شوف مدينة زيورخ انا حبيتها اكثر من جنيف بس حرام فيها 6 ايام زيورخ ممكن تقضون فيها اخر يومين حق الشوبنق ... انا انصحك اتروح انترلاكن او تقضيها في منطقة الغابات السوداء علشان ملاهي اليورب بارك وانا عن نفسي بعد حبيت الغابات السوداء اكثر من انترلاكن ونصيحه لاتفوتها واحسها حلوه حق شهر العسل رومانسيه
اتمنالك التوفيق اخي الكريم والله يرزقك الذريه الصالح ان شاءالله
ونسيت اقولك احنا سكنا في ماريوت زيورخ رهيب وراقي وبعد يصلح حق شهر العسل من قلب

مشكورة يابنت اوربا وان شاء الله تلفين العالم كله .. لكن ايش الاماكن التي يجب زيارتها في زيورخ

Mr.Smith
خ شكرا على الدعوه الله يسمع منك يارب
زيورخ اللي فيها الشوبنق الشارع المشهور فيه محلات ومطاعم بس انك تمشي فيه صدقني قمه في المتعه او النهر هذا اللي شفته ...
بس تقدر اتروح شلالات الراين قريبه من زيورخ واذا للحين فيكم طفوله مثلي اتروحون بيت هايدي انا حدي حدي استمتعت فيه وغير كذا الطبيعه اللي قريب بيت هايدي خياليه وبعد ممكن تقضون يوم كامل في لوزيرن تروحون قمة تيتلس وقمة ريقي ...
على فكره تقدر تسكن في زيورخ وتروح هالاماكن اللي قلت لك عنها .. وحتى تقدر اتروح اليورب بارك قريبه من زيورخ يمكن ساعه ونص او ساعتين اتروحون وترجعون بنفس اليوم مثلا اتروحون الصبح وترجعون عقب قمه في الوناسه واحلى من ديزني لاند بمراحل نصيحه لاتفوت ملاهي اليورب بارك
بس اهم شي يكون عندك سياره علشان تستمتع بالمناظر الخياليه
واتمنى اني اكون قدرت افيدك واسمحلي على القصور ونصيحه ادخل موضوع ابو عزيز دليل سويسرا اكيد راح يفيدك

مشكورة .. انا بزور ايضا موضوع ابو عزيز .. بس اتمنى احد يقولي اشياء اكثر في زيورخ ..
انتظر الجميع

اخوي هل انت مقرر تستاجر سياره ؟؟؟ ومتى تاريخ السفر بالضبط

لا ما اظن أني راح أستأجر سيارة .. ابغى اخرج عن الروتين ، وما اعرف لانظمة السير عندهم.. وما ابغى اضيق صدري واسبب لنفسي اي مشكلة .. ابغى اسافر في بداية شهر سبتمبر ان شاء الله

mr.smith
اخوي بالعكس القيادة في اوروبا متعة مابعدها متعة حط جهاز الملاحة وتوكل على ربك وانظمة السير تختلف عنا في بعض المسارات الخاصة للباصات والترامات والدراجات والاولوية للمشاة ولمن بداخل الدوار والمواقف معظمها برسوم بس على الله تلقى مكان للوقوف وهالنقطة هي الي طفشتني و صدقني السيارة خصوصية وراحة بال وانت ورايك

زيورخ حلوة بس ممكن كل يووم تطلعون منها و ترجعون لها في المساء يعني تروحون مدينة لوسرين و شلال الراين و مدينة كونستانس و انترلاكن او غيرها

1. اخوي اتمنى لك التوفيق يارب وانه يجمع بينكم على خير ومبروك مقدما.


2. بصراحه بنت اوربا اعطتك الخلاصه لكن احب اضيف بعض الاشياء بعد اذنك.

اخوي اتمنى لك التوفيق يارب وانه يجمع بينكم على خير ومبروك مقدما.

بصراحه بنت اوربا اعطتك الخلاصه لكن احب اضيف بعض الاشياء بعد اذنك.

بالنسبه لشلالات الراين رحله حلوه يعني اعطيها خمسين بالميه فيها مطعم حلو ويمكن تركبوت القارب وتروحون للشلالات علشان تصورون هناك (لكن اهم شي تعرف متى يسكرون لانه القارب راح يوقف الظاهر الساعه 6 ونص علشان كذا لازم تكون حريص من ناحية هذي النقطة علشان ماتتشحطط والنزول يكون في محطه صغيره جدا وتعمل هذي المحطه في وقت محدد وهو الوقت اللي تكون فيه القوارب شغاله وانتبه لهذي النقطه)
اما بالنسبه للرحلات فيه عندك لوزيرن تقريبا 45 دقيقه من زيورخ فيها مطاعم حلوه وجلسه لكن الاهم انك تروح بدري وتركب البوت اللي عند المركز وتروح الي pilatus رحله ماتنسى تستغرق بالبوت تقريبا 45 دقيقه
فيه عندك انتر لاكن وممكن تطلع منها الي jungfrau Top of europe (دفوا انفسكم ترا مرره برد وثلج)
جنيف انا ماتعجبني مره لكن ممكن تزورها تروح للمراكز التجاريه وتسجلها بالتاريخ انك زرتها.
قرية هايدي قمة المتعه لكن يبيلها مشي (فيه مطعم جدا جميل وشعبي وانتا جاي من محطة القطار يجيك على اليسار واضح عنده بيتزا مو طبيعيه انصحك انك ماتفوته).
بالنسبه لزيورخ فيه فندق يمدحونه اسمه swissotel شييك عليه وشف واكيد الماريوت مايعلى عليه لكن ماجربته والميزه بزيورخ انه عند المحطه الرئيسيه حقت القطار يوجد العديد من الاسواق والمطاعم
فيه رحلات بالقطار حلوه تمر فيك على اغلب المناطق السياحيه وتركب قطار بانوراما وراح تمر من اماكن مرره حلوه وطبيعه خلابه(وهذي الرحلات انصح فيها اليوم اللي بعد رحلات متعبه يهني تسترخي وانتا بالقطار وتمدد وتتفرج على المناظر)
تقبل مروري اخوي واتمنى لك التوفيق
فواز