عليكم السلام
تفضل هذا المشاركات المفيدة عن قطار اكسبرس
https://artravelers.com/p/re/133162
بالتوفيق

الغالي (أبو نور )
بصراحة يالغالي ( التاكسي ) أسرع وأفضل وأسهل وأرخص من ( القطار )
التاكسي سعره ( 80 رنقت ) من المطار للفندق مباشرة ...
والقطار سعر التذكرة للشخص ( 35 رنقت ) ومن محطة ( kl sentral ) تحتاج تاكسي للفندق ( 25 رنقت ) أقل شيء
هذا غير ( سحب العفش ) من مكان لمكان ...
فنصيحتي لك يالغالي بأستخدام ( التاكسي ) وريح دماغك
وافي

من المطار الى محطه كي ال سنترال :
المده : نص ساعه وتحديدا 28 دقيقه حسب مو مكتوب
السعر : 35 ريجنت للشخص البالغ
من محطه كي ال سنترال الى منطقه شارع العرب او منطقه البرجين :
السعر : لا يزيد عن 15 ريجنت ..
والسعر يزيد ان كانت الوجهه الى صن واي لاقون ( قد يكون 25 ريجنت كما ذكر اخي الوافي )
تستطيع حمل امتعتك بالقطار ( خدمه ذاتيه )
النصيحه :
1- القطار مناسب لعدد شخص او شخصين وتكون الشناط قليله ( معدل شنطه لكل شخص )
2- الباص مناسب لأي عدد بشرط تكون الشناط قليله ( بمعدل شنطه لكل شخص )
اهم شي سالفه الشناط ... لكن كثره الشناط بتعيقك بالحركه وبتتعبك كثير ( اسأل مجرب )
ملاحظه : اذا وصلت لمحطه كي ال سنترال وتبي تاخذ تكسي ... فانصحك ما تاخذ التاكسي من موقف الباصات .. لاني لاحظت انهم غاليين بالسعر ( تخيلوا واحد قالي ب 35 ريجنت الى البرجين )
لمن طلعت الدرج ودخلت المحطه ... مشيت على طول ثم طلعت الدرج الثاني ... وبعدها لقيت كاونتر للتكاسي على اليمين ... واخذت التاكسي بسعر 13 ريجنت ..

هناك حل أرخص من القطار أستخدمته أنا و زوجي وهو الباص من المطار للفندق و كلفتنا التذكرة للفرد 18 رينجت يعني أحنا كنا 2 كل التكلفة كانت 32 رينجت من المطار لشارع العرب
تنزل من المطار إلى الدور الثاني في البدروم .. ستجد كاونترات للباص التذكرة من المطار لل kl sentral ب 10 رينجت و إذا تبي يوصلك للفندق بشارع العرب بتدفع 8 رينجت للفرد زيادة و يوصلك لباب فندقك
بصراحة تجربه جميلة و إقتصادية ..
مع العلم كان معايا أنا و زوجي حقيبتين كبيرتين

شاكر لكم أخواني خبراء ماليزيا الكرام على ردودكم ونصائحكم القيمة،
بخصوص القطار كانت خطتي اخذه من المطار الى محطة كي ال سنترال ومن ثم اخذ قطار المونوريل الى محطةانبي التي بجنب مجمع برجايا تايم سكوير وذلك لأنني حجزت فندق سنترال بودو آخذاً تقاريركم القيمة لهذا الفندق الاقتصادي، فما رآيكم بخطتي هذه؟؟؟

الغالي ( أبو نور )
أنت طلبت ( رأينا وشورنا ) ... والمستشار مؤتمن
والله ياصاحبي إن ( التاكسي ) أرخص وأريح وأسهل
تستطيع التنقل بالطريقة التي ذكرتها أنت ... لكن راح تتعب وتضيع وقتك الثمين ...
غير كذا ... مسألة سحب العفش ( متعبة حيل ) ...
لكن ( التاكسي ) يشيل الشنطة عنك ... وكلها ( 40 دقيقة ) وأنت بالفندق ...

• سامحني يالغالي لو خالفتك الرأي ...

لكن يشهد الله أنها من حبي لك ولكل أخواني وأخواتي في هذا المنتدى ... ماودي أحد يتعب
وافي