فيزا بنكية بالاضافة لرخصة قيادة سارية المفعول ,
وانصحك بموقع
https://www.bookingcar.com/car-rental/car-reservation.htm
موفقين , , ,

اخوي aziz20012001
ياليت تطرح موضوع جديد عن ايجار السياره بلوس انجلوس
اسعارها التقريبيه
انواع وفئات السيارات واسعارها
المتطلبات
نصائح
المواقف والمسارات وهكذا يعني تطرق بشكل كامل وتفصيلي
راح تفيدني انا بالاول وتفيد كثير اعضاء وانت ماشاء الله لك خبره وتجربه بهالمجال ولا فيه احد اكفأ منك بهذا الطرح
فقل تم....

التقرير شامل. وفية كل المعلومات....انواع السيارات تلاقيها باول التقرير تحت العنوان جدول وصور!!!!!!....الاسعار تختلف كل فترة ..ممكن مثلا تحصل سيارة ب 20 دولار باليوم وبعد شهر نفس السيارة تحصلها ب 40 دولار باليوم....كلة يعتمد علي سياسة الشركات والمواسم وكمية الحجوزات عندهم ...العرض والطلب
لازم تتاكد من مواقع الشركات بالانترنت قبل لاتسافر بشهر مثلا وتحجز...ادخل علي موقع اي من الشركات وشوف الانواع ( فية صغيرة ووسط وكبيرة وفخمة وميني فان ورياضية )والأسعار للفترة اللي انت مسافر فيها واعمل مقارنة بين الشركات واختار المناسب لك....الموضوع جداً بسيط ...والحجر من الانترنت سهل جداً والشركات لايطلبون كردت كارد لعمل الحجز..فممكن تعمل مثلا 3 حجوزات من ثلاث شركات بالانترنت وهم فقط يطلبون الاسم والًايميل وراح يرسلولك تأكيد الحجز....تاكد انك قبل لاتسافر تلغي اثنين منهم...وماكو مشكلة اذا ما لغيت!
من الشركات التي تعتبر رخيصة. ناشونال.... والمو.... وانتربرايس
انا ممكن اساعدك باختيار الأنسب والارخص
انت متي رايح بالضبط؟ ومن وين راح تستلم السيارة ومن وين راح تسلمها؟؟وانتوا كم واحد؟ هل تبي ارخص شي او تبي شي معين؟؟

اولا يعطيك العافيه على ردك واهتمامك
هي امور واستسفارات ربما تكون مضحكه لدى البعض لكن بالنسبه لي فهي تؤرقني !!
اولا الرحله راح تكون مابين فبراير وابريل الجاي
المدينه لوس انجلوس وماراح اتعداها
راح اكون ساكن بالمونتاج بيفرلي هيلز واخر الايام راح اكون بالمونتاج لاقونا بيش
السياره اللي ببالي استاجرها هي رانج روفر لان رجلي تعودت عليها ولا اقدر اسوق غيرها وفوق هذا فيه اماكن بعيده تتطلب مني ان السياره اللي معي تكون جيب فبغيت اعرف وين ممكن احصلها؟ وكم ايجارها باليوم او ايجار لمدة اسبوعين انا راح اكون متواجد هناك مدة 20 يوم
المواقف بالشوارع خاصة بهوليوود وبيفرلي هيلز
هل هي مجانيه يعني من سبق لبق او بفلوس او فيه مواقف تحت الارض
عادي تكون معي رخصتي السعوديه الساريه ولا ضروري رخصه دوليه
اشتري غارمن من هنا واركبها بالسياره اللي راح استاجرها عادي ولا هم عندهم غارمن جخاص في السياره وجاهز فمدري وش الوضع بالضبط صراحه !!
وفقط وسلامتك
واذا فيه اي ضوابط ونصايح اخرى فلا تبخيل علينا لان تعرف امريكا يبغالها تخطيط من بدري وفوق هذا احاول اتخلص من كل الامور اللي ماقرتني فيما يتعلق بالمواصلات هناك لاني ماتعودت اسوق بالخارج لكن لوس انجلوس ضروري الواحد يكون معه سياره ولا ماراح ينبسط والتكاسي سلخ

