكره يجيبلي واحد مايعرف كوعه من بوعه وابتلش انا وهالمكتب وياليل ماأطولك ,,
لكن مشكلتي اني بروح على وجهي وبمعنى الكلمة على وجهي يعني ميح ما أعرف عن الهند الا اسمها وبس ...
بحثت في هالمنتدى أنتم ماقصرتوا شرحتوا كل شي عن التسوق وعن بعض المراكز اللي تشترى منها الهدايا لكني مالقيت شي عن هالموضوع تحديداً ..
أبغا منكم لاهنتوا ..
1 - هل فعلاً حيدر اباد مشهوره بهذا المجال أي (الاكسسوارات ) وتصنيعها .
2 - اذا كانت فعلاً مشهورة بهالمجال وين الأماكن في اللي يشتهر فيها هالنوع من الشغل والعمالة الفنيين .
أبغا منكم الله لايهينكم أي معلومة عن هالموضوع ولايبخل علي أحد منكم بأي شي وثقوا أن أي معلومة مهما كانت صغيرة بتفيدني لأني زي ماقلتلكم أنا رايح على وجهي ..
أما موضوع الفنادق والمواصلات وغيرها نجيها بعدين اذا جزمتوني على الرحلة ان شاء الله ومنتم مقصرين بوقتها ..
هذا مع الشكر مقدماً لكل من يشارك ولو بتحية ..
اخوكم : بدر العلي
والسلام ختام
ست زيارات ولا مشاركة ولو بتحية لرفع المعنويات على العموم مازال العشم فيكم كبير وان شاء الله زوار العصر واول الليل يكون عندهم العلم الاكيد ..
محبكم ...
بدر العلي ...