اسطنبول المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..

نشر في اسطنبول

استفسار بخصوص فنادق اسطنبول

ولـدبلادي

20-03-2022 - 11:53 am

السلام عليكم جميعا...
اخواني انا ان شاءالله مسافر لاسطنبول يوم الثلاثاء 27 يوليو..
رحلتي بتكون دايركت من ابوظبي لاسطنبول..
سؤالي لكم اخواني واخواتي هو بخصوص الفنادق القريبة من منطقة تكسيم..
شو افضل الفنادق من حيث الموقع والمستوى..
مع العلم اني بسافر بروحي ومهم جدا عندي ان الفندق يكون موقعه فيه حياه وحركة وقريب من زحمة الناس..
شاكر لكم جهودكم ..
اخوكم سعود

التعليقات (4)

abadi22

20-03-2022 - 02:45 pm

اخوي انا مثلك رايح لوحدي بس ضبط اموري على سكن في السلطان احمد
انصحك تدخل على موقع البوكنج وتختار الفندق اللي يعجبك
تحياتي

uAeDesigner

20-03-2022 - 03:46 pm

هلا اخوي
شوف تقسيم ما انصحك فيها
تبي الراحه و الاماكن السياحيه القريبه سير صوب سلطان احمد ,,,,
تحصل فنادق وايد و شقق فندقيه
معظم الاماكن السياحيه هناك و المقاهي
تقسيم تروح لها ف النهار و تتجول فيها لكن كسكن ما انصح خاصه انك ساير بروحك
انتبه لبوكك ترا وايد حراميه
لا تطلع ف الليل لان فيه نشالين و ناس يعرضون خدماتهم *****
رحله سعيده

ولـدبلادي

20-03-2022 - 04:47 pm

مشكورين شباب..
تهمني نصايحكم وايد..
طيب في شغله انا بصراحه قريتها وجايز اكون فاهمنها غلط..
كم المسافه بين تكسيم ومنطقة سلطان احمد؟
وفي سلطان احمد هل في حياه في الفترة المسائية ولا هدوء وقطعه مثل ما قالولي بعض الشباب؟؟
شو اسم المنطقة اللي فيها المساجد الكبيره ؟

uAeDesigner

20-03-2022 - 05:48 pm

ما تبعد كثير
تكسي عشر دقايق بالكثير
تقرييا ب عشر ليرات
2.4 درهم = 1 ليره
سلطان احمد هاديه ف الليل لكن الشارع القريب منها مال بايزيد فيه حركه
المساجد الكبيره في سلطان احمد