ايضا يا كرام مناطق السكن الحلوه والقريبه من المناطق الحيويه

1. دوسيت دي تو


2. رويال برنسيس


3. الرحلات واماكن الترفيه مذكورة في البرنامج اللي وضعت لك رابط اعلاه ،،

هذا البرنامج السياحي مناسب جدا لك لشهر عسل ،، حمل البرنامج وما راح تحاتي اي شي اخر لان كل شي مذكور فيه من تسوق ورحلات وغيره ،،
موجود بالرابط التالي:
https://artravelers.com/p/re/731791
فنادق مناسبة لشهر عسل :
بانكوك:
ماجستيك جراند
اماري ريزيدنس
سومرسيت ليك بوينت
بايوك سكاي
اماري واترجيت
بوكيت:
هوليدي ان ريسورت
بوراساري
ميركيور ديفانا
سنترا اشلي
ميلينيوم ريسورت
تارا باتونق
ذا كي ريسورت
ديستينيشون باتونق
دوانجيت ريسورت
شانقماي:

دوسيت دي تو

رويال برنسيس

شوف لا خوف من التوك توك او التاكسي اهم شي قبل اي توصيله وقبل لا تركب معه اتفق على السعر في البداية لانك اذا سكت راح يطالب بالسعر اللي يبيه واذا رفضت راح تصير مشكلة لكن بالاتفاق المسبق ما يقدر يعمل شئ ،، وبالنسبة للرحلات السياحية دائما احجزها من مكاتب سياحية وهي تكون شامل التوصيل المجاني من والى الفندق ،،

الرحلات واماكن الترفيه مذكورة في البرنامج اللي وضعت لك رابط اعلاه ،،

شوف انصح بطيران بانكوك اير يقلع من المطار الجديد ،، ولكن بما انك تبي تريح في بانكوك اول الايام فتقدر تروح لشركات اخرى تقلع من المطار القديم وابرزها وافضلها هي شركة "اير اسيا"
بالنسبة للعفش ،، الغالي ما يحتاج تبلغ احد اي شي دام ان رحلتك فيها ترانزيت فالعفش اول ما توصل دبي راح يتم نقله تلقائيا للطائرة الاخرى اللي راح تقلك الى بانكوك ،، هذا نظام ثابت ومتعارف عليه دوليا يعني اذا نزلت بمطار دبي اللي عليك فقط تتوجه عند الوقت المحدد للبوابة اللي فيها الطائرة المقلعة الى بانكوك وخلاص وابد ما تستلم اي شنط وعفش الا عند وصولك بانكوك ،،
اهم شي وانت في مطار السعودية عن الجوازات توريهم فقط ورقة البوردينق تبع الرياض-دبي وتخبي البوردينق الاخر اللي هو دبي-بانكوك لان لا حاجة لهم فيه وليس من صلاحياتهم هذا الشي وفي ناس للاسف يعطونه ورقتين البوردينق ولما يشوف موظف الجوازات السعودي البوردينق الاخر الى بانكوك بقوم يرفض سفر الشخص..

ولد البحرين اسعدك الله في الدنيا والاخره ووالديك
لكن بخصوص الفنادق انا اخترت فنادق ولاقيها معتمده عند عطلات دبي وبيحجزها لي لاني بعد المقارنه لقيت حجزهم للفنادق والطيران ارخص من اني احجز شخصيا عن بوكنج او اجودا مع شراء التذاكر وكمان يوفر لنا رحلات داخليه بس رفضتها لانها غاليه عندهم وراح اقصها بنفسي من مواقعهم
راح تكون فترتين في بانكوك الاولى في فندق
ليلتين في holiday inn silom وفيه هوليدي ان ثاني بس حسيت هذا قريب من الاماكن السياحيه
واخر ليلتين راح تكون في فندق
grand sukhumavit bangkok او فندق land mark bangkok
وياليت يا اخي الكريم اذا عندك افاده بالنسبه للمواقع تبلغني لاني ما عرفت المكان الحلو للعوائل والسياحي
وفي بوكت ناوي فترتين الاولى وفترة الطلعات السياحيه
بالهوليدي ان بوكت اللي عالباتونج بيتش ثلاث ليالي او اربع ليالي فترة الطلعات والجيات تكون قريبه من الاماكن السياحيه
والباقي ليلتين او ثلاث في موفنبيك عالكارول بيتش اعتقد سمعت انه رومانسي وكذا قلت نتنرمس مع الناس يومين ثلاثه
اما في شنجماي
فيه فندقين دورست دي 2
او شنجريلا شنجماي

اخي ولد البحرين انا اسمع عن منطقتين في بانكوك هما الاهم وهما السنترال و منطقة العرب
وش سالفتهم قريبين من بعض او هذي منطقه وهذيك منطقه ايهم فيه المطاعم والفنادق وانا بصراحه ما ودي اشوف ولا عربي واحد ودي بربعي التايلنديين بس الاسواق والمطاعم الحلوه والعربيه هي مهمه عندي عشان ناخذ راحتنا انا والمدام بالتمشيه مدري ودي اي احد عنده معلومات عن بانكوك يفيدني عنها
شكرا مقدما

كل امورك طيبة ،، والفنادق كلها مميزة ورائعة ،،
توكل على الله

جعل الله الجنه مثواك ووالديك وكل من ساعدني وكل من يقرء

اخي العزيز اثقلت عليك بالاستفسارات ولكن اثناء بحثي في بوكنج حصلت فندق اسمه ديفانا
https://www.booking.com/hotel/th/deevana-patong-resort-spa.ar.html?aid=1300939
ثلاث نجوم بس فيه مسبح خاص وقيمة الغرفه مع المسبح 500 ريال تقريبا لا وقريب من مولين جلسرين مدري وش اسمه وفيه مول ثاني خطوات قليله بس متخوف من مساله ثلاث نجوم وخدمة المنتجع من النظافه والتعامل والنامس لانه فيه اشجار كثيره او تنصحني اثبت على الهوليدي ان في الباتونج بيتش
بس هل تعرف الفندق وخدماتهم
وايضا ايش افضل طيران داخلي بالنسبه للمواعيد والوزن

فندق ديفانا حلو واقتصادي ،، لا تعتمد على وصف النت بالنسبة للمسافات للمجمع وغيره احيانا المعلومات خاطئة ،، بعده عن مجمع جونسيلون مشيا تقريبا 20 الى 25 دقيقة ،، ويعتبر موقعه شوي بعيد عن المنطقة الحيوية بالباتونق ،، لكن الفندق حلو
عموما لا وجه مقارنة بينه وبين الهوليدي ان بتاتا ،، الهوليدي ان افضل بكثير من جميع النواحي
بالنسبة للطيران الداخلي ،،
عندك بانكوك اير خطوط جيدة ،،
اير اسيا اقل من اللي فوق بالسعر لكنها تقله من المطار القديم،،
ثاي ايرويز وهي الافضل والافخم والاغلى بينهم ،،

اجل بثبت عالهوليدي ان
رحم الله والدينك بس ما تعرف يالغالي كم وزن الشنط المسموح بها في الطيران الداخلي عشان اخذ احتياطي واخذ دولار او ريال وانا متعود اسحب بالبطاقه من هناك بس بالدول اللي عملتها قويه عشان يكون اللمتد اليومي عالي ولا ياخذون علي عملية سحب دوليه كثير مثل تركيا والمغرب والخليج ومصر
ما احب اخذ الكاش الا عند الضروره لذلك كم المسموح بالبطاقه سحب باليوم كم بات كحد اقصى اتمنى سؤالي يكون واضح وما جبت العيد