حياك الله يالغالي ,, ونصيحتي لك ابعد عن المكاتب لانها بتضربك بالاسعار ,,
ولو تروح هناك وتاخذ معاك اسماء الفنادق او الشاليهات وتحجز من المكاتب بالمطار او من نفس الفندق بيكون ارخص من عندك هنا ,,
وخذ عندك موضوعين لمشرفنا الغالي " سفير الشرق "
https://artravelers.com/p/re/142409
ولفه صغينونه على رحلات الشباب وماشالله ساحة تايلند من انشط الساحات بالنسبة للتقارير

حبيبي لو تبي تروح لاتحجز من المكاتب كل المطلوب بطاقة فيزا وكل شي سوه من النت
راح توفر نص المبلغ
ولو بغيت مساعده انا حاظر
وبالنسبه للرحله 14 يوم
قسمها حسب رغبتك
بانكوك: عاصمة التسوق وكلها اسواق وزحمه تستاهل حسب رايي 3 ايام
بوكيت : افضل مدينه في تايلند حسب رايي جزيره حلوه وتقدر منها تطلع رحلات الى جزر البي البي ايلاند وجمس بوند وكرابي
كلها جزر تطلع لها رحلات يوميه من الصباح والرجوع الساعه 5 ممتعه جدا
وانصحك عدم السكن على الباتونق بيتش واقصد على الشارع الرئيسي يعني انت اسكن قريب من الباتونق لان اذا سكنت على الشارع ازعاج
شنغ ماي مدينه جبليه قمة الطبيعه فيها مريحه جدا من ناحيه المناظر الطبيعيه ويوجد بها شلالات ومنطقه بارده نسبيا عن بانكوك وبوكيت
كوسوماي جزيره يقل فيها التايلنديين ويكثر فيها الاجانب جزيره حلوه ولكن غاليه شوي
واي خدمه انا حاظر

بما انك تبيها سفرة بحرية فراح نلغي شانغ ماي من الحسبة مع انها منطقة جديرة بالزيارة
راح اعرض عليك مجموعة من الجزر وخلينا نبدي من الأفضل
1: جزيرة بوكيت ( رحلات استكشافية ورحلات غوص وسباحة وتمشي وتسوق )
2: جزيرة ساموي ( أهدأ من بوكيت وتتميز بكثرة منتجعاتها وفنادقها وفخامتها )
3: كوه شانغ ( تتميز بشواطئها الخلابة وصفاء بحرها)
4: كوه لان (للذهاب اليها يجب المرور عبر بتايا ( منطقة الشباب والعزوبية)!!
5 : كوه سيميت (جزيرة صغيرة جدا للباحثين عن الخصوصية ويخيم فيها الهدوء والسكينة بعد الساعة 9 مساء)
6: كوه تاو (وتفع بالقرب من جزيرة ساموي)
اما تقسيم الايام فالامر راجع اليك يا سيدي الفاضل
وسلامتك وتعيش

السلام عليكم
اخوي اذا كنت منت راعي هدايا ومقاضي انتبة تروح بانكوك
انواع الزحمه والقلق مافيها شي
خللك في فوكيت . . واذا تحب الرواقه اسكن بشاطى الكاتا .. شاطى هادى ورمانسي
الجزر جيمس بوند الفي في والسفاري ..
وانتبة تروح بتايا ... منطقه عزاب بس ..
واذ تبي رقم مكتب في فوكيت احنا حاضرين .. تسئل من الان وتتاكد

مسرع بشويش
ZERO X
twety2003
niz.niz
الله يعطيكم العافية وماقصرتوا
أن شاء الله قررت يكون البرنامج بعد الوصول ل تايلاند
3 أيام بتايا
4 أيام شنق ماي
4 أيام بوكيت
3 أيام بانكوك
المجموع 14 يوم
وبعد كلام الشباب عن فرق السعر بين المكاتب هنا ومكاتب تايلاند قررت احجز من بانكوك بعد الوصول
وعلى كلام واحد من الشباب ان في منطقة (( نانا )) العربية يوجد محلات سياحية ترتب التذاكر الداخلية
وترتب حجوزات الفنادق ياليتكم والله تساعدوني بأسماء المكاتب هناك وعناوينها او ارقام تلفوناتهم
بس الي ابي اعرفه الحين هل أحد منك جرب هالشي بنفسة وهل الي تم الاتفاق علية في مكاتب
تايلاند صار او فيه تلاعب وغش
والنسبة ل كلامك اخوي (( مسرع بشويش )) انو انت معامل مكتب في بوكت هل يفرق عن مكاتب بانكوك
من حيث الأسعار ؟؟
وصراحة انا احترت كثير وخاصة انها بتكون مغامرة أني اروح للديره أول مره بدون حتى مااحجز ولا فندق

وينكم ياشباب محد رد !!!!!!!!!

اخوي بالنسبه لسكن تطمن السكن متوفر هناك
في بوكت عندك فندق الهوليدي ان جميل ومكانه استراتيجي وعندك فندق غريس لاند موقعه قريب من مطعم دبي
احجز من المطار ترى مو غالين ارخص من لما تروح لفندق دايركت انا مجربها
اشوفه انه 4 ايام في شنغ ماي كثير عليها
بتايا ماشوف انها تصلح لعائله
والراي الاول والاخير لك
واذا في استفسار انا حاضر

ياليتكم والله تساعدوني بأسماء المكاتب هناك وعناوينها او ارقام تلفوناتهم
ماشالله عليك يالغالي ,, المكان ودليته ,, وراح تلقى المكاتب بجنب بعض ,,
تلقاها في الشوارع الداخلية في منطقة العرب ,,
بس الي ابي اعرفه الحين هل أحد منك جرب هالشي بنفسة وهل الي تم الاتفاق علية في مكاتب
تايلاند صار او فيه تلاعب وغش
انا جربت مكتب في بتايا ,, وفي بوكت ,, وعلى فكره ,, وانت جالس عندهم يدقون على الفندق ويشيكون إذا فيه امكانيه او لا ,, وراح يعطيك الفاوتشر بعد ماتتفقون ,,
بس النصيحه تاخذ اسماء للفنادق وماتاخذ على عماك .. زي ماسويت لما حجزت من بتايا لفندق في بوكت ,, وطلع الله بالخير ,,
وصراحة انا احترت كثير وخاصة انها بتكون مغامرة أني اروح للديره أول مره بدون حتى مااحجز ولا فندق
يابن الحلال ,, انا لما رجعت لبانكوك من بوكت وكنت متكل على احد الشباب يحجز لي في بانكوك ,,
وماكنت اعرف عن المنطقه اللي ابغاها إلى " نانا " ومشت معي والحمدلله ,,
ولا فيه اي مشاكل ان شالله ,,
ورحلة موفقه ان شالله ,,