وعليكم السلام ورحمة الله وبركاته
بخصوص السؤال الثاني عن كيفية استخراج بطاقة الفيزا وكم يستغرق اخراجها؟؟
في مصرف الراجحي تستطيعين طلب بطاقة فيزا ( شحن ) اسمها فيزا تسوق وهي مسبقة الدفع واخذها بنفس اليوم
اذا اردتي ان تكون حروفها مطبوعه او تاخذينها بعد خمس ايام وتكون حروفها محفوره والفرق بين الحروف
المطبوعه والمحفوره ان هناك بعض الدول لاتقبل الا الفيزا المحفوره والي تكون حروفها بارزه .. اذا حبيتي تاخذين
الفيزا المطبوعه وهي الفوريه وكنتي بالرياض زوري مصرف الراجحي فرع الربوة النسائي مخرج 15 لديهم طباعه فوريه
واذا اردتي الفيزا المحفوره راجعي اي فرع يقوم بطلبها لك من الاداره وتستليمنها بعد 5 ايام .... اتمنى اكون افدتك واي
استفسار لك او للاعضاء يخص مصرف الراجحي انا جاهز

بالنسبه لبطاقة الكترون العاديه تستخدم للسحب فقط
اما بالنسبه للحجوزات الفندقيه والطيران وسيارات الأيجار وأي شي أون لاين وحتى المشتريات في بعض مراكز التسوق .
فمالك اللا البطاقه اللي ذكرها الأخ علي .. وهي ( فيزا تسوق الراجحي ) - (visa taswaq) ونصيحه تاخذي المحفوره أضمن
ومن مميزاتها أنك تغذينها بالنقد في أي لحظه بأتصال هاتف مصرفي وتحولين من رصيدك الجاري الى حساب فيزا - سهله كأنك تسددين فاتوره .

طيب يا شباب بطاقة مصرف الانماء
اللي هي تكون بطاقة صراف و فيزا بنفس الوقت
انا دايم اشتري منها في موقع امزون
بس على قولتهم ماهي فيزا كامله
هل يمشي وضعها

جزاكم الله خير ماقصرتو ..

نصيحة اذا ماعندكم مكتب لفيدكس لا تقدم على محفورة شوفني لي اكثر من اسبوعين مهاوشة انا وبنك الراجحي بسبب فيدكس تخيل يدق عليه ويطلب العنوان يوم يعرف ان مافي مكتب لهم قال لي بنعيدها للبنك ونكتب العميل خارج نطاق خدمتنا صدقتة ويوم اتصلت على البنك استفسر عنها قال موجودة وافادو شركة فيدكس انه تم الاتصال على العميل ولم يرد وخبرتة بالسالفة قال موظف البنك ملزومين يوصوهل لحد العميل في اي مكان ورجعوها لفيدكس واعطيتهم العنوان قالوا خلاص يومين وهي عندك وشوي يدق هندي تعال استلم بطاقتك من مكان يبعد عني اكثر 250 كلم وكلمت البنك ومافي فايدة
واسف على الاطالة لكن حبيت انبهك شوفني الى الان ماحجزت طيران داخلي ولا فنادق ومضطر احجز مع مكتب سياحي واكرر اعتذاري علط الاطالة

فيدكس ملزم يوصل الطرد الى العميل طالما بينه وبين البنك أتفاقيه
و في أي مكان حتى لو لم يكن لديهم مكتب في القريه الفلانيه
فالمكاتب الأصل الأول فيها الاستلام وليس التسليم
تستطيع ان تطالب بحقك للرفع ضد مكتب فيدكس .
أما انك تتنازل عن البطاقه المحفوره علشان هالسبب .. هذا غير منطقي أو مقبول
تترك مزايا مهمه ومصيريه لبطاقة فيزا قد تتعرض بسببها للمشاكل خارج وطنك وبعدها وش ينفع الندم
عقب ما يقع الفاس في الراس .

انا بطاقتي
تسوق من الراجحي مطبوعة وأستخدمها في كل شي
مشترياتي من أي دولة
وبكل سفراتي ماواجهتني أي مشكلة

خلني أمر
الحمدلله انك ما تعرضت لمشاكل
بس ترا المعلومه الاصليه مصدرها موظفوا خدمة العملاء لبنك الراجحي .
( الفرق بين المطبوعه و المحفوره )

يمكن توفيق من الله عشان كذا ماواجهت مشاكل
بس غريبة يكون في فرق والبنك يدري بالفرق ويطبعونها للناس
مع العلم اني قبل شهرين استخدمتها في حجز 3 فنادق 5 نجوم في دبي
والعام الماضي استخدمتها في حجز 3 فنادق تركيا منهم فندق هيلتون 5 نجوم وفندق wow 5 نجوم
ومعروف ان فنادق الخمس نجوم تدقق كثير
ولا واجهت اعتراض
عموما اذا كان صحيح يوجد فرق فالواحد ياخذ احتياطه افضل ويطلب محفورة
ملاحظة: ( معلوماتي كلها من خلال تجاربي الشخصية )