وعليكم السلام ورحمة الله وبركاته
حياك ياخوي في ابوظبي
اذا تبي نصيحتي
روح المارينا مول
مول كبير وشرح ويفتح النفس محلاته متنوعه وفيه مطاعم وسينمات
تمشى وتعشى فيه
وبعدها ادخل شوف لك فيلم لعرض متأخر
وتطلع بعدها عالمطار
والمارينا بتلقى قدامه موقف خاص للتكاسي
والمسافه تقريبا اذا زحمه في حدود 40 دقيقه
موفق بأذن الله
واذا عندك اي استفسار فالك طيب

مشكورة يابنت الامارات .. الله يعافيك ويسلم عمرك
أنا سبق زرت ابوظبي وسكنت في فندق قصر الامارات وكان فيه مول قريب من الفندق على البحر هل هذا هو المارينا مول الي تقولين عنه او واحد ثاني؟
ثانياً التكاسي هل تكون موجودة في المواقف في ساعة متأخرة في الليل بعد عرض الفلم؟
أنا سمعت أن فيه فندق اسمه شاطي الراحة جنبه مول وقريب من المطار بس أخاف أنه مو قد كذا ولا فيه سينما؟ وشرايك.
شكراً مرة أخرى

8
8
8
افا عليك ياخوي انت تامرنا
ايه هذا المارينا مول
والتكاسي على علمي موجوده
بس ماادري اذا لوقت متأخر
بس بعطيك رقم شركة التكاسي
كلمهم قبل لاتطلع من الفيلم
عندك تاكسي الغزال 024447787
وتاكسي الوطنيه026223300
وبيرسلون لك تاكسي على طول
وبالنسبه لفندق شاطئ الراحه مااعتقد بتحتاج تنام هالوقت
ومول الراحه جديد وفتحت فيه بعض المحلات والسينمات بعد فاتحه توني سألت لك صديقتي
بس المارينا اشوفه احلى
وانت براحتك شوف اللي يناسبك

اخوي دون كورليون ..خلك على كلام اليازي هي صادقه.. وماقصرت
وشاطئ الراحه تراه بعيد ... ابعد من المارينا للمطار بحوالي نص ساعه
وعندك ابوظبي مول بعد... مول حلو وفيه سنما... واذا طفشت تقدر تدخل لوبي حق فندق روتانا بيتش لانه لاصق في بوظبي مول...يعني بيكون عندك مكان للاسترخاء ومول وسينما ومطاعم.. وبالتوفيق

أنا أشهد أنكم ماقصرتوا .. بيض الله وجيهكم.
شعب الإمارات شعب أصيل .. والله أن له محبة خاصة في قلبي.

8
8
8
تسلم
وربي يديم المحبه ويوفق الجميع
رحله سعيده