نصيحتي لك روح على الإتحاد
وشلك والسيرلانكية علما لم يسبق لي تجربتها
بس مجرب الإتحاد

انا جربتها الى كوالا .... والله انواع القرف من السرلكنيه .. وتطليع اكتاف المضيفات !

اخي ابو سارة الخطوط السرلانكية ماتوصل جاكرتا تصل الي سنغفورا وبعدها يركبونك على اي خطوط لي جاكرتا هذا على حسب علمي والله اعلم

اذكر قبل خمس سنوات ذهبت احجز لجاكرتا , انا متعود اسافر لأي دوله على خطوطها الوطنيه او على السعوديه , لكن احيانا لإندونيسيا اذا كنت مواصل بالليل في المكتب اطلع على الكويتيه علشان انام من الظهر الى الليل بفندق بالكويت على حساب الخطوط الكويتيه غير الوجبات الدسمه , واحيانا على الأماراتيه قبل ما تشتغل الأتحاد طبعا .
المهم نويت اسافر وكان الوقت موسم وانا طبعا طالع لشغل ما هو لسياحه , علشان كذا يهمني الذهاب في وقت معين لأجل معرض هناك كنت لا زم احضره , موظف الحجز اللي انا عميل عندهم من سنين فرفر في الكمبيوتر يمين شمال يدور لي حجز مالقى , المهم فجأه والا هو يقول لي ليش ما تروح على السيلانيه ؟ طبعا انا رفضت رفض قاطع لمعرفتي بحال سيرلنكا وشعبها , لكن الموظف اصر علي وقال هذي نصيحه مني المهم وافقت ورحت المطار المهم هي توقف في كولمبو في الروحه والرجعه ايضا في كولمبو لكن لأن الرحله بالليل فيسكنونك في فندق , الصراحه طيران فخم للغايه وليس كسمعة الشعب المسكين اللي فهمته ان ادارة السيلانيه في ذلك الوقت كانت للخطوط الأماراتيه وان لهم اي الأماراتيين نسبه في اسهمها لكن خدمه لا توصف واحترام لا يقارن شهادة حق ( اما الفندق فكان جنه من جنان الأرض بجانب البحر والرمل ابيض كأنه الورق واللي يثيرك السناجب بكثره على شاطيء الفندق وهي تقفز من شجره الى اخرى او على الطاولات والمضلات المنتشره على ذلك الشاطيء طبعا لم اشاهد الا اوربيين متبطحين على ذلك الشاطيء الخاص بالفندق ( كان من حظ الشغالات اللي رايحات للخليج على الأقل يوم راحه واستجمام في ذلك الفندق وعلى الشاطيء )
الكلام له حوالي تقريبا خمس سنوات او زود , الحين ما ادري هل يوصل لجاكرتا وهل لهم نفس الرحله مع السكن في ذلك الفندق البحري الفخم ؟؟ الله اعلم

طيب بالله أفيدونا أكثر ياأخوان
يعني من ناحية الخدمة ؟ وش الي تشمل
وهل تصلح للعوائل؟ من ناحية وجود الخرابيط والمحرمات
والنظافة كيف؟
لاني انا بعد اسبوعين طالع عليها ان شاء الله

نتنمى لكم رحله سعيده