عزيزتي غزالة كلها اسم وعنوان السكن في بريطانيا ومعلوماتك الشخصية مثل تاريخ الميلاد ورقم الجواز والجنس والظاهر تاريخ الجواز والوظيفة من هالشغلات يعني ان شاء الله واضحة ورحلة سعيدة وموفقة

الله يعطيك العافيه الف شكر ماادري اقول ماقصرت والا ماقصرتي ..

لا شكر على واجب وحاضرين
قولي ما قصرت والمهم تنبسطون ان شاء الله في سفركم وترجعون بالسلامة

ذكرتيني سالفه صارت لي يالغزاله ..
كل ماأتذكرها أضحك عليها ..
مره من المرات اضطريت اعبي البطاقه بنفسي ..
وطبعاً أكثر الأشياء مكرره مثل رقم الجواز والأسم ...الخ ..
لين وصلت عند المهنه occupation وبعدها دخت ..
قمت اعرق والتفت حولي ولا لقيت حد ايساعدني ..
طبعاً الحيا والكبرياء يمنعك تسأل للأسف ههه
وانا كنت بروحي وقتها وقبل ماتوصل الطياره أضطريت اللم لم نفسي واروح ادور مظيفه عربيه في القطريه ..
ويوم لقيتها سالتها وقالت لي المقصود المهنه ..
وأحب اوضح نقطه ..الرجاء كتابة موظف employee ولاتكتبون وظيفتكم بالتفصيل ..
سنة 2004 ماأدري اشلون وبالغلط كتبتة الوظيفه ( كيميائي ) !!
في العاده اكتب موظف واتخلص الأجاراءات بسرعه ..
ولكن كتبت هالمره كيميائي وعينك ماأتشوف إلا النور !!
فتحوا معي تحقيق مابعده تحقيق
كل الي معاي خلصوا وراحوا وأنا بعدني في سين وجيم
وبعدها الحمدالله خلصت ( بعد مانشفوا ريقي ) وطلعت من المطار ..

موقف لاتحسد عليه اخوي القطري بس حلو بنفس الوقت..
وكويس انك نبهتني لسالفة الوظيفه عشان مانجلس مثلك بالمطار انواع الاسئلة ههه
الله يعطيك العافية....

الاستماره راح تتوزع عليكم بالطياره
والاشياء اللى ماتعرفينها تقدرين تطلبين من المضيف يشرح لج وتكتبين البيانات كامله
بس انصح كتابة الاسام بدقه مثل ماهو مكتوب بالجواز

ههه القطري اجل خذ عندك انا درست كلمة occupation بمعنى احتلال المهم سافرت وعطوني الكرت اعبيه وكنت صغير في السن انذاك ( احم ) المهم فرحان بلغتي الانجليزية ورايح بدون اهلى ومسوي رجال وقوي وعبيت كل الكرت حتى الظاهر اللي للاستخدام الرسمي شفت هالكلمة قلت افا احتلال ليه انا رايح فلسطين واقعد افكر وش يقصدون واتركها فاضية وصلت هيثرو شافت الموظفة الكرت و انا متحمس ابي اناقش حول الاحتلال قالت وين ولي امرك ( اهانة صح ) ثم قالت انت تدرس والا ؟؟ قلت ايه كتبت هي في الخانة الفاضية student قلت لها اسف نسيت اكتبها قالت كثر الله خيرك اللي عرفت الباقي ( اهانه ثانية ) من ذاك اليوم وانا اعرف انها مهنة لا وازيدك من الشعر بيت كانت مسافر ومعي ولدي السنة اللي فاتت وحلف الا يعبي الكرت يوم شافها قال وش معناها قلت ليه ما درستوها في المدرسة ؟؟؟ بسيطة مهنة ما يدري ان ابوه في سنه مادرسها بعد ( ذكريات حلوة مع occupation )

scott44
ههه
ههه
عجل ماطلعت بروحي الي اخذت فيها مقلب
ههه
بس ماشاءالله عليك مستعد للنقاش على طول على موضوع الأحتلال ..
وأحلى شي يوم قالت لك كثر الله خيرك ألي عبيت الباقي
وفوق هذا صاير ذيب قدام الولد انك يعني امقطع السمكه وذيلها في الكلمات ومعانيها

طيب واللي بينزل في مطار باريس ويسافر من مطار لندن ؟؟؟؟ يعبي الورقة ؟ ويخلها معه اوكيف