SAWANET
ياهلا سوانت .
انت تقصد بانكوك او بوكت او بتايا او اي منطقة !
عموماً ..
المطاعم العربية للأكلات العربية . .
يمكن الطلب الوحيد اللي اشوف الشباب يطلبونه في المطاعم العربية وفيه بحري هو ( مطبق زبيدي )
والا كبسة ربيان
لاكن تروح الى تايلند ، وتكون وتكون موجود في جزيرة وتاكل بحري من مطعم عربي حرام .
عندك المطاعم البحرية منتشره على طول شاطئ الباتونق بيتش في بوكت .
وكلها طازجه تختار الصنف اللي تبيه وطريقة الطبخ ويسوونه لك .
بالنسبة للبوفية .
ماتشوف معي ان البحري الافضل انه يكون ( طازج ) ويتم طبخه بعد الطلب !!
يعني بحري وموجود في بوفيه ، فقد نصف لذته .
بالنسبة للأسعار تختلف حسب ( الصنف ) والوزن ، وطريقة الطبخ والاسعار من متوسطة الى مرتفعه
هذا فيما يخص المطاعم المتخصصه في بوكت .
هذا مجرد رأي ، وانشالله بقية الاخوان يفيدوونك اكثر .
كل التوفيق

سلام Sawanet
باالنسبه للاكلات البحريه في تايلاند بشكل عام في الشارع الليلي والسعر حسب الوزن اما الطعم فلايقاوم وعليك بصحن sea food with garlic ولا تنسى توميام كونج

تايلند وخصوصا بتايا من افضل المطاعم البحريه في العالم وعليهم طريقه في شوي اللوبستر والربيان والقباقب محد يعرفها
السعر على حسب الوزن مثلا تدخل المحل وتشوف بوفيه السمك والربيان في شي طازج ( حي ) وفي شي على الثلج وعليه السعر بالغرام انت تختار اللي تبيه وتوزن وبعدين تقوله على طريقه الطبخ مشوي ولا مقلي ولا بقسماط انت وبكيفك لكن اسعارهم رخيصه نوعا ما او مقاربه للمطاعم العربيه اللي غاليه على غير معنى

sawanet والله مثل ما قالولك الاخوان
حرام تاكل من مطعم عربى اكل بحرى - غالى- وفى قاعده أمشى عليها بتايلند
كل ما زادت كشخه المطعم , كل ما زاد سعره , لا تناقش فى هالموضوع , أذا تبى عيش - رز- وانت فى بتايا
عندك مطعم زهره الخليج و بو عبدالله الكويتى
لكن أذا تبى اكل بحرى أصلى بدون عيش - رز - من جميع الانواع البحريه فى ك ل- خزق - راح تحصل مطعم بحرى
حتى أصحاب البسطات - العربانات المتنقله - اكلهم البحرى نظيف , و شرط تشوف كل شىء قدامك حى و يحطه على النار لا تخاف , أصلا هذى متعه تايلند عيش مثل ما هم عايشين

الاكل البحري في المطاعم العربية اغلى
لانه يسويها لك حسب الطريقة العربية بالخلطة المعروفة
انا افضل الاكل البحري حسب الخلطات العالمية !!
نوع من انواع الاستكشاف والمغامرة !!