السياره اللي ببالي استاجرها هي رانج روفر لان رجلي تعودت عليها ولا اقدر اسوق غيرها
تبي تاجر رينجر ووفر وتقول ان التكاسي سلخ وتسال عن اذا المواقف ببلاش او بفلوس!!!؟؟؟
اخي العزيز. اللي ياجر سيارة بمستوي الرينج ووفر ماتهمة تكاليف المواقف وخلافة.....علي العموم الرينج روفر. تقدر تاجرة من الشركات اغلبها ... انت بس دور تدور بالانترنت وإنشاء اللة تلاقي

1. ثانيا


2. ثانيا بخصوص القياده


3. لدي اكثر من نصيحه من تجربه شخصيه


4. بالنسبه بهوليوود انصحك بإيقاف سيارتك في مواقف خلف هاي لاندر وميزتها


5. مواقف امنه مدفوعه بعيده عن الشارع


6. طريقةالمواقف كالتالي

حياك ثامر وبما ان اسمك مثل اسمي راح اتحمس اكثر ولا يهون باقي الشباب
بالنسبه للرخصه السعوديه الجديده فهي كافيه التي مكتوب فيها الاسم بالانجليزيه وانا الصيف هذا استأجرت في فلوريدا ولوس انجلوس بالرخصه السعوديه

ثانيا

بالنسبه لايجار سياره قد تستأجر عن طريق الانترنت مثل اكسبيديا اوربتز او غيرها وان كنت اعتقد ان الرنج متوفر في الشركات الكبيره مثل افيز وهيرتز ولا يوجد لدي الكثير من المعلومات بخصوص هذه السياره فلم استأجرها سابقا ولا ابحث عن هذه النوعيه من السيارات
بالنسبه لمطار لوس انجلوس لو راح تنزل فيه فبعد ما تاخذ شناطك راح تخرج من البوابه وتشوف باصات مكتوب عليها اسماء شركات الايجار تلف وكل شوي توقف وطبعا غرضهم انهم يوصولونك الى مكتب الشركه الي في الغالب هو خارج المطار طبعا التوصيل مجاني ويختلف بعد كل شركه عن الاخرى واذا رجعت السياره راح يرجعونك الى المطار بس تقول لسواق الباص اي شركة طيران انت مسافر عليها هذه بخصوص كيف تجد مكاتب شركات ايجار السيارات

ثانيا بخصوص القياده

لدي اكثر من نصيحه من تجربه شخصيه

اولا: امسك مسارك ولا تتنقل كثيرا بين المسارات حتى عندما يلتف الخط حافظ على مسارك فلا تكبر اللفه ولا تقصها واسرع في اي مسار وتجاوز من اي مسار طبعا السرعه في الحدود المسموح بها وان كنت ارى ان الامريكان خصوصا في لوس انجلوس يسرعون فوق السرعه القانونيه بقليل
ايضا التجاوز من اليمين او اليسار كله واحد فلا ينبغي ان تذهب الى المسار الايسر لكي تتجاوز فقط الزم مسارك واترك مسافه بينك والسياره التي امامك.
حدد مسارك قبل الاشاره والخروج من الخط
في الاشارات راح تشوف اسهم على الارض فيها سهم الى اليمين في المسار الايمن يعني انك يجب ان تلتف يمينا طبعا بعد ما تتوقف كليا
وفيه مسار للأمام يعني يجب عليك ان تقف في الاشاره واذا فتحت عليه بالتحرك الى الامام ولا تذهب نهائيا الى اليسار لأن هذا مخالف للقانون ويقد يعرضك للغرامه والسجن لمده تصل الى اشهر
في المسار الايسر هناك سهم الى اليسار على الارض يعني يجب عليك الاتجاه يسار وعليك ملاحظة التالي
اولا في لوس انجليس هناك نوعين من الاشارات الخضراء للمتجه يسارا عند الاشاره وهي
1- اشاره خضراء مستديره وتعني ان عليك التوقف ولا تتحرك حتى تتحرك السيارات في الجهه المقابله وبعد ان تنتهي السيارات في الجهه المقابله تستطيع التحرك حتى لو فتحت الاشاره واقفلت وانت لم تتحرك .
2- اشاره خضراء مع سهم الى اليسار وهذه تعني بإمكانك التحرك لليسار مباشره مثل في السعوديه عندنا.
بالنسبه للطرق السريعه وياكثرها في لوس انجلس اذا كنت بتخرج في المخرج التالي وجهاز الملاحه اعطاك مسافه لنقل 1 ميل للمخرج يجب ان تكون في المسار الايمن مع ملاحظة ان بعض المسارات في اليمين تتطلب منك الخروج من اول مخرج وستجد عباره right lane must exit
اذا توقفت في تقاطع وهناك لنقل سيارتين خلفك ومجموعه من السيارات في الجهه المقابله فالعرف كالتالي :
تتحرك سياره من كل جهه اي انت تعبر فتعبر بعدك سياره من الجهه المقابله ومن ثم سياره من جهتك وهكذا
في بعض المداخل الى الطرق السريعه في لوس انجلوس هناك اشارات تفتح ومن ثم تقفل ووستجد تحتها مكتوب سياره واحده لكل اشاره خضراء فتنبه لذلك
الداون تاون فيه بعض الطرق اتجاه واحد فكن على بينه لأن عكس شارع في وسط لوس انجلوس قد يحدث لك مشاكل كبيره

بالنسبه بهوليوود انصحك بإيقاف سيارتك في مواقف خلف هاي لاندر وميزتها

مواقف امنه مدفوعه بعيده عن الشارع

ثانيا متصله بهاي لاندر , والذي بجانبه كوداك ثياتر وهي التي تحصل فيها جوائز الاسكار وهو على شارع هولييود بوليفارد الشارع الرئيسي في هوليوود اضافه الى ان بعد كوداك ثياتر هناك متحف الشمع ويمكنك زيارته وايضا تحت هاي لاندر هناك محطة مترو تستطيع منها الذهاب الى يونيفيرسال استديو حيث يجب عليك اخذ الخط الوحيد باتجاره شمال هوليوود محطه واحده وستصل الى الاستديو ومن ثم تعود بعكس الاتجاه اي باتجاه داون تاون على نفس الخط ,

طريقةالمواقف كالتالي

لما تدخل تضغط على ازرات فتفتح لك البوابه ويطلع لك تذكره تخليها معاك في مخباك
وانت خارج من السوق طبعا الهاي لاندر راح تجد مكائن اليه تدخل فيها التذكره وتدفع سواء بالفيزا او الكاش فهي تقبل كاش وتطلع لك تذكره وتاخذها وعند الخروج بسيارتك تدخلها في الجهاز قبل البوابه وتفتح لك البوابه
ان شاء الله كان ردي مفيد واذا بغيت شي لا يردك الا لسانك

عزيز2001
ليش كذا كانه حامت كبدك من السؤال!! انا شكيت على كذا موقع ماشفت سيارات رانج روفر كلها امريكيه
على العموم ماقصرت
ابو نواف القرشي
ياجعلك تسلم قل آمين ويوفقك
ردك صراحه خوفني من السواقه هناك
طيب القارمن مافيه امكانيه انه مثلا يساعدني اثناء السواقه يعني متى الف يمين ومتى الف يسار؟؟
والمكاتب السياحيه هنا لو اضبط معهم حجوزات التذاكر والفنادق هل ممكن يساعدوني ويحجزون لي سياره بفئه ولونه معين انا اختاره وتوصلني للفندق ثاني يوم؟
كلمت واحد لبناني مدير مكتب حجوزات معروف قالي نجيب لك انشالله لو رولز رويسّ!!!
تعرف صحراء لانكسر بشمال كالفورنيا؟ هل الطريق لها صعب من لوس انجلوس؟ كم المده مابينها وبين LA
ولا يهمك تطمن اي استفسار او اي شي ماراح اسأل الا انت
ويعطيك الف عافيه

waleed8818
عذراً على المداخلة, بس هل تمت تجربة هذا الموقع و الشركة الوسيط؟
اسعارهم عجيبة!!
من ضمن الفئات لاحظت ان فئة Gold و Platinum محطوط علامة صح على خيار ال Fuel؟ هل هذا معناته كوبونات للتعبئة او خصومات على اسعار الوقود او مثلا عدم اشتراط تعبئة الخزان عند الإرجاع؟ او ماذا بالظبط؟