اتصلت على سائق خاص قالي 150 ليره شخصين مع رضيع سعره مناسب ؟؟

انا البارح اخدت تكسي على العداد بس ماركبت الا بعد ما جادلتهم يعطوني سعر تقريبي حتى طفشوا مني اسمع مسؤل التكاسي يقول ارب بغضب قالوا مابين 120 الى 130 ليرة وغعلا دفعت 130 مع ان العداد كان على 118 لا تاخد تكسي من شركة داخل المطار طلب مني 185 ليرة خذ من برا افضل

حياك اخوي
زين 130 ليره و شكلها ع كذا الي بيصير
بس و انا اتفرج ع المواقع تبع تركيا لقيت هذا الموقع بس ما فهمت عليه مره ممكن احد يشرح لي هل ممكن الاقي باص ياخذني من مطار صبيحة الى السلطان احمد ؟؟؟

هلا أخوي
أنا دايم أستاجر سياره من المطار
بس مره من المرات كان عندي ترانزيت في مطار أتاتورك
وكنت أبي اروح وسط البلد لقضاء 5 ساعات والعوده للمطار
فلقيت باصات خارج المطار بتنظيم معين وقص تذاكر ورقم الباص واسم المنطقه
المهم لقيت أقرب باص طالع لمنطقه بعيده شوي بس يمر من وسط البلد ركبت معاه وأول ما وصلت حي أكسراي
قلت له يوقف وكنت قاص التذكره ب 10 ليرات .
قلت يمكن تستفيد من هالطريقه :
بأنك تسأل الموظف حق الباصات عن الباص اللي يمر لأقرب منطقه للسلطان أحمد
وتخليه يكتب لك ورقه بالتركي لسواق الباص يوقفك عند أقرب منطقه للسلطان واذا نزلت تركب تاكسي ب 10 او 15 ليره للفندق راح يكون قريب جدا
يعني لو شخصين مثلا ومطار صبيحه ابعد يمكن تكون التذكره 15 ليره للباص
باص30 + تاكسي 15 = 45 ليره بدال ما تدفع 130 ليره .
وبالنسبه للرابط اللي ارسلت حلو.. الشخص الواحد يوصلونه ب 10 يورو
يعني نفرين ب حوالي 55 ليره .. ممتاز

الباص من مطار صبيحه الى تقسيم ب 12 ليره الشخص و منها الى السلطان احمد بتاكسي اوفر شيئ
وموجود الباص كل نصف ساعه امام باب المطار ومكتوب عليه تقسيم

ما ابي شي يوديني تقسيم لأنها مظاهرات و بيكون الطريق مقفل ابي من المطار للسلطان احمد

السلام عليكم ورحمة الله وبركاته
الله يبارك فيكم وجزاكم الله خير
اود الاستفسار بالنسبة للنقل في الباصات هل سعر الشخص الكبير مثل سعر الاطفال احنا مسافرين الى اسطنبول مطار صبيحة في ابريل القادم ان شاء الله
فهل اسعار الكبار والصغار من مطار صبيحة الى منطقة تقسيم هي نفسيها 12 ليرة للشخص
وسؤال ثاني ماهي درجات الحرارة في اسطنبول في شهر ابريل القادم يعني بعد 3 شهور الجو بارد يحتاج ملابس شتوية ولا الجو صيفي يحتاج ملابس خفيفة
ولكم الشكر والاحترام على مجهودكم