حسب معلوماتي ان الفيزا مش كثير
الافضل التصريف قبل السفر

مشكور بس يرايت تفيدنا اكثر

شوف انصحك تسكن في فندق الفرات بمشهد
الفندق رخيص ونظيف واهتماماتهم كبيره
المانجر للفندق اسمه يعقوب ايراني يتكلم عربي .. انسان محترم وحبوب .. انصحك فيه وبقوه والله ..

سلام أخي !!
هل راح تقضي الفتره كلها في مشهد؟؟
وين بتروح ويين محطاتك
مشهد السكن ما تعور راسك فيه
تقريبا متشابه ( نظيف - رخيص - موقع حلو )
آخر سفره كانت في بداية شهر ديسمبر الحالي 2009 يعني توني راجع من إسبوعين
سكن في فندق إسمه شاد توس
السكن حلو ونظيف .. عبارة عن غرفة وصالة ومطبخ وحمام ب 40,000 ألف تومان يعني = 16 دينار بحريني
طبعا السعر لليلة
جنبه فندق حلو بعد إسمه وصال بتشوف نفس المواصفات ب 30,000 تومان يعني = 11 إلى 12 دينار بحريني تقريبا
هالأيام السكن فوق شوي لكن في الفتره الجاية يوصل لنصف السعر وأقل
شخصيا أنصحك بما إن المدة كبيره وطويلة
قم 4 ليالي - تزور إصفهان ليلتين تطلعها من قم بالسيارة ساعتين ونصف
طهران يوم أو يومين ولا تنسى تروح حديقة آب علي الثلجية ( جنان ) - وباقي المدة تقضيها في مشهد
هالوقت الجو راح تلاقيه برد وثلوج فأحذر وجهز حالك عدل
هنيالك ,, ولا تنسانا هناك

تسلملي يا سفير الروح تقريبا اليله بكم

يا ابن الهدى الصراحة مشركتك مره اثلجة صدري الصراحه انا كنت شايل هم السكن
الف شكر الك
بس مادري اذا تقدر تعطيني فكره عن الاكل والمواصلات بعد اذا فيه مجال وطبعا انا بقضي اقلب الفتره في مشهد

msn2008
آسف على التطفل
اذا تبي اكل ممتاز ونظيف عندك فندق نور في شارع خسروي مطعمهم راقي،
في مطعم لا باس فيه في فندق رضوان قريب من فندق شادتوس
قبل اسبوعين كان اجرة غرفة وصالة 30 الف تومان في فندق شادتوس
وفي فندق النبي 20 الف للغرفة بس ازعاج
في مشهد ما تحتاج مواصلات
لأن طرقبة و شانديز باردة جدا
والباقي قريب
اي تاكسي يوصلك ب 2000 او 3000 تومان للمشاوير البعيدة نسبيا
الماس شرق 2500 تومان
مجمع بروما 2000 توكان
مجمع سيز خاور 1500 تومان
حديقة كوه سنجي 2500 تومان
خذ لك كاش احسن واصرف عند واحد اسمه صفا قريب من فندق امير كبير عنده بقالة صغيرة يبيع حلويات وزعفران فقط

سفير الروح
فندق الفرات ممتاز سكنته قبل 3 سنوات بس بعيد نسبيا

أخي أحمد عايش
ما شاءالله عليك شكلك ساكن في مشهد خ
أنا أختلف وياك شوي
إنت تخصص شغلات معينه تخلي الشخص بالذات إذا كان أول مره يسافر ,, يحاول يطبق إلي إنت نصحت فيه
وهذا صعب أكيد
المعلومة المفيدة على حسب تقديري المتواضع هي أن تكون عامة
فالفنادق في مشهد عد وإنسى
المطاعم تعاني منه المنطقة كجودة
التكاسي فيه اللي يتضرب وفيه إللي يصدق
لكن كل هالأمور تخلتف على وضعية عدد الزوار للمنطقة ( موسم أو غير موسم )
خذ لك كاش احسن واصرف عند واحد اسمه صفا قريب من فندق امير كبير عنده بقالة صغيرة يبيع حلويات وزعفران فقط
ههه عجبني لكن الوصف