عليكم السلام ورحمة الله وبركاته
المسألة سهلة وبسيطة
اذا وصلت طيارتك بالسلامة تدفع الفيزا 20دولار عن كل جواز معك وتختم دخول
تتبع اللوحات اللي مكتوب عليها صالة الرحلات الداخلية
تروح للكونتر لشركة الطيران وبالسلامة
ونصيحتي خل شناطك معك
لأن نص شناطي وصل والباقي في رجا الله
لك ودي

شكرآ لك علي المعلومة

هلا اخوي اذا وصلت مطار اتاتورك بالسلامه انشالله
اول شي تسويه تتابع لوحات مكتوب عليها فيزا بالانجليزي وتكون مجهز معك دولارات مسبقا عن كل جواز 20 دولار حتى لو كان الجواز فيه اطفال مضافين
اذامعاك زوجتك او اختك المهم اول ما تخلص من الفيزا تتبع لوحة باسبورت الجوازات وحاول تنتقي اي مكان فيه سيده وليس رجل لأنهم يطالبون بكشف نقاب المرأه وممرات الجوازات كثيره
اذا معك عفش يحتاج تشيله في عربه انصحك تطلع من بوابة المطار وتخللي اي واحد يدفها سيرا عالاقدام للتيرمنال الداخلي وهو عادة اذا طلعت من بوابة المطار يجيك على يدك اليسار تمشي 4 دقايق حتى توصل البوابه الداخليه لأنه ممنوع تروح بالعربه داخل المطار بين المبنيين اذا وصلت هناك في الصاله الداخليه تسأل عن خطوط الطيران اللي انت حاجز عليها وتقص البوردنج وبالنسبه للعفش ترا امان جدا عن مسألة الضياع وفي كل مطار قسم خاص بالشركه الناقله للمفقودات ولا يضيع اللا عربة الطفل ليش لأن عربات الأطفال نضاما يجيبونها خارج السير المتحرك حق الشنط والعفش فهاذي اذا ما استلمها راعيها يحطونها عند مكتبهم الخاص بالمفقودات وهو قريب من منطقة العفش
نصيحه لك ولكل مسافر دائما في بعض المطارات وخصوصا مطارات تركيا يغيرون بوابة الرحله في اخر وقت تابع النداء بالانجليزي أو راقب المونتر الخاص بالرحلات وطبق رقم الرحله مع رقم البوابه كل 10 دقايق
واخيرا اذا جيت راجع بالسلامه وكان المطار فيه زحمه تأكد انك تختم على البوردنق عند بوابة الصعود للطائره قبل الرحله بنصف ساعه تختمها لك موضفة الصعود للطائره وذلك تحسبا للطوارئ واللا قالو لك باي تأخرت .
اتمنى لك سفرا سعيدا وترجعون بالسلامه

اشكرك اخي قيصر للسياحة علي الشرح المفصل ولكن اود توضيح السبب في
( واخيرا اذا جيت راجع بالسلامه وكان المطار فيه زحمه تأكد انك تختم على البوردنق عند بوابة الصعود للطائره قبل الرحله بنصف ساعه تختمها لك موضفة الصعود للطائره وذلك تحسبا للطوارئ واللا قالو لك باي تأخرت .)
وجزاك اللة خيرآ

هلا اخوي
في المواسم وأوقات السيزون يكون المطار مزحوم لأقصى درجه ومع انه مطار كبير ويعتبر هب للرحلات الداخليه تجميعا
اللا انه يكون في وقت الزحمه تسمع موضفين يحرجون بالصوت العالي ويقولون بدون مكبرات صوت الى ركاب الرحله الفلانيه وهم يتجولون بالمطار ومعهم اوراق خاصه بالركاب احيانا عند الضغط الشديد
فبالتالي اصبحت عملية التختيم على البوردنج من مهمة موضفين الصعود للطائره حيث يتم تهيئتك للصعود ولا تقوم بتأخير الغير
فهت اخوي واللا اوضح اكثر .
وبالتوفيق ان شاء الله .____________