في الغالب ما يسألون خصوصا مطار جنيف ولله اذكر ان احد سألني فيزتك ايطالية والا المانية لكن علشان ترتاح اكثر خذ معك حجز فندق لإيطاليا من بوكنج بإلغاء مجاني بحيث اذا احد قال شي طلع الحجز . واذا دخلت وتشهلت امورك ادخل على النت وسوي إلغاء في خمس دقايق . بس انتبة لاخر موعد لالغاء الحجز بحيث ما تكون عليك تكلفة . لان بعض الفنادق مسموح بالالغاء المجاني الى تاريخ معين وبعد كذا يخصمون اول ليلة.
الافضل انك تاخذها من السويسرية لكن ما اعتقد يمديك تاخذ موعد بدري.

عزيزي سعد القحطانى ,,
شكرا لك وبارك الله فيك على سرعة التجاوب,,,وجزاك الله الف خير
اما بخصوص ردك يالغالى ف من جوابك يظهر لى انوو حظ ونصيب ,, بمعنى اخر مزاج يعنى ممكن يسألون وممكن لا وهذى تحير اكثر ...!!
لاكن مايمنع انوو اطبق الحل اللى ارشدتنى عليه وبصراحه ماكان ببالي ,,,
وشكرا الف ,,
دمت بوود

فعلا زي ما قلت حظ ونصيب بعض الناس اموره سهالات وين ما راح معاملات حكومية سفارات جوازات اختلاف في تهجئه الاسم في الفيزا ...الخ وبعضهم اموره عنده poor luck على قولة الامريكان يعني حظه متعومس وين ما راح على اقل تكه يستقعدون له ولو في حرف واحد ههه شوف انت من اي فئه وقرر اتمنى لك التساهيل تحياتي

السويسرية سهلت اجراءاتها من خلال تجارب الاعضاء ,,
والحجز الوهمي امره سهل لكن دور لك فندق رخيص بحيث لو ما حصل لك تلغي الحجز او نسيت او لاي سبب ما ينخصم منك مبلغ جامد ..

الموضوع مو بيور لك وانما نظام وقوانين ممكن ترجع لها في موقع الشنقن الرسمي
وهو انه لا يوجد منع واضح او تحديد واضح يجبر السائح ان يذهب لدولة الشنقن اللي اصدر منها الفيزا
لكن يحق لادارة الهجرة والحدود منعك من الدخول لاي سبب تراه وبدون حتى تقديم المبررات
لذا عليك ان تعمل حسابك انه ممكن ان يسالواك ووقتها حضر نفسك للاجابة وهي انك غيرت مخطط السفر في آخر لحظة
والخطوط السعودية في موقعها الرسمي ولسبب اجتها خاطيء عممت في موقعها لفترة بأن على المسافر حمل شنقن من نفس البلد المتجه لها
وهذا الكلام غير دقيق وتداركت موقفها وغيرت الشروط كما تراها الان
ولعلمك اخوي ومن باب تجربتي الشخصية
ما اذكر اني مره طلعت شنقن سويسري مع اني اتردد على جنيف تقريبا شهريا
واخر شنقن معي ايطالي مدته 3 سنوات
توكل الله ورحلة سعيدة

aboaziz
ابو عزيز الله يسلمك انت قلتها ما فيه منع واضح ولكن يحق لهم منعك يعني اذا انت متعوس الحظ راح يسألونك ويمنعونك وبدون سبب باختصار وش معنى من بد الناس يسألونك ؟؟؟فيه ناس تعاني من سؤ الحظ يا ابو عزيز ومحد حاس فيهم ههه

الاخ/daayem1
ام مسألة انى احدد انا من اى فئة والله مشكلة لانى انا احيان حظى زى الصاروخ
واحيان اجيب العيد
ف صعبة احكم لاكن الله كريم ,,, وشكرا على ردك

الاخت ام نواف ونورة ,,
اولا الله يخلى لك نواف ونوره ويحفظهم لك ,,
ثانيا ما اخفيك ما اظن انى بروح بنفسي للسفارة ادبك ورا الاجراءات اولا لانوو اخوك عجاز ثانيا والاهم انا حاليا ولحد قبل السفر بكم يوم انا برا الرياض ,, ف عشان كذا لابد من المكتب هو اللى يسعى فيها ويارب الاقى مكتب يقبل يطلعها من السويسريه ,,, ومسألة الحجز الوهمى لحد الحين ماقررت لاكن يمكن تكون من اول الحلول اذا قفلت بوجهى ,, شكرا على ردك

المستشار العزيز ابو عززيز ,,
ما اخفيك ردك حيرنى شويتين ,, وكأنك ايضا تلمح ان الموضوع حظ .. بمعنى ممكن تسأل وممكن لا ؟؟؟
ويمكن انت يالغالى من الناس المحظوظين ماشاء الله عشان كذا ماقد سألوك ,,,
ام لازلت اعيش بحيرة ,,,
وشكرا لك على تنوير الصفحه بردك ...