هلا الشيخ
بخصوص الصرف توني مكلم واحد بتايلاند
يقول 100 دولار = 3550بات
يعني نزل الدولار اشوي
بخصوص الشحن القطريه المشكله مافي امل يسامحون بالوزن المسموح فيه
يعني تدفع تدفع
افضل طريقه انك تشحن من هناك
عندك مكاتب بالحي العربي للشحن
الله يوفقك ان شاء الله

تصرف اكيد دولار افضل ثم تحولة الى بات
وتصرف بالمطار لليكفيك وبعدين من داخل بانكوك
والشحن عادي جدا المكاتب ياكثرها والكيلو رخيص عادي جدا
تحياتي

يا مرحبا بك اخي
بالنسبه للصرف اصرف جم بات يعني اصرف 100 دولار بات حق التاكسي واي شي ليوم الوصول
وباقي الفلوس اصرفها كلها دولالالالار اضمن لك ومن توصل هناك اصرف على دفعات بات يوم يصعد الدولار عندهم يوم ينزل ولا تنسى يوم العطل الرسميه ينزل الدولار ويصير الصرف اقل فاحسب حسابك قبلها بليله اصرف ليكفيك
وبالنسبه حق الشحن في مكاتب شحن وايدمن تروح شارع العرب شارع نانا على قولتهم تلقى مكاتب شحن جوي وبحري ليسنه البحري على مايوصل وانت عاد اخذلك جوله على المكاتب وشوف جم يحسبلك الكيلو وجم ياخذ عموله المكتب والسعر اللي يناسبك اتفق معه وقبل لا ترد الديار بيومين ارتب الحقائب ودق عليه او روح للمكتب وعطه مكان سكننك واهو اييك ياخذ الحقائب منك وبعد يومين 3 ايام يوصلون بس يوم اللي تبي تتفق مع المكتب اخذ جوازك وياك
وشكرا

انصحك يالغالي تسحب بالبطاقه
ولكن سحب قوي يعني 30 او 40 الف بات
لان كل سحبه لها عمولة
ولا دولارات من فئه 100

سلام ياعيونه
تسلم يالدولار ويادولي 9 على المعلومه والنصيحه القيمه
اختي الليمونة تسلمين على الرد بس انا ماوضح عندي كلامك بخصوص البحري والجوي ايهم افضل ؟؟
وهل اشحن اغراضي قبل اطلع من بانكوك بيومين؟؟ طيب انا توني ماخلصت تسوق في هالليومين والحل؟؟
اخي كرابي فكرتك حلوه بخصوص السحب من الصراف تسلم على ردك

اخوي اقصد الشحن البحري والجوي في ناس اصحاب التجارة وكميه وايد اتكون كبيره هم اللي يشحنوها بالبحري
بس انت اكيد مو وايد عندك اغراض كم الحقيبه جوي يشحنوها لك جوي اقول قبل يومين اامن لك حتى اذا صار شي الا انت موجود بالديرة وبعدين الوزن اللي عندك حق الطائره اشحن فيه باقي مشترواتك اليومين اللي بتقعد فيه حتى ملابسك اللي يايبهم معاك خلهم مع الشحن وخلي لك كم القطعه لها اليومين
وشكرا

سلام ياعيونه
اختي الليمونه تسلمين على هاللخطه الحلوه وان شاء الله راح طبقها بالحرف

عفوا عفوا عفوا والله تستاهلون كل خير يا اعضاء
والله انا مسويه نفس ماقتلك ضبط نفسك وجهز الحقائب واكتب اسمك عليهم واقفلهم وقبلها انت ما خذلك جوله على المكاتب الشحن ومن ثم اييك السايق ياخذ الحقائب والفلوس ومن توصل ديرتك الا اهم واصلين ان شاءلله واخذ معاك اذا صار عندك وزن زايد حقيبه هاند باق داخل الطائره واترسها الثقيل بس مو زيوت وصابون ولا الات حاده ممنوع
وشكرا

سلام ياعيونه
طيب عندي استفسار يالليمونه (معليش امون بسرعه)
بالنسبه للأمان هل هم جيدين ؟؟؟
معليش انا وسواسي واسئلتي واجد