لم يسبق لي تجربة السكاي باص
لكن إذا رحلتك الساعة 12 الظهر لازم تكون في المطار الساعة 10:30 صباحاً
يعني لازم تحرك من الفندق الساعة 09:30 لأن مسافة الطريق حوالي 50 دقيقة إلى ساعة حسب الزحمة
التاكسي يكلفك 70 إلى 80 رنقت إلى المطار الداخلي ولا تنسى تقول لصاحب التاكسي إنك تبغى مطار lcct
علشان لايوديك للمطار الدولي

ان كان حجز الباص هو توصيل الى مطار اير اسيا بكوالالمبور
فهذا يعني لازم تروح لمحطه كي ال سنترال لان باص مطار اير اسيا ينطلق من هناك
شوف :
اذا عندك وقت وتشوف نفسك تقدر تروح لمحطه كي ال سنترال
فأول شي تسويه اسئل عن تكلفه التاكسي الى هناك وبرضه اسئل عن تكلفه التاكسي الى المطار مباشره
وفكر وقرر ...
ممكن تحصل التاكسي من فندقك الى محطه كي ال سنترال بسعر 30 الى 35 ريجنت
وممكن تحصل التاكسي من فندقك الى المطار بسعر 60 الى 80 ريجنت
واسئل نفسك هل يسوى اني اطلع من الفندق بدري علشان اخذ تكسي الى محطه كي ال سنترال ثم اركب الباص الى المطار ....
بالنسبه لي : احب اوفر وحتى اذا كان على حساب راحتي لكن بشرط يكون عندي وقت كافي ..
وانا اشوف ان الرحله الساعه 12 ظهرا وقت غير كافي اني اروح من الفندق الى المحطه ثم الى المطار ..
وطبعا لمن تكون الرحله الساعه 12
هذا يعني بتكون بالمطار تقريبا 10 الى 10 ونص
يعني تطلع من الفندق 9 الى 9 ونص
متى بتقوم من النوم ومتى بتفطر ...
يعني على المطار على طول افضل ( وجهه نظر )

عليكم السلام ورحمة الله وبركاته
إذا انت بسيلانقور باص سكاي باص يحرك من سوق اوتاما 1 مول اقرب لك من الكي إل سنترال
وهو يحرك افضل وقت لك الساعه 9 الصبح والساعه 10:15 وانت في المطار
اما من الكي إل سنترال كل نص ساعه باص وافضل باص لوقتك الساعه 9:30 وتصل المطار 10:45 تقريبا
انت مثل ماقال الأخ بو نايف شوف التاكسي بكم يوصلك للمطار مباشره وشوف كم بيوصلك لوتاما 1 مول (1 Utama)
او للكي إل سنترال ولكن تأكد انك تطلع بدري لو حبيت تستخدم الباص واقرب لك مثل ماقلت 1 Utama مول

أولاً مشكورين على مروركم وردكم
ومثل ماذكرتوا الظاهر اني راح اخذ تاكسي افضلي دام الباص مو في نفس منطقة الفندق
عموماً يعطيكم العافيه على الردودكم والله يكثر من امثالكمً

عبدالعزيز التركي
اوتاما ون مول Utama 1 ماهو بعيد من الصن واي لاقون يمكن 10 دقائق تقريبا
يعني تاكسي من الصن واي لاقون إلي اوتاما مول ثم بالباص بس الباص يحرك الساعه 9 صباحا
يعني ماراح يكلفك إلا قيمة التاكسي إلي اوتاما ويمكن ماتجي 20 رنقت