تفضل اخي
https://artravelers.com/p/re/469250
الموضوع خاص بطيران ايزي جت وممكن تطرح استفساراتك فيه
الردود لوحدها جدا مفيدة
ومعروف ان السعر الارخص غير مسترد ولا يمكن تغيير مواعيده

جميعهم غير مسترجع ولكن بالنسبة ل flexi توهم مسوين الخدمه السنه هذي يعني جديده وميزتها انك تقدر تغير خلال 4 اسابيع وتتمتع بالمرور السريع وكذلك شحن شنطه مجاني اقصى وزن 20 كيلو وهذي خيارات انت تقدر تحددها بنفسك اذا حجزت حجز عايدي
بالنسبه لي دائما احجز عليها الحجز العادي واضيف فقط حق الشناط اما التامين فانا معي تامين السفر ليش ادفع تامين ثاني وبعدين شاريها ببطاقة الفيزا وهي ايضا تعطي تامين وبالنسبه للعبور السريع ما اطلبه لاني ما استفيد منه والزحمة دائما تجي عند مدخل الجوازات اما كونتر الحجز فهو سريع وللعلم هناك مكائن خاصه قبل تمسك سرى للكونتر لازم تخدم نفسك بقص البوردنق حق الشنط وتجهزها قبل توصل لموظف الكونتر لذلك انصحك احجز حجز عايدي مع اضافة حق الشنط تحياتي

مشكورين عالرد السريع ... من جد أفدتونا
عساكم عالقوة دايما ... وربي يرزقكم كل خير ويتقبل منكم الصيام والقيام

الحمدلله حجزنا عالايزي جت من باريس لجنيف
لكن للاسف مافي رحلة من روما لبرشلونة
ياليت ترشحولنا طيران ثاني مجرب و مريح وسعره معقول
لكم كل الشكر

عندك طيران حلو ومشهور وضخم وهو طيران http://www.ryanair.com/en وهو جدا ممتاز ورخيص وانا شخصيا جربت الاثنين وهو يطلع من روما مطار Ciampino الى برشلونه وكان ينزل بمطارGirona قريب من برشلونه يبعد ساعه وربع بالباص وتطلع بالباص ب15 يورو الان اصبحت تنزل في برشلونه بمطار اسمه El Prat لو تحجز من الان راح تحصل بسعر 15 يورو ولا تتردد الشركة جدا ممتازه وتمتلك مطارات عالميه وعلشان يرتاح قلبك شوف خريطه رحلاتهم علشان تعرف حجم الشركه الكبير وعندهم 3 رحلات يوميا شوف الوقت والسعر اللي يناسبك وبعض الرحلات عليها عروض تحياتي

daayem1
مرحبا اخوي
من جد شاكرين لك كل هالمعلومات ... من لما دشيت هالمنتديات وانت اكثر وااحد متفاعل وياي...
ادري عذبتك وياي بس تحملني
انا شيكت الرحلات والحمدلله الاسعار حلوة بس مافهمت اجراءات الوزن ... نحن ناويين بإذن الله نطلع من روما 112 و الوزن 20 كيلو لي و 20 لزوجي بس ماعرفت كيف ادخل الوزن واشوف السعر النهائي
ممكن تساعدني بما اانه لك تجربة بهالطيران؟؟؟

1. رابعا تاتيك خيارات المسافر الثاني وهي نفس خطوات المسافر الاول

اخوي الامر جدا سهل اولا تحدد التاريخ وعدد الاشخاص ونختار Flexible dates اذا تبي تشوف اسعار الايام الثانيه وطبعا من روما الى برشلونه وتختار قبول التعليمات بعد قرائتها وتحط صح في المربع الصغير اللي قبل التعليمات I read & accept the بعدين تضغط على book now
ثانيا يطلع لك جدول الرحلات مع الوقت والسعر (وهي 3 رحلات يوميه ) تختار المناسبه منها وتضغط خيار select and continue
ثالثا يطلع خانه لتعبئه الاسم والمتطلبات 1- تعبي اسمك الاول مسبوقا بالصفه رجل mr امراءه mrs ثم اسم العائله (يجب ان يكون مطابق للجواز )
2- عندك خانه اختيار الشنطه تبغاها وزن 15 كجم سعرها 15 يورو او 20 كجم سعرها 25 يورو
3-يجيك خيار Beat the queues وهو خيار خاص بالمرور السريع البوردنق هل ترغب ام لاء (انا ما استخدمه لاني احضر للمطار باكرا ) حط اختيار
4- يجيك خيار خاص بالتأمين هل ترغب ام لاء (انا لا اختاره لان معي تأمين سفر وفوق كذا تذكرتي قاصها بالفيزا يعني مأمنه ) واذا ما تبي تحصل فيه اختيار من بين الدول انك لا ترغب بالتأمين (طبعا هم لزقه اول ما ترسل المعلومات بيعطيك عرض تأمين قله نو ثنكيو )
بالنسبه للخيارات 3 و 4 اذا اخترت نعم يسألك هل تريد تعميمها على جميع المسافرين معك او لاء

رابعا تاتيك خيارات المسافر الثاني وهي نفس خطوات المسافر الاول

خامسا يجيك خيار هل ترغب باستقبال تاكيد الحجز عن طريق رسالة sms (انا اختار لاء لاني استقبلها واطبعها من الايميل ) حط اختيار
سادسا يجيك خيار خاص بشنطة سامسونايت مقاسها مناسب للكبينه اذا تبي تشتريها منهم والمقصود بها شنطة اليد التي تدخل معك بالطياره ولازم تعرف مقاسها وكم الوزن المسموح اخر مره كان 10 كم الحين مدري يبي لك تقراء التعليمات وللعلم يسمح لكل مسافر بحمل حقيبه واحده فقط واذا معك لاب توب يعتبر حقيبه او اي شنطه تحملها لذلك جمع كل شناطك الصغيرة بشنطه تناسب مقاسهم المحدد(بالنسبه لي احط لاء واخذ شنطه تناسب مقاسهم واصلا وين بيرسلون لي الشنطه لو شريتها يبي لها مشوار ) طبعا لازم تحط اختيار
سابعا يجيك خيار خاص بشحن المعدات الخاصه اذا معك مثل معدات موسيقى او رياضه ... الخ
ثامنا يجيك خيار اذا كنت تريد خدمات لذوي الاحتياجات
تاسعا لازم تحتار الموافقه بانك قرائت كل التعليمات
عاشرا تضغط استمرار
يجيك خيار استئجار سياره اضغط نو ثانكس وبعدها تطلع لك صفحة الدفع بالبطاقه عبي المعلومات وقبل كل شيء تاكد من صحة الاسم كاملا وشوف المبلغ والضرائب وبالتوفيق
يؤؤؤ عشر خطوات وانا قايل في البدايه ان الامر سهل ههه

للعلم هذه الخطوط تنقل من برشلونه ومن اكثر من مطار في برشلونه شوفوا الانسب ورتبوا رحلتكم اذا كنتم سوف تنتقلون الى باريس ملاحظه هامه التذاكر غير مسترجعه تحياتي