السلام عليكم .
يا هلا بالعتقية كلهم
اولا ..ممكن اسم الفندق ..عشان نعرف موقعه .
ممكن يكون فيه محطة ترام قريبة منه .
ولو تبغى الراحة طبعا ..التاكسي ..انا افضله كأول يوم وصول للفندق .
وممكن الفندق يوفر رحلات مكوكية Airport Shuttle من والى المطار .
ثانيا ..بالنسبة للسيارة ..ميزة المطار انه فيه قسم فرنسي وقسم سويسري ..والاسعار تختلف بين القسمين .
لكن المكتب اللي تتكلم عنه اكيد انه في سويسرا .
فانت احسبها ..هل الفندق يوفر موقف للسيارة ..وكم سعره .
علما ان غالب فنادق جنيف تعطيك بطاقة تنقل بالمواصلات العامة مجانا بحسب المدة اللي جالس فيها بجنيف .
وبالتوفيق

هلا والله فيك مشرف سويسرا (( مرحبمبك))
هذا إسم الفندق Design Hotel F 6
وهو قريب من محطة القطار أو الترام ,, أنا أفضل التكسي بصراحة لأني ماني لوحدي تعرف عائلة بثلاث شنط حق ثلاث أسابيع هذا غير اليدوية
انا ماودي أتعب الصغارفي القطار ولا الباص وشيل وحط ... ولا هي سهالة في بلد (( الفرنجة))
انت ايش رايك ,,, أنا قضيتي في الوصول الى سكني لأول يومايش هي افضل طريقة برأيك
في انتظار ردك وإرشادك
ترى أنا لي زمان عن السفر وأشياء كثير تغيرت علي
آخر سفره ليه كانت قبل الألفيه
هيا حلها انت عاد

وأزيدك الفتدق هذا قريب جدا من محطة قطار Cornavinوفي حالة إخترت النقل بالقطار كيف أعرف المحطة ( عنوان الفندق) اللي راح أنزل فيها
ياخي الواحد لما كان يسافر لوحده كان يفوت في الحديد

ههه ..الله يرحم الطيبين ..
وترى السفر على خبرك ما تغير شي ..بس اللهم شوية الاجهزة والبرامج اللي طالعة اليومين هذه ...خلت الواحد يضيع كم دقيقة بعد ما كان يضيع اليوم بطوله .

طيب يا سيدي ..الفندق صحيح قريب ..لكن السهل الممتنع .
يعني لو معاك عفش ..يبغالك سيارة ..وارشح لك تاكسي .
ولو كنت لحالك ..جلنكاكي يا حبيبي .
فا
عندك خيارين :
الاول :
في بطاقة في مطار جنيف ..تاخذها من كابينة بجوار شباك التذاكر ..وتعطيك 80 دقيقة للتنقل داخل جنيف مجانا .
وهذه اللي منها تطلع من محطة قطار المطار الى المحطة الرئيسية كورنافين .
واول ما توصل كورنافين ..تاخذ تاكسي الى الفندق بسعر رخيص .
كل ما تريد أن تعرفه عن مطار جنيف الدولي https://artravelers.com/p/re/264006
الثاني :
تاخذ تاكسي من المطار وتريح بالك ..الى باب الفندق .
وهو الاغلى .
الفندق تقييمه جيد جدا ..وكان في السابق اسمه كواليتي هوتل ..وان شاء الله يناسبكم .
وبالتوفيق

هههاي والله هيا شوية الأجهزة اللي لوحت الواحد
هيا سهلة ومفيدة وجبارة بس شغلتها شغله (( الطعبزة فيها كثير ))
أصبرو علينا شوية خلونا نعرفلها ايشبكم طايرين علينا
بعدين حتى التذاكر اختلفت صار يديك ذحين جريدة مو تذكرة
انا من يوم شفت شكل التذكرة قلت ياعم ايش الهرجه
الله يرحم تذاكر أول كانت والله شياكه
آخر سفرة ليه كانت قبل الألفيه

نرجع يا مشرفي العزيز لموضوعنا :
الخيار الأول مرة خطير,, اللي هو آخذ بطاقة من الماكينه اللي عند شباك التذاكر حق محطة القطار
(صح انا كذا)؟؟
بس عسى الماكينه هذي مايكون الطعبزة فيها كثير عشان أطلع لي ورقة

اللي يسأل ما يتوهش يا سعدت البيه .
الرابط اللي حطيته لك فوق ..موجود فيه صورة المكينة ..وعلى ما قال اخوي ابو عزيز ..موجودة بجوار بوابة الخروج بعد استلام الامتعة .

واللي شفتها برضو بجوار شباك تذاكر محطة القطار .
المهم .. بعد ما تطلع من صالة استلام الامتعة تروح يسار الى ان تجيك بوابة ..تمشي سيدا وتعديها ..تلقى محطة قطار المطار قدامك .
تشوف رقم الرصيف اللي رايح للمحطة الرئيسية ..وتنتظر عنده الى ان يجي القطار .
وبالتوفيق