الشقق الفندقيه نظيفه وجديده و أيضا في البرجين عندق سقق فريزر و ics apart يعني هم ثلاثة فنادق بنظام الشقق الفندقيه وجميعهم ممتاز ولكن لايوجد مطاعم هناك يجب تنزل تقسيم أو عثمان بيه ويوجد كارفور بنفس المبنى .

عميد العرب المسافرون
جزاك الله خير يا عميد .. فغلا كنت محتارة بين الثلاثة واشوف نفس صور البرجين .. بس ics حجزه بدون ريفند .. و فريزر ما عنده مكان لأسرة اضافية واحنا عايلة اغلبها تحت 14 سنة ما نقدر نفترق في شقتين .. فكان في bomonti المواصفات اللي محتاجتنها ولله الحمد
و فرحتني على وجود كارفور .. وانا احاتي على مشوار السوبر ماركت ...
وبالنسبة للفطور عندهم بحساب منفصل واظني يجيبوه الشقة .. قلت يلا نخلص من وجبة قبل لا نطلع .. والباقي يفرجها ربنا .. والحمدلله الخير موجود في كل مكان على قولة اخوانا الأعضاء
وهذه بتكون ثاني زيارة لأسطنبول .. المرة الأولى رحت لوحدنا أنا و زوجي .. المرة هاي قلنا نفسح العيال
رغم مشقة التنقلات معاهم الله يحفظهم ... هه هه بس للسفر فوائد
يتعلموها بالتجربة
والحين وين الجماعة .. محد أفادني على سالفة السائقين والسيارات
بانتظاركم .......
وجزاك الله خيرا مرة ثانية يا عميد

وينكم ياجماعة الخير ... محد رد علي بخصوص السائقين ....
انتو حاطين ارقامهم .. يعني اكيد حد جربهم....وين المجربين؟؟؟
ياريت حد يخبرني عن نوع السيارات بدال ما نتورط و نحجز عند شركات خاصة .. وادبلنا في الأسعار
شو رايك يا عميد ؟ أحط موضوع غيره عن السائقين عشان الأخوان ينتبهوا ولا

وعليكم السلام ورحمة لله وبركاته
الشقق جيدة واخيتار موفق باذن الله
وبخصوص زيارة المتاحف يوم السبت والأحد جيدة أما عن السائقين نعم يملكون سيارات فان وسيارات صغيرة وتوكل على الله بما أنهم مسجلين في المنتدى أكيد أنشاء الله مافي منهم خوف
في رعاية لله وحفظه

أرسلت لك رقم على الخاص ان شاء الله يفيدك و أيضا أتصلي على السواقين الي بالمنتدى وقارني الاسعار و أختاري الافضل و أن شاء الله موفقين و أكثر سياراتهم الماني وجيده

وسيم في تركيا
ما تقصر أخوي وسيم .... طمنتي

عميد العرب المسافرون
جزاك الله خير يا عميد ... شفته بغيت ارد عليك ما قدرت .. حاطيته في الخطة
وبالنسبة للسائقين بخلي زوجي يتصل فيهم ويتفق وياهم ان شاءالله

وين موقع هذي الشقق لو سمحتوا لأني أنا ادور علي شقق في اسطنبول وهذي شقق كم نجمه ؟؟؟؟؟

https://www.booking.com/hotel/tr/bomonti-aparts-adegstanbul.en-gb.html?aid=1300939
هذا رابطهم في بوكينك
واظني انه 4 نجوم
والسموحة