ماعندي خطه مرتبه تمر بايطاليا لكن انصحك دامك تبدا من باريس لاتستأجر السياره وخليها بعد ماتطلعون من باريس ,,
وربي يسهل عليكم

وعليكم السلام
باريس جنيف انترلاكن لوقانو بحيره كوكو ميلان

الاخت نوره يعطيك
هل قصدك ان استاجر السياره في يوم المغادره من باريس؟
اخي العزيز فيصل، الف شكر لك..
ولو ممكن المسافات بين هالمدن علشان اعرف لو مناسب بالسياره، وهل ممكن ادخال انسي بالمخطط؟
تحياتي لك

أبو مريم 84
انا نصيحتي تاخذ هالمخطط ولو انك ما حددت المدة ولا الخطوط الناقلة وهي مهمه في تحديد المسار
عموما رأيي
باريس وانت طالع منها تستأجر سيارة
من باريس 4 ساعات الى يوروب بارك في غوست (rust(
من غوست الى انترلاكن 3 ساعات بالسيارة , الاقامه في انترلاكن وتزور زيورخ ولوزيرن وهايدي لاند ...الخ
من انترلاكن الى ميلان 3 ساعات بالسيارة (اذا بتروح فينيسيا وروما لا تطيل البقاء في ميلان بأكثر من ليله )
بعد ميلان ممكن تزور فينيسيا بالسياره ساعتين ونصف تقريبا
واخيرا من فينيسيا الى روما

• لو حبيت تزور فينيسيا وروما ( قلل مكوثك في يوروب بارك وميلان بحيث تطون محطه استراحه )
• هذا المخطط كامل يلزم على الاقل 16 ليلة

بالتوفيق

باريس اسبوع 4 ايام جنيف والريف الفرنسي ولوزانثم الانتقال الى انترلاكن وفي الطريق زيارة مصنع نستله للشكولاته وجبل ميلسونوالاقامة في انترلاكن 5 ايام او 6ومن بعدها الانتقال الى لوجانو او ميلانو وافضل السكن في لوجانو والاقامه فيها 4 ايام او 5 يوم لزيارة ميلان ويوم لبحيرة كومو والاوتلت فوكس تاون ويوم لزيارة Serravalle Outlet اللي يبعد عن ميلان 93 ك

ألف ألف شكر لكم اخواني, والله هذي النخوه..
ماشاء الله البوابه الفرنسيه في الردود.. افضل من النمساويه السنه الماضي الاستفسار يقعد بالايام
تم حجز التذاكر على السرييع من غير تخطيط دقيق بس ان شا الله ما تصدموني بأن تخطيط الحجز سيء .. حجزت بسرعه لان كان عرض مغري من الطيران
الهولندي ومافوته..
الحجز صار كالتالي:
الذهاب = بحرين إلى ميلان ------ العودة = باريس بحرين
أنا سبق زرت ايطاليا من جنوبها لشمالها.. لكن سبب حجزي لميلان مره اخرى, لان في بعض المناطق ما اعطيتها حقها بسبب ضيق الوقت والامطار..
مثل بحيرة قاردا (سيرموني) وكومو وسيرفالي (الاوت ليت) وفيرونا.. اما فينيسا رحت لها 3 ليالي وكان الجو ممتاز لكن مايمنع الرجوع لها مره اخرى..
هذا احد اسباب اختياري البدايه من ميلان ..
والسبب الثاني, بعد ميلان اتجه لسويسرا لقربها من ميلان.. وبعد سويسرا اتجه لفرنسا, ومنها للوطن..
طبعا كلها بالسياره .. راح اضع استفساراتي على شكل نقاط لتساعدوني لا هنتم..
مدة السفره 18 يوم, 17 ليله..
تبدأ من 23 يونيو إلى 10 يوليو..
بس الوصول فعليا للفندق بميلان بيكون الساعه 2 ظهراً 24 يونيو..
اول استفسار: بختصار وش المدن والقرى السياحيه إللي بتكون بخط سيري من ميلان إلى باريس علشان أبدا بالتخطيط وحجز الفنادق.. وكيف المسافات يعني هل تصلح بالسياره,
آمل ذكر المناطق, المناطق اللي اعرفها: ميلان -- بحيرة لوقو-- انترلاكان -- جنيف --- زيورخ -- المنطقه الريفيه بفرنسا اظن انسي --- باريس ..
اكيد في اماكن ماذكرتها, او في اماكن مو مرتبه بخط السير..
ثاني استفسار: كون السياره راح استئجرها من ميلان, واسلم السياره بباريس, هل هناك ضريبه جامده؟ لان السنه الماضيه ماقصروا الاخوه هنا بالنسبه للي رايح النمسا والمانيا,
نبهونا باستلام السياره من المنطقه الالمانيه اللي بحدود النمسا والمانيا وتسليم السياره باخر محطه لنا بالمانيا, كان السعر جدا ممتاز..
ثالث استفسار: كيف راح يكون الجو في نهاية يونيو وبداية يوليو على أنه صييف؟ كل سفراتي لاوروبا كانوا بشهر اكتوبر ونوفمبر, كان برد لكن شي ينعش الروح..
تقريبا هذه الاستفساره الحاليه, وبعد ما يتم الاجابه عنها, راح ابدا حجز الفنادق بالمناطق اللي راح ترشحونها وكم مدة السكن بكل منطقه..
وألف تحيه لكم,,