قشطة التاج
05-03-2022 - 06:25 am
السلام عليكم
معليش بنزعجكم بس ودي استفسر عن الأماكن بتركيا لانو باذن الله بنسافر على بداية العيد بشوال على استنبول وودي لو أحد يتكرم ويقولي الأماكن الكويسه عندهم والاشياء التاريخيه
وكيف الجو بذاك الوقت .. كمان أحب اعرف لو لبسنا العبايه السودا هل بيستكرونها ولا يبيلنا نلونها .. وكيف تعاملهم مع العرب .. وهل فيه ناس تتكلم عربي وهل الانجليزيه عندهم تمشي ولا بس كلامهم !!
والله يعطيكم ألف عافيه
بالنسبة للاماكن الجميله في تركيا كثير جدا وتعتمد على حسب المناطق اللي حابين تزورونها ..
عموما تفضلي هذا الرابط بيساعدك كثير ان شاء الله :
https://artravelers.com/p/re/384418
وطبعا والاهم اطلعي على تقارير الاعضاء واستفيدي منها واجمعي المعلومات اللي تعجبك لانها مدعمه بالصور
وبالنسبة للعبايه لاتشيلين همها ان شاء الله لان هناك فيه عرب كثير ( سياح ) والاتراك تعودوا على شكل العبايه ومايستغربونها ابدا .. الا بالعكس يقدرون المرأه اللي تكون بعبايتها وزيها لاسلامي ويحترمونها اكثر ..
واللغه في اسطنبول بتلاقين قليل يتكلمون انقلش بالاضافه الى موظفين الرسيبشن بالفنادق ... اما الباقي مايعرفون الا التركي .. يعني اما اتكم تمشون بالاشاره او تستعينون بشخص تركي يعرف عربي ,,
وبالتوفيق اختي ,